Karateçilərimizin Avropa çempionatındakı çıxışı yüksək qiymətləndirilib
Tarix: 31.03.2015 | Saat: 21:01:00 | E-mail | Çapa göndər


Azərbaycan karateçiləri İstanbulda 50-ci Avropa çempionatının fərdi yarışlarında 2 qızıl, 1 gümüş, komanda yarışlarında isə bürünc medal qazanmışdı.
Martın 31-də “Bakı-2015” birinci Avropa Oyunları Əməliyyat Komitəsinin (BEGOC) baş ofisində gənclər və idman naziri Azad Rəhimov karateçilərimiz ilə görüşüb.
Avropa çempionatında millimizin çıxışını yüksək qiymətləndirən nazir Avropa Oyunları öncəsi qazanılan uğurun əhəmiyyətindən danışıb. Bildirilib ki, Avropa Oyunlarının başlanmasına 73 gün qalır və belə qələbələr bizim üçün çox vacibdir. Sevindirici haldır ki, karate ölkəmizdə idmanın ən populyar növlərindən biridir.
Nazir vurğulayıb ki, Avropa Oyunlarında karate yarışlarına iyunun 13-də start veriləcək. Milli komandamızın güclü olduğunu nəzərə alsaq xalqımız “Bakı-2015”də medal sevincini ilk günlərdə yaşaya bilər. Karateçilərimizin hazırlıq prosesi, onların təlim-məşq toplanışları və beynəlxalq yarışlarda qüvvələrini sınamaları bizim üçün əsas prioritet mövzulardandır.
Avropa Oyunlarında ölkəmizi 5 kişi və 5 qadın karateçinin təmsil edəcəyini bildirən A.Rəhimov Azərbaycanın 350-dən artıq idmançı ilə “Bakı-2015”də çıxış edəcəyini diqqətə çatdırıb.
Ölkəmizdə idmana göstərilən dövlət qayğısından danışan Azərbaycan Karate-do Federasiyaları Assosiasiyasının prezidenti Ülvi Quliyev atletlərimizin beynəlxalq arenada qazandığı nailiyyətlərdən danışıb. Vurğulayıb ki, karateçilərimiz Avropa çempionatında növbəti uğura imza atıblar. İdmançılarımız əzmkarlıq nümayiş etdirərək mükafatçılar sırasında yer alıblar. Bu uğurların əsasında ölkəmizdə yaradılan idman infrastrukturu dayanır.
Azərbaycan Milli Karate Federasiyasının birinci vitse-prezidenti İlham Qasımzadə idmançılar üçün yaradılan şəraitə görə təşəkkürünü bildirib, karateçilərimizin Avropa Oyunlarına ciddi hazırlaşdıqlarını vurğulayıb, onların “Bakı-2015”də mükafatçılar sırasında yer alıb xalqımızı sevindirəcəklərinə əminliyini ifadə edib.
Sonra qitə birinciliyində uğurla çıxış edən karateçilərə hədiyyələr təqdim olunub.
Sonda karateçilərimiz BEGOC-un baş ofisində yaradılan şəraitlə tanış oldular.
Avropa çempionatında Niyazi Əliyev (67 kq) və Rafael Ağayev (75 kq) qızıl, Ayxan Mamayev (84 kq) isə gümüş medala sahib olublar. Bu uğurla Rafael Ağayev 12-ci, Niyazi Əliyev isə 2-ci Avropa çempionluğu sevincini yaşayıb. Komanda yarışlarında isə üçüncü yer uğrunda Almaniya millisinə qalib gələn Azərbaycan yığması bürünc medala sahib olub.

Təhminə




 
Bölməyə aid digər xəbərlər
26.09.2018
Cüdo üzrə dünya çempionatının bayrağı Yaponiya nümayəndəsinə təqdim olunub
26.09.2018
Məktəblər arasında müxtəlif idman növləri üzrə respublika çempionatı keçiriləcək
26.09.2018
Cüdoçumuz İrina Kindzerska dünya çempionatında növbəti qələbəsini qazanıb
26.09.2018
Ən ağır çəki dərəcəsindəki cüdoçular mübarizəyə qoşulublar
26.09.2018
Cüdo üzrə dünya çempionatında fərdi mübarizəyə yekun vurulacaq

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10147

1 “Vətən uzaqda deyil” telelayihəsi dünya azərbaycanlılarının sevincinə səbəb olub
2 Yalnızlıq qorxusu
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info