“ABŞ Çinin yüksəlişi fonunda dünyanın aparıcı güc statusunu itirməkdədir”
Tarix: 02.04.2015 | Saat: 22:52:00 | E-mail | Çapa göndər


Paulo Barradaş: “ABŞ Çinin təsisçisi olduğu Asiya İnfrastruktur İnvestisiya Bankına qarşı Qərb ölkələrinin birləşməsinin qarşısını ala bilmədi”

“ABŞ artıq zamanın mühüm çağırışlarına cavab vermək iqtidarında deyil. Vaşinqton Çinin yüksəlişi fonunda dünyanın aparıcı güc statusunu itirməkdədir”. Bu fikirləri Portuqaliyada nəşr edilən “Expresso” nəşrinin icmalçısı Paulo Barradaş bildirib. “Belə görünür ki, Amerika diplomatiyası daha əvvəlki mövqeyini qorumaq iqtidarında deyil. Bu, həm siyasi, həm də hərbi sferada özünü göstərməkdədir.
Buna bariz nümunə kimi, ABŞ-ın Çinin təsisçisi olduğu Asiya İnfrastruktur İnvestisiya Bankına Qərb ölkələrinin qoşulmasının qarşısını ala bilməməsini də göstərmək olar. Qəribə də olsa, bu bank təşəkkül tapmasına görə daha çox Amerika diplomatiyasının uğursuzluğuna minnətdar olmalıdır. ABŞ dəyişikliyin vacib olduğunu görə bilməyib. Bu, əsasən, dünya iqtisadiyyatında çəkiləri sürətlə artan inkişaf edən bazarlara aiddir. Qeyd edilməlidir ki, 2013-ci ildə Çin Beynəlxalq Valyuta Fondunun korporativ idarəetmə sahəsində dəyişiklər etməsi ilə əlaqədar ABŞ-a təkliflər göndərsə də, Ağ Ev həmin təklifləri rədd edib. Məhz bundan sonra Çin və digər Asiya ölkələri Beynəlxalq Valyuta Fonduna alternativ olan Asiya İnfrastruktur İnvestisiya Bankını yaratmaq qərarına gəliblər. ABŞ-ın tarixi müttəfiqləri olan Böyük Britaniya, Almaniya, Fransa, İtaliya və İsveçrə kimi dövlətlər də bu bankın iştirakçı üzvləridir. Avstraliya da bir neçə aylıq düşünmədən sonra Asiya İnfrastruktur İnvestisiya bankının təsisçiliyində iştirak etmək niyyətində olduğunu bəyan edib. “Böyük Avropa ölkələrinin bu bankda təsisçilər kimi iştirak etmək istəyi, bu ölkələrin yeni infrastruktur layihələrində pay almaqda çox maraqlı olmaları ilə bağlıdır. Bu isə beynəlxalq əməliyyatlarda Çin valyutasından istifadənin artması ilə yekunlaşa bilər. Bu, zamanın ən mühüm siyasi və iqtisadi çağırışıdır. Lakin, təəssüf ki, ABŞ bunu hələ də başa düşmək istəmir” - deyə Paulo Barradaş qeyd edib.
Ağasəf Babayev




 
Bölməyə aid digər xəbərlər
24.01.2019
Cənubi Koreyada Ali Məhkəmənin sabiq sədri həbs olunub
24.01.2019
Moskvada Rusiya və Türkiyə prezidentlərinin görüşü olub
23.01.2019
İran Fars körfəzində yeni neft ehtiyatı aşkarlayıb
23.01.2019
Donald Trampa NATO-dan çıxmağı qadağan etdilər
23.01.2019
Fransalı nazir polis zorakılığını etiraf etməyə məcbur olub

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10566

1 “Mənim güc mənbəyim Bakıdadır”
2 Mehman Hüseynov Prezident İlham Əliyevə müraciət ünvanlayıb
3 “Yenisafak.com”: “Star” NEZ “Ən yaxşı maliyyə layihəsi idarəçiliyi” mükafatına layiq görülüb”
4 Əli Abdalov Mehman Hüseynovla barışıb
5 Sədərək uğrunda gedən qeyri-bərabər döyüşdə yurd sevgisi qalib gəldi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info