German Zaxaryayev: “Faşizm üzərində qələbə yəhudi xalqı üçün heç vaxt adi gün olmayacaq”
Tarix: 14.04.2015 | Saat: 16:44:00 | E-mail | Çapa göndər


Yəhudilərin dini təqviminə görə indi 5775-ci ildir. Bu günlərdə Böyük Vətən müharibəsində Qələbə Günü həmin təqvimə daxil edilib. Yəhudilərin dini təqvimində bu bayram “Nicat və Xilas Günü” adlanan bu bayram iyara ayının 26-da qeyd olunacaq (bu il həmin tarix mayın 15-nə təsadüf edir), çünki nasist Almaniyası məhz 5705-ci iyaranın 26-da və ya 1945-ci il mayın 9-da təslim olub. Bu bayram 70 il bundan əvvəl məhz həmin gündə yəhudilərin tarixində yeni dövrün başlanmasının – yəhudi xalqının nasizmdən xilas olmasının, dirçəliş yoluna qədəm qoymasının və tezliklə yenidən öz ölkəsinin sahibi olmasının rəmzidir. Bu təşəbbüsü əslən Azərbaycandan olan, məşhur Qırmızı Qəsəbədə anadan olmuş, Rusiya Yəhudi Konqresinin vitse-prezidenti German Zaxaryayev irəli sürüb. G.Zaxaryayev deyib: “Faşizm üzərində qələbə yəhudi xalqı üçün heç vaxt təqvimdə adi gün olmayacaq. Bu gün bizim xalqımız Qızıl Ordunun qələbəsi sayəsində yaşayır. Bu bayramın əsas mənası ondan ibarətdir ki, dünya xalqları faşizmin necə dəhşətli bəla olmasını və bu bəlaya kimin qalib gəldiyini və öz həyatları bahasına dünyanı nasizm vəbasından azad etmiş insanları unutmamalıdırlar. Təəssüf ki, müharibənin və faşizmin dəhşətlərini xatırlayan insanların sayı ilbəil azalır. Buna görə də firavan, tolerant Avropada bəzi adamlar nasist ideologiyasına tamamilə dözümlü münasibət bəsləməyə, onu keçmişin bir qalığı, adi siyasi cərəyanlardan biri hesab etməyə başlayıblar. Məhz biz – nümayəndələrinin yarısı faşistlər tərəfindən məhv edilmiş, altı milyon övladını əsir düşərgələrində və gettolarda itirmiş yəhudi xalqı dünyaya xatırlatmalıdır ki, faşizm - “Vaffen-SS” bayraqları altında yürüş keçirən və nəvələrinə özlərinin “bolşevizmə qarşı necə mübarizə aparmaları” barədə danışan gülməli qocalar deyil, faşizm - insana nifrət təbliğ edən ən dəhşətli ideologiyadır”. Rusiya Yəhudi Konqresinin vitse-prezidentinin fikrincə, təəssüf ki, bir azdan həmin müharibəni xatırlayan nəslin son nümayəndələri də dünyasını dəyişəcəklər. German Zaxaryayev vurğulayıb: “Böyük Vətən müharibəsi bizim uşaqlarımızın və nəvələrimizin nəzərində artıq adi tarixə çevriləcək. Lakin istər psevdo-elmi nəzəriyyələrə əsaslanaraq xalqımızı məhv edənləri, istərsə də bizim xalqımızı məhv olmaq təhlükəsindən xilas edənləri unutmağa bizim haqqımız yoxdur. Mən, əslən Azərbaycandan olan bir insan kimi, çox yaxşı bilirəm ki, Azərbaycan sakinlərinin orta hesabla hər beş nəfərindən biri əlinə silah götürərək Böyük Vətən müharibəsində vuruşub. 1941-ci ildə əhalisinin ümumi sayı 3,4 milyon olan Azərbaycandan 700 min nəfər cəbhəyə gedib. Azərbaycanın başlıca xidməti cəbhənin neftlə təchiz edilməsi olub. Müharibə illərində SSRİ-də istehsal edilən neftin və neft məhsullarının təqribən 80 faizini cəbhəyə göndərən Azərbaycan neftçiləri olub”. German Zaxaryayev bildirib ki, bu bayramın yəhudi təqviminə daxil edilməsində qarşıya çıxan əsas çətinlik İsrailin baş ravvinlərinin razılığını almaq idi. Yəhudilərin dini təqvimi əsrlər boyu dəyişməyib və aydın məsələdir ki, ona dəyişikliklər edilməsi demək olar ki, qeyri-mümkündür. Zaxaryayev deyib: “Mən çox yerlərə getməli, insanlarla görüşməli və bu günün mahiyyətini onlara izah etməli oldum. Ravvinlərdən başqa yəhudi veteran təşkilatları və İsrailin siyasi xadimləri də bizi dəstəklədilər. Qəribə də olsa, bu dəstək qeyd-şərtsiz oldu. Üstəlik, hamı təəccüblənirdi ki, nəyə görə bu məsələ indiyə qədər heç kəsin ağlına gəlməyib, axı, məqsəd aydındır - əcdadlarımızın xatirəsini qoruyub saxlamaq və gələcək nəsilləri tərbiyə etmək”. Qeyd etmək lazımdır ki, Böyük Vətən müharibəsində Qələbə Gününün yəhudilərin dini təqviminə daxil edilməsi ideyasını İsrailin baş ravvinlərinin hər ikisi - David Lau və İshaq Yosef, habelə israilli siyasətçilər – xarici işlər naziri Aviqdor Liberman və Knessetin spikeri Yuli Edelşteyn, Yəhudi Ravvinləri Konfransının prezidenti Pinxas Qoldşmidt başda olmaqla Avropanın baş ravvinləri, iri yəhudi qurumları – Rusiya Yəhudi Konqresi, Yad-Vaşem Muzeyi, Ümumdünya Sionizm Təşkilatı, İsrailin Veteranlar Təşkilatı və başqa qurumlar dəstəkləyiblər. Həmin bayram Knessetin iclasında rəsmən yəhudi təqviminə daxil edilib. German Zaxaryayev deyib: “Nicat və Xilas günü olan 26 iyara tarixi bundan sonra həmişə bütün dünya yəhudiləri tərəfindən yəhudilərin dini bayramı kimi qeyd ediləcək”.




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info