Erməni ata: “Oğlum dözülməz vəziyyətə düşdüyü üçün döyüş mövqeyini tərk etdi və getdi”
Tarix: 02.04.2015 | Saat: 16:13:00 | E-mail | Çapa göndər


Könüllü olaraq Azərbaycan tərəfinə təslim olmuş erməni əsgər Andranik Qriqoryanın atası Artur Qriqoryan oğlunun xidmət etdiyi hərbi hissədə incidildiyi barədə fikirlərini təkrarlayıb.
"Armtoday.info" saytına istinadən verdiyi məlumata görə o, oğlunun ailədə olan problemlər səbəbindən Azərbaycan tərəfinə keçməsi barədə iddiaları təkzib edib.
Ata Qriqoryan bildirib ki, hərbi hissədə oğluna əziyyət veriblər: “Evdə mübahisələr olurdu. Andranik bir qızı istəyirdi, mən Andranikə dedim ki, o bizə uyğun deyil, o, ali təhsillidir, biz yox... Belə bir problem olub, lakin başqa problem olmayıb. Ancaq Andranik bir dəfə hərbi hissədən evə qəzəbli halda gəlmişdi, ona əzab-əziyyət verirdilər, incidirdilər. Andranik dözülməz vəziyyətə düşdüyü üçün döyüş mövqeyini tərk etdi və getdi".
Andranik Qriqoryanın anası Nelli Qriqoryan da deyib ki, ailədə olan problemlər oğlunun Azərbaycan tərəfinə keçməsinə səbəb ola bilməzdi. Ana ümidvar olduğunu bildirib ki, oğlu sağ-salamat evə qayıdacaq.
Qeyd edək ki, A. Qriqoryanın özü hərbi hissədə döyüldüyü, incidildiyi üçün Azərbaycan tərəfə təslim olduğunu bildirib. Atası da oğlunun dediklərini təsdiqləyib, oğlunun xidmət etdiyi hərbi hissədə mütəmadi incidildiyini deyib.
Ermənistanın müdafiə naziri Seyran Ohanyan isə mətbuata açıqlamasında Andranik Qriqoryanın Azərbaycan tərəfinə keçməsinə görə onun ailəsini ittiham etmişdi. Nazirin bu açıqlaması həm Qriqoryan ailəsinin, həm də erməni ictimaiyyətinin narazılığına səbəb olmuşdu. Məhz bu narazılığı nəzərə alaraq, S. Ohanyan mətbuata verdiyi son açıqlamasında A. Qriqoryanın Azərbaycan tərəfə təslim olmasının səbəbləri haqqında yalnız araşdırmalar aparandan sonra konkret nəsə deməyin mümkün olduğunu qeyd edib, ailəsində problemləri olması barədə heç nə deməyib.

Xatırladaq ki, erməni silahlı bölmələrinin 1991-ci il təvəllüdlü müqaviləli hərbi qulluqçusu Andranik Araratoviç Qriqoryan bu il martın 22-də saat 13:50 radələrində Azərbaycan Silahlı Qüvvələrinin nəzarətində olan əraziyə keçərək, könüllü olaraq ordumuza təslim olub. O, Ermənistan Ordusundakı hərc-mərclikdən, aclıqdan bezdiyini qeyd edib: "Mən onların çirkin oyunlarının növbəti qurbanı olmaq istəmirəm. Qarabağdakı dözülməz şərait, hərbi hissələrdəki intizamsızlıq, silah-sursat çatışmazlığı, qida və dərman qıtlığı, yerli ermənilərlə ermənistanlı ermənilər arasındakı münaqişə, zabitlərin əsgər və gizirlərə pis münasibəti və hərc-mərclik məni cana yığıb. Mənim kimi o tərəfdə bu cür yaşamaqdan bezib bura keçmək istəyən çoxlu sayda insan var".
Tural




 
Bölməyə aid digər xəbərlər
25.04.2019
“Türkiyənin güclənməsi və dünyada söz sahibi olmasını istəməyən qüvvələr var”
25.04.2019
Qazaxıstanda prezident seçkilərində ilk dəfə qadının namizədliyi irəli sürülüb
23.04.2019
Ukrayna MSK prezident seçkilərində Vladimir Zelinskinin qələbəsini elan edib
23.04.2019
Özbəkistan, Türkiyə və Pakistanın birgə hərbi təlimi başlayıb
23.04.2019
“Eurasianet”: “Ermənistanda iqtisadi artım hələ də aşağı səviyyədədir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10759

1 Tarixin ibrət dərsləri...
2 Artıq bəzi sözlər yeni qaydalar əsasında yazılmalıdır
3 Gülnar Səmanın kitabının təqdimatı keçiriləcək
4 “Azərbaycan dilinin Orfoqrafiya Normaları” təsdiq edilib
5 “Israel Hayom” qəzeti: “Azərbaycan müqəddəs Odlar Yurdudur”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info