Vahid ərəb ordusu Qərbin müdaxiləsinə alternativ ola biləcəkmi?
Tarix: 30.03.2015 | Saat: 23:17:00 | E-mail | Çapa göndər


Yəməndə baş verən qanlı münaqişə ərəb dövlətlərinin ortaq hərbi güc yaratmaq qərarında həlledici rol oynayıb
Ərəb dünyasında beynəlxalq terrorizmlə, o cümlədən “İŞİD”lə mübarizə aparmaq üçün ortaq hərbi qüvvələrinin yaradılması hələ uzun müddət idi ki, müzakirə edilirdi. Belə görünür ki, Ərəb Ölkələri Liqasının öz çevik hərbi qüvvələrini yaratması bölgədə münaqişələrin Qərbin müdaxiləsi olmadan, tənzimləniməsinə hesablanır.
Bölgədə təhdidlərin aradan qaldırılmasına hesablanmış birləşmiş qüvvələrin yaradılması haqqında məlumatı Misir prezidenti Abdel Fəttah əs-Sisi də təsdiqləyib. “Mən düşünrəm ki, bu, artıq elə vəziyyətdir ki, ərəb ölkələri bölgədə baş verən hansısa bir münaqişənin aradan qaldırılmasına kənardan göstəriş gözləmədən sülh və ya hərbi vasitələr yolu müdaxilə etməlidir”. Bu məsələni “RİA Novosti”yə dəyərləndirən rusiyalı şərqşünas Vladimir Sotnikov bildirib ki, artıq ərəb ölkələri tamamilə müstəqil hərəkət barədə qərar veriblər: “Ümumiyyətlə, məsələnin maraqlı cəhəti ondan ibarətdir ki, ərəb ölkələri beynəlxalq təşkilatların, o cümlədən BMT-nin Təhlükəsizlik Şurasının qətnamə qəbul etməsini gözləmədən münaqişəyə müdaxilə edə biləcək hərbi birlik yaratmaq istəyirlər”. Ərəb dünyasında ortaq hərbi qüvvələrin yaradılmasının uzun müddətdən bəri müzakirə edildiyini bir daha nəzərə çatdıran Sotnikov bunu gecikmiş qərar kimi qiymətləndirib: “Onsuz da Amerika ordusu “İŞİD”ə qarşı quru hərbi əməliyyat aparmayacaq. Ona görə də əsas yük yenə də ərəb dövlətlərinin üzərinə düşür. Bəlkə də elə bunun nəticəsidir ki, Yəməndə baş verən qanlı münaqişə ortaq hərbi güc yaratmaq qərarında həlledici rol oynayıb. Ümumərəb qüvvələrinin yaradılmasının hansı effekt verəcəyini yaxın gələcəkdə görəcəyik”. Bununla belə rusiyalı şərqşünasın özü üçün də bu məsələdə bəzi nüanslar qaranlıq olaraq qalır: “Amma burada da maraqlı sual meydana çıxır- görəsən, ərəb ölkələri hər hansı bir addımı atacaqları təqdirdə beynəlxalq və ya regional təşkilatların razılığını alacaq, yoxsa, müstəqil qərar qəbul edəcək?”. Haşiyə çıxaraq qeyd edək ki, bəzi ekspertlərə görə, yaranmaqda olan “vahid ərəb ordusu”nun əsas qüvvələrini Misir və Səudiyyə Ərəbistanının qoşunları təşkil edəcək. Belə görünür ki, onların əsas potensial düşməni İran və onun müttəfiqləri olacaq. Suriya dövlətinin də dəvətli olmadığı bu ordu üçün əsas modelin məhz NATO olacağı gözlənilir.
Ağasəf Babayev




 
Bölməyə aid digər xəbərlər
22.01.2019
Avropa ölkələri Gürcüstandakı vəziyyətdən narahatdır
22.01.2019
Axen sazişi: Almaniya və Fransa ABŞ-a qarşı yeni cəbhə yaratdı
22.01.2019
Уже в феврале будут продавать наушники-переводчик на 20 языков мира
22.01.2019
Senator Harris ABŞ prezidentliyinə namizədliyini rəsmən elan edib
22.01.2019
Praqada “gecə meri” vəzifəsi yaradılıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb
5 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info