Millət vəkili ATƏT və AŞPA rəhbərlərinə müraciət edib
Tarix: 13.04.2015 | Saat: 18:31:00 | E-mail | Çapa göndər


Millət vəkili, AVCIYA prezidenti Elxan Süleymanov, bu il Azərbaycanda keçirilən parlament seçkilərinin müşahidəsinə hazırlıq məqsədilə Bakıya səfər edən ATƏT-in Demokratik Təsisatlar və İnsan Hüquqları Bürosunun (DTHİB) direktoru Maykl George Linkə müraciət ünvanlayıb. Müracət həm də məlumatlandırma xarakterli olaraq ATƏT-in sədri İvica Dacic, ATƏT PA-nın sədri İlkka Kanerva, Avropa Parlamentinin prezidenti Martin Şults, AŞPA-nın prezidenti Ann Brassör və Avropa Şurasının Baş katibi Torbyön Yaqlanda ünvanlanıb. Müraciətdə qeyd edilib ki, bir sıra Azərbaycan rəsmiləri ilə görüşləriniz zamanı ATƏT/DTİHB-in seçki müşahidəsi fəaliyyətinin aydın prinsiplər və standartlara əsaslandığını vurğuladınız: “Siz izah etdiniz ki, ATƏT/DTİHB obyektiv qiymətləndirmə vermək məqsədilə hər zaman bütün rəyləri, eləcə də bütün faktlar və vəziyyətlərin müşahidə və təhlilini nəzərə alır və xüsusi qeyd edir.
Sizdən öyrəndik ki, bu məsələ Avropa Şurası Parlament Assambleyasının və ATƏT/DTİHB-in rəsmiləri arasındakı son görüşdə geniş müzakirə edilib və Azərbaycanda qarşıdakı parlament seçkiləri müvafiq olaraq müşahidə ediləcəkdir.
Siz ATƏT/DTİHB-in seçkiləri “hər zaman olduğu kimi, tam obyektiv” müşahidə edəcəyini Bakıda açıq bəyan etdiniz. Bakı səfəri zamanı səsləndirdiyiniz bu fikirlər məni heyrətləndirdi və Azərbaycanda Vətəndaş Cəmiyyətinin İnkişafına Yardım Assosiasiyasının (AVCİYA) prezidenti kimi onlara münasibət bildirmək məcburiyyətində qoydu. Belə ki, rəhbərlik etdiyim AVCİYA son 15 il ərzində ölkədə keçirilən bütün seçkilərin monitorinqini keçirib və beynəlxalq təşkilatlar tərəfindən seçkilərin monitorinqi sahəsində kifayət qədər potensiala malik olan ixtisaslaşmış qurum kimi tanınıb. AVCİYA bu sahənin peşəkarı kimi rəsmi beynəlxalq qurumlar tərəfindən seçkilər ərəfəsində keçirilən görüş və müzakirələrə mütəmadi dəvət edilir.
Beləliklə, ATƏT/DTİHB-in seçkiləri “hər zaman olduğu kimi, tam obyektiv” müşahidə edəcəyi barədə bəyanatınızla bağlı xatırlatmaq istərdim ki, bu “tam obyektivlik” heç də “hər zaman” ATƏT/DTİHB-in standartı olmayıb və bu, xüsusilə Azərbaycanda keçirilmiş 2013-cü il prezident seçkilərində öz təsdiqini tapdı. Şübhəsiz, xatırlayırsınız ki, Avropanın parlament assambleyalarından, daha dəqiq, AŞPA, ATƏT PA və Avropa Parlamentindən olan üç rəsmi mandatlı, müstəqil, peşəkar müşahidə missiyası DTİHB-dən tamamilə fərqli nəticəyə gəldi. Bütün siyasi qruplar və bütün Avropa ölkələrindən olan onlarla deputatın təmsil etdiyi bu Avropa qurumları yekdil nəticəyə gəldi ki, bəzi kiçik çatışmazlıqlar qeydə alınsa da, prezident seçkiləri azad, ədalətli, və şəffaf keçirilmişdir.
Bununla belə, heç bir ictimai nümayəndəlik səlahiyyəti olmayan (!) DTİHB əməkdaşları bütün bu rəsmi nümayəndə heyətlərinin aşkar etdiyi faktları tamamilə ləğv etməyə qəti təkid etdi, hətta ölkəmin müsbət adına xələl gətirmək üçün qəsdən və tamamilə birtərəfli cəhd göstərərək, olduqca mənfi qiymətləndirmə vermələri üçün onları təhdid etdi.
DTİHB müşahidə missiyası, bir qayda olaraq, ATƏT üzvü olan ölkələri təmsil edən orta və aşağı ranqlı məmurlardan təşkil edilir, onların adətən deputatlardan fərqli olaraq seçki prosesi haqqında məlumatları çox az olur, bir sıra hallarda isə ümumiyyətlə məlumatsız olurlar. Bir qayda olaraq, orta və aşağı ranqlı məmurlar olan DTİHB müşahidə missiyasının üzvləri yüksək ranqlı məmurların tapşırıqlarını müstəqil olmadıqları üçün qeyd-şərtsiz yerinə yetirməyə məcbur olurlar. Bu səbəbdən də onlar bu və ya digər formada təsir altına düşməyə meyilli olurlar və onlar asanlıqla bu və ya digər korporativ maraqların təmsilçilərinə çevrilirlər.
Avropanın bir çox siyasi qərarvericiləri ilə yanaşı, mən də tam xəbərdaram ki, nəhəng korporativ maraqlar təşkilatınız DTİHB-ə öz fikirlərini yürüdür və əməkdaşlarınıza göstərişlər verir. Onların əsas məqsədi DTİHB-in seçki müşahidəsindən bir çox gənc demokratiyalara, o cümlədən ölkəmə xüsusi xarici siyasi proqram təyin etmək üçün rıçaq kimi istifadə etməkdir. Bu, sirr deyildir, çünki bir çox illərin ümumi təcrübəsidir”.
Millət vəkili müraciətində vurğulayır ki, ölkəmə qarşı kəskin qərəzli və mənfi mövqe tutarkən və açıq şəkildə müəyyən mənada “inqilab” təklif edərkən, məlumatınız olsun ki, buna bənzər siyasət Ukrayna, bütün Məğrib və əksər Orta Şərq ölkələrini alova bürüyüb, onların çoxunu uğursuz dövlətlərə çevirib və dünyada sülhü həmişəkindən daha çox təhlükəyə atıb:
“Bu müstəvidə sizi Azərbaycan xalqının fikrini öyrənməyə dəvət etmək istərdim və o zaman sizə aydın olacaq ki, olduqca həssas geosiyasi qonşuluğumuzu da nəzərə alsaq, ölkəmdə heç kəs bu kimi iğtişaşlara can atmır.
Bütün bunları nəzərə alaraq, inanıram ki, siz bir neçə gün əvvəl Bakıda ATƏT/DTİHB-in “hər zaman olduğu kimi, tam obyektiv” müşahidə etdiyini bildirəndə mənim nə üçün heyrətləndiyimi anlayacaqsınız. Tam aydındır ki, keçmişdə belə olmayıb, lakin mən hələ də düzlük və ədalətə inandığımdan, həqiqətən inanıram ki, bu dəfə qarşıdakı parlament seçkilərində ilk dəfəkindən fərqli olaraq, seçkiləri tam obyektiv qiymətləndirəcəksiniz.
Güman edirəm ki, həmişə olduğu kimi, nəticələriniz artıq hazırlanıb və korporativ maraqlar DTİHB-in qələmini yenə də qərəzliliyə yönləndirəcək.
Bu dəfə buna inanmaq istəmirəm, inanmaq istəyirəm ki, Sizin səyləriniz nəticəsində bu seçkilərdə DTİHB-in qiymətləndirməsi həqiqətən obyektiv ola bilər”.


Fuad




 
Bölməyə aid digər xəbərlər
21.09.2018
Yıldırım: “Azərbaycanı vətənim kimi qəbul edirəm“
21.09.2018
Ombudsman: “Yalnız müharibənin acısını yaşamış xalqlar sülhün dəyərini bilir”
21.09.2018
Binəli Yıldırım: Azərbaycanın qazandığı uğurlarda parlamentin böyük rolu var
21.09.2018
Türkiyə Böyük Millət Məclisinin sədri Azərbaycanda səfərdədir
20.09.2018
Müxalifət yenə ianə yalvarışlarına başladı

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info