Əli Həsənov: “Avrasiya İqtisadiyyat Zirvələrində etdiyimiz müraciətlər nəticə verir”
Tarix: 08.04.2015 | Saat: 20:58:00 | E-mail | Çapa göndər


“Avrasiya İqtisadiyyat Zirvələrində etdiyimiz müraciətlər öz nəticələrini verir”.
Bunu Azərbaycan prezidentinin ictimai-siyasi məsələlər üzrə köməkçisi Əli Həsənov deyib.
İstanbulda keçirilən XVIII Avrasiya İqtisadiyyat Zirvəsində iştirak edən Ə. Həsənov bildirib ki, Avrasiya İqtisadiyyat Zirvəsində iştirak edən dövlətlərin əksəriyyəti beynəlxalq qurumlarda təmsil olunur: “Məsələn, İslam Əməkdaşlıq Təşkilatı. Avrasiya İqtisadiyyat Zirvəsində iştirak edən ölkələr arasında İƏT üzvləri var. Bizim onlarla apardığımız iş sayəsində İslam Əməkdaşlıq Təşkilatı Ermənistanı təcavüzkar dövlət kimi tanıyıb və özünün bütün Zirvə toplantılarında Ermənistanı qeyd-şərtsiz Azərbaycan torpaqlarından çıxmağa, BMT Təhlükəsizlik Şurasının qərarlarına əməl etməyə çağırıb. Burada Avropanı təmsil edən ölkələr də var. Bilirsiniz ki, Avropa İttifaqı, Avropa Şurası, Avropa Parlamenti və digər təşkilatlar da Ermənistanı Azərbaycan torpaqlarından qeyd-şərtsiz çıxmağa və BMT Təhlükəsizlik Şurasının qətnamələrini yerinə yetirməyə çağırıb. Bu Zirvəyə Qara dəniz İqtisadi Əməkdaşlıq Təşkilatı, Xəzər-Qara dəniz bölgəsini təmsil edən digər qurumların nümayəndələri də qatılır. Onlar da bu çağırışlara müsbət reaksiya verirlər. Yəni, bizim bu çağırışlar nəticəsiz qalmır. Azərbaycan nümayəndə heyətinin qaldırdığı məsələlər və Ermənistana təzyiq göstərilməsi üçün dəfələrlə etdiyi müraciətlər hardasa öz bəhrələrini verir. Sadəcə, Ermənistanın bizim torpaqlarımızdan geri çəkilməsi, Azərbaycanın ərazi bütövlüyünün bərpa edilməsi qalır. Düşünürük ki, tez-gec buna da nail olacağıq”.
Qeyd edək ki, XVIII Avrasiya İqtisadiyyat Zirvəsində Azərbaycan prezidentinin ictimai-siyasi məsələlər üzrə köməkçisi Əli Həsənov və energetika naziri Natiq Əliyev “Şərəf” medalı ilə təltif edilib.

Nigar




 
Bölməyə aid digər xəbərlər
22.01.2019
Müdafiə naziri mühəndis və kimya hərbi hissələrində yeni istifadəyə verilən obyektlərlə tanış olub
22.01.2019
Əli Abdalov Mehman Hüseynovla barışıb
22.01.2019
Dünya İqtisadi Forumu işə başlayıb
22.01.2019
Tükənməyən bəhanələr
22.01.2019
Bakı Şəhər Baş Polis İdarəsi və şəhər prokurorluğu mitinqlə bağlı məlumat yayıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Nikola Sarkozi: “Bakıda böyük quruculuq işlərinin şahidi oldum”
4 Mehman Hüseynov Prezident İlham Əliyevə müraciət ünvanlayıb
5 Mədəniyyət Nazirliyinin tabeliyindəki kitabxanalar ləğv edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info