İşğal olunan ərazilərimizə səfər edənlər “qara siyahı”ya düşdülər
Tarix: 03.04.2015 | Saat: 17:29:00 | E-mail | Çapa göndər


“Azərbaycan Respublikasının işğal edilmiş ərazilərinə qanunsuz səfər etmiş İrəvanda keçirilən mediaforumun iştirakçıları “arzuolunmaz şəxslər” siyahısına daxil ediləcək”.
Bu barədə Xarici İşlər Nazirliyinin mətbuat xidmətinin rəhbəri Hikmət Hacıyev məlumat verib.
H. Hacıyev bildirib ki, Ermənistan mətbuatında qanunsuz səfərdə iştirak edən jurnalistlər arasında Rumıniyanın “Adevarul” qəzetinin jurnalisti Yelena Dumitru, Rusiyanın “Arqumentı i faktı” qəzetinin jurnalisti Aleksandr Kolesniçenko, “Çexiya radiosu”nun aparıcısı Monika Xorsakovanın adları çəkilir: “Qanunsuz səfərdə daha kimlərin iştirak etdiyi araşdırılacaq və onların adları “qara siyahı”ya salınacaq. Hal-hazırda bizdə olan məlumata görə, onların sırasında Argentina vətəndaşları da olub. Qeyd olunan mediaforum İrəvanda keçirilsə də, Ermənistan yenə də ənənələrinə sadiq qalaraq, müxtəlif vasitələr və yollarla bəzi şəxslərin işğal olunmuş ərazilərə səfərini təşkil edib. Azərbaycan Respublikasının razılığı olmadan işğal olunmuş ərazilərə qanunsuz səfərlər Azərbaycanın "Dövlət sərhədi haqqında" qanununun pozulması deməkdir. Eləcə də bu kimi qanunsuz səfərdə iştirak edən şəxslər Azərbaycanın işğal olunmuş ərazilərində törədilmiş işğal, təcavüz, qanlı etnik təmizləmə əməllərinin təşviqinə xidmət edirlər. Onların bu cür hərəkəti işğal olunmuş ərazilərdən didərgin düşmüş bir milyondan artıq azərbaycanlı qaçqın və məcburi köçkünün fundamental hüquqlarına da hörmətsizlikdir. Bu şəxslər onu da başa düşməlidirlər ki, Azərbaycanın işğal edilmiş əraziləri insan və narkotik ticarəti, silah qaçaqmalçılığı, terrorizm və digər transmilli cinayətlər üçün münbit ərazidir. Təsadüfi deyil ki, işğal edilmiş ərazilərə səfər edən əcnəbilərə Ermənistan xüsusi xidmət orqanlarının nəzarəti altında yalnız çox məhdud yerlərə getməyə və ya çəkiliş aparmağa icazə verilir. Ölkənin qayda-qanunlarını pozaraq və münaqişə ərazisinə səfər edərək, yalnız birtərəfli reportaj hazırlamaq peşəkar jurnalist etikasından kənar yanaşmadır. Əksər ölkələr Xarici İşlər nazirlikləri vasitəsilə öz vətəndaşlarına bu kimi qanunsuz səfərlərdən çəkinmək barədə xəbərdarlıq ediblər”.
H. Hacıyev qeyd edib ki, peşəkar jurnalist fəaliyyəti ilə əlaqədar Azərbaycanın işğal olunmuş ərazilərinə səfər etmək istəyən şəxs müvafiq icazə almaq üçün Azərbaycan Xarici İşlər Nazirliyinə müraciət edə bilər. Bu tip müraciətlərə müvafiq prosedur qaydası əsasında baxılır.
Xatırladaq ki, 18-23 mart tarixlərində Ermənistanda beynəlxalq mediaforum keçirilib. Forumun bəzi iştirakçılarının Ermənistan tərəfindən Azərbaycanın işğal olunmuş ərazilərinə səfəri təşkil olunub.
Tural




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info