Ermənilər yumurtanın bahalaşmasından narazıdırlar
Tarix: 02.04.2015 | Saat: 17:50:00 | E-mail | Çapa göndər


Son illərdə iqtisadi böhranın daha da artdığı Ermənistanda hər hansı bayram öncəsi qiymət artımı da artıq adi hal alıb. Təsadüfi deyil ki, Yeni il öncəsi bu ölkədə adi şamdan tutmuş, ərzaq məhsullarına qədər qiymət artımı müşahidə olunmuşdu ki, bunu da Ermənistan mətbuatı dəfələrlə tənqidi şəkildə yayımlamışdı. İndi isə Ermənistanın gündəmini bahalaşan yumurta məsələsi zəbt edib. Belə ki, ölkə boyu vətəndaşlar yumurtanın qiymətinin qalxmasından narazılıq ediblər.
Erməni KİV-lərinin yaydığı məlumata görə, aprelin 5-də erməni apostol kilsəsi tərəfindən qeyd ediləcək Pasxa ərəfəsində yumurtanın qiyməti əhəmiyyətli dərəcədə 70 dramadək (16 qəpik) yüksəlib. Bu, isə ictimaiyyətin geniş etirazına səbəb olub.
Yaranan ictimai narazılığı yatırtmaq üçün "İstehlakçıların Mənafeyinin Qorunması" İctimai Təşkilatının sədri Babken Pipoyan mətbuat konfransı keçirib və məcburi qaydada yalan informasiyalar verib. O deyib ki, yumurta bəzi mağazalarda çox aşağı qiymətə - 45-55 drama satılır. Bu yumurtalar kiçik yox, orta ölçülüdür.
B.Pipoyan bildirib ki, bu il keçən illərdən fərqli olaraq yumurta idxal olunmayıb. Bununla əlaqədar olaraq hazırda satış şəbəkəsinə anbarlardan böyük miqdarda yumurta partiyası bazarlara çıxarılıb.
İctimai təşkilatın sədri istehlakçıları yumurta alan zaman onların səthinə, təzəliyinə mütləq diqqət yetirməyə də çağırıb. Onun sözlərinə görə, bunu yumurtanın qabığının köməyi ilə müəyyənləşdirmək olar: yumurta bərabər ölçüdə, ağ və təmiz olmalıdır. Əgər yumurtanın qabığı süd rəngindədirsə, bu, məhsulun təzə olmadığını göstərir.
Təbii ki, müstəqil erməni ekspertlərin də düşündüyü kimi, bu, ölkədə iqtisadi böhranın təzahürüdür. Yerli istehsalı olmadığına görə ərzaq çatışmazlığı problemi ilə üzləşən İrəvanda bu gün yumurta ilə bağlı ciddi problemlər yaranırsa, yəqin ki, yaxın zamanlarda insanların çörək davasına çıxması da qaçılmazdır.
Tural




 
Bölməyə aid digər xəbərlər
18.03.2019
Naxçıvanda Çanaqqala zəfərinin ildönümü qeyd olunub
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib
14.03.2019
Ermənistanda vergilər artırıldı
14.03.2019
Yerevanda polislə aksiya iştirakçıları arasında toqquşma baş verib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info