“Türkiyə-Azərbaycan münasibətləri bütün dövrlərdə region üçün çox önəmli rol oynayıb”
Tarix: 04.04.2015 | Saat: 00:26:00 | E-mail | Çapa göndər


Dünən Prezidentin ictimai-siyasi məsələlər üzrə köməkçisi Əli Həsənov Türkiyə Qəzetçilər Federasiyasının təşkilatçılığı ilə ölkəmizdə səfərdə olan tanınmış media nümayəndələri ilə görüşüb. Əli Həsənov Türkiyə-Azərbaycan münasibətlərinin bütün dövrlərdə həm iki ölkə, həm də region üçün çox önəmli rol oynadığını bildirib. Bu gün ölkələrimiz arasında strateji tərəfdaşlıq münasibətləri mövcuddur və bütün sahələrdə əlaqələrimiz uğurla inkişaf edir. Azərbaycanın müstəqilliyini ilk tanıyan dövlət də məhz Türkiyə olub.
Ermənistan-Azərbaycan, Dağlıq Qarabağ münaqişəsinin həlli ilə əlaqədar danışıqların son durumu haqqında məlumat verən Əli Həsənov vurğulayıb ki, ölkəmiz rəsmi Ankaranın bu məsələ ilə bağlı tutduğu mövqeyi yüksək qiymətləndirir. Münaqişənin nizama salınması prosesində Azərbaycan Prezidenti İlham Əliyev ilk növbədə sülh variantına üstünlük verir. Eyni zamanda, dövlət başçısı torpaqlarımızın azad edilməsi üçün bütün vasitələrdən istifadə olunacağını qətiyyətlə vurğulayıb.
Əli Həsənov diqqətə çatdırıb ki, azərbaycanlılara qarşı dəhşətli qətliamlar və terror aktları törədən ermənilər özlərini məzlum, əzilən millət kimi göstərərək, guya türklər tərəfindən soyqırımına məruz qaldıqları barədə cəfəng iddialarla ictimai fikir formalaşdırırlar: “Son zamanlar isə onların çirkin kampaniyalarına beynəlxalq qurumların inanmadığının şahidi oluruq. Azərbaycan dünyada haqq, ədalət axtarışına çıxaraq, erməni yalanlarını ifşa etməkdədir və bu kampaniyaların gerçəkləşməsində Türkiyə hər zaman ölkəmizin yanında olub”. Prezidentin ictimai-siyasi məsələlər üzrə köməkçisi Azərbaycanda həyata keçirilən irimiqyaslı layihələrdən danışaraq bildirib ki, bu layihələr Azərbaycan, Türkiyə və digər ölkələrin enerji təhlükəsizliyi üçün böyük təminat verir. Eyni zamanda, iki dövlət arasında genişlənən əməkdaşlıq və strateji tərəfdaşlıq regionda sabitliyin göstəricisidir. Bakı-Tbilisi-Ceyhan neft, Bakı-Tbilisi-Ərzurum qaz boru kəmərləri və Bakı-Tbilisi-Qars dəmir yolu kimi nəhəng layihələrdən sonra TANAP layihəsinin reallaşması ölkələrimizin regionda və dünyada nüfuzunu daha da artırıb. Görüşün sonunda Prezidentin ictimai-siyasi məsələlər üzrə köməkçisi Əli Həsənova Türkiyə Qəzetçilər Federasiyasının mükafatı təqdim edilib.




 
Bölməyə aid digər xəbərlər
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”
18.02.2019
Rusiyanın azərbaycanlı icması soydaşlarımızı və çeçenləri təxribata uymamağa çağırıb
18.02.2019
“Müxalifət liderlərinin siyasəti kökündən yanlışdır”
18.02.2019
Müxalifətçilik missiyası və Azərbaycanın milli maraqları
18.02.2019
Burak Candaş: “Qarabağ dərhal Azərbaycana qaytarılmalıdır“

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info