Çindən xarici QHT-lərə və qrantlara “qırmızı işıq”
Tarix: 31.03.2015 | Saat: 19:21:00 | E-mail | Çapa göndər


“The Guardian”: “Çin hökuməti yeni təhlükəsizlik tədbirləri görərək xarici QHT-lərlə bağlı nəzarəti gücləndirir”

“The Guardian” Çin hökumətinin yeni təhlükəsizlik tədbirləri görərək xarici QHT-lərlə bağlı nəzarəti gücləndirməsindən yazıb. Yazıda qeyd edilir ki, Çinin təhlükəsizlik aparatı üzünü xarici QHT-lərə və onların yerli tərəfdaşlarına tutub. Prezident Xi Jinpingin milli təhlükəsizlik komissiyasından gələn yeni qanun layihəsi xarici QHT-lərin fəaliyyətini tənzimləməyi nəzərdə tutub. Bu isə Çində diskriminasiya, sağlamlığın və təhsilin inkişaf etdirilməsi, işçilərin hüquqlarının müdafiəsi adları altında fəaliyyət göstərən xarici QHT-ləri və onların yerli tərəfdaşlarını əməllicə təşvişə salıb. Qanun layihəsi ilə bağlı yerli müdafiəçilər narahatçılıqlar və həbslərdən qorxurlar. Xaricilər isə fəaliyyətlərinə məhdudiyyətlər tətbiq ediləcəyindən və ölkədən QHT fəaliyyətinə görə çıxarılacaqlarından ehtiyatlanırlar. Qeyd edək ki, hələ ictimai müzakirəyə çıxarılmayan qanun layihəsi sənədinin surəti ABŞ-ın “Washington Post” qəzeti tərəfindən əldə edilib.
Yazıda daha sonra bildirilir: “ Çinin mülki cəmiyyət üzərində sərt tədbirlər görməsi qismən Prezident Xinin ideyası və nəzarəti çərçivəsində baş verir. Həm də bu, Çinin birpartiyalı sisteminin devrilməsi üçün xaricilərin gizlicə sui-qəsd planları hazırlaması ilə bağlı qorxudan irəli gəlir. Bu məsələ Rusiya Prezidenti Vladimir Putinin rəhbərliyi ilə Rusiyada da bənzər tədbirlər görülməsinə səbəb olub.

“Xarici QHT-lər və onların yerli tərəfdaşları milli təhlükəsizliyi təhdid edən və Çin “sosial dəyərlərinə” zidd olan heç bir addım atmamalıdırlar. Həmçinin, xarici QHT-lər müvafiq qurumlara hesabat xarakterli fəaliyyət planı və büdcə təqdim etməlidirlər ki, bu cür sənədləri təsdiqlənsin”

Arlingtonda, Virciniyada yerləşən “Project 2049 Institute” beyin mərkəzinin tədqiqatçısı Julia Famularo bildirir: “Çin liderləri iddia edirlər ki, bu sahədə Qərb dövlətlərinin başlıca məqsədləri QHT-lərin Çin Kommunst Partiyasının çökməsində dirijorluq etmələridir. Pekin və Moskva liderləri nələrsə edəcəklər ki, stabilliyi partladan və hökumətlərinin uzunömürlülüklərini təhdid edən potensial rəngli inqilablardan qorunsunlar”.
Yazıda daha sonra qeyd edilir ki, sözügedən yeni qanun ötən dekabrda Çin parlamentinin komitəsi olan Xalq Milli Konqresində təqdim edilib. Konqresin sözçüsü xanım Fu Ying bildirib ki, qanun, Çinin “milli təhlükəsizliyini və sosial stabilliyini” mühafizə etməklə bərabər, xarici QHT-lərin “qanuni maraqlarını” qorumağı hədəfləyir: “Amma qanun layihəsinə düzəlişlər edilə biləcəyinə və onun nə dərəcədə ciddiyyətlə həyata keçirilib-keçirilməyəcəyinə baxmayaraq, sənədin əldə edilmiş surəti deməyə əsas verir ki, burada əsas diqqət təhlükəsizlik məsələlərinə yönəldilib. Belə ki, xarici QHT-lər onlarla məşğul olan mülki işlər üzrə nazirliyin nəzarətindən çox, ictimai təhlükəsizlik bürosunun nəzarətinə veriləcək. Qeydiyyatdan keçmək üçün onlar özlərinə sponsorluq edəcək hökumət agentliyi tapmalıdırlar.
Onlar milli təhlükəsizliyi təhdid edən və Çin “sosial dəyərlərinə” zidd olan heç bir addım atmamalıdırlar. Həmçinin, xarici QHT-lər müvafiq qurumlara hesabat xarakterli fəaliyyət planı və büdcə təqdim etməlidirlər ki, bu cür sənədləri təsdiqlənsin”.
Bildirilir ki, hökuməti destabilləşdirmək istəyən QHT-ləri dayandırmaq və onların fəallarını həbs etmək üçün təhlükəsizlik rəsmilərinə sözügedən qanun çərçivəsində səlahiyyət veriləcək.
Yazıda daha sonra xarici QHT-lərlə əməkdaşlıq edən yerli QHTnümayəndələrinin qanun layihəsi ilə bağlı ciddi narahatlıqları da verilib. Bir neçə belə Çin QHT nümayəndəsi xarici QHT-lərlə əməkdaşlıq məsələsində və ümumiyyətlə, bu sahədə fəaliyyətdə çətinlik çəkəcəklərini, başqa sözlə, xarici qrant kanallarınnı kəsiləcəyini müxtəlif əsaslarla ifadə edib.

İlkin AĞAYEV




 
Bölməyə aid digər xəbərlər
17.02.2019
Bahalıqla əlaqədar Tehranda 180 restoran fəaliyyətini dayandırıb
17.02.2019
Türkiyə və Rusiya prezidentləri yenidən görüşəcək
17.02.2019
İğdırda Xocalı soyqırımının 27-ci ildönümü ilə əlaqədar silsilə tədbirlər keçiriləcək
17.02.2019
İranın Kosmik Araşdırmalar İnstitutunda baş verən yanğın nəticəsində üç nəfər həlak olub
17.02.2019
Londonda Karl Marksın məzarına növbəti dəfə vandal hücumu olub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info