Gəncədə “KamAZ” istehsalına başlanıldı
Tarix: 15.04.2015 | Saat: 01:32:00 | E-mail | Çapa göndər


Tatarıstan Prezidenti Gəncə Avtomobil zavodunda yığılan ilk “KamAZ” avtomobilinin konveyerdən çıxması mərasimində
iştirak edib

“Gəncə Avtomobil Zavodu” İstehsalat Birliyində yığılan ilk “KamAZ” markalı avtomobil konveyerdən çıxıb.
Bu münasibətlə zavodda keçirilən tədbirdə Azərbaycanda səfərdə olan Tatarıstan Prezidenti Rüstəm Minnixanov, Azərbaycan nəqliyyat naziri Ziya Məmmədov, Azərbaycanın Rusiyadakı səfiri Polad Bülbüloğlu, Gəncə Şəhər İcra Hakimiyyətinin başçısı Elmar Vəliyev, “KamAZ” ASC-nin baş direktoru Sergey Koqoqin və zavodun əməkdaşları iştirak edib. Qonaqlar əvvəlcə zavodda yeni yığılmağa başlayan “KamAZ” avtomobillərinin yığım xətti ilə tanış olublar. Tədbirdə çıxış edən nəqliyyat naziri Ziya Məmmədov“KamAZ” markalı avtomobilin Azərbaycanda yığılmasını Rusiya ilə Azərbaycan arasında iqtisadi əlaqələrin günü-gündən inkişaf etməsinin göstəricisi adlandıraraq bu əlaqələrinin bundan sonra da davam etdiriləcəyini bildirib. Ziya Məmmədov Gəncədə yığılan “KamAZ” markalı avtomobillərin ilk alıcısının Nəqliyyat Nazirliyi olacağını bildirib. Gəncə Şəhər İcra Hakimiyyətinin başçısı Elmar Vəliyev isə Azərbaycan iqtisadiyyatının inkişafından danışıb. O, son illər Gəncədə inşa edilən yeni istehsal müəssisələri barədə qonaqlara məlumat verib. Polad Bülbüloğlu isə Rusiya ilə Azərbaycan arasında hər bir sahədə əlaqələrin günü gündən inkişaf etdiyini diqqətə çatdırıb. Tatarıstan Prezidenti Rüstəm Minnixanov “Gəncə Avtomobil Zavodu” İB-də “KamAZ” markalı avtomobillərin yığılmasının yeni əlaqələrin qurulmasına nümunə olacağını deyib. O, Azərbaycan Prezidenti İlham Əliyevlə görüşündə də iki ölkə arasında iqtisadi sahələrdə əlaqələr barədə fikir mübadiləsi aparıldığını xatırladıb. “Gəncə Avtomobil Zavodu” İB-nin Müşahidə Şurasının sədri Xanlar Fətiyev “KamAZ” ASC ilə Gəncə Avtomobil Zavodu arasında əlaqələrin 10 il əvvəl kiçik minik avtomobillərin istehsalı ilə yarandığını bildirib. O qeyd edib ki, “balacadan- böyüyə” devizi ilə işləyən zavod artıq böyük avtomobillərin istehsalına başladığından müəssisənin şüarı dəyişdiriləcək. Tədbirin sonunda Tatarıstan Prezidenti Rüstəm Minnixanov Gəncə Avtomobil Zavodunda konveyerdən çıxan ilk “KamAZ” markalı avtomobili işə salaraq sınaqdan keçirib.
Nigar Gəncəli




 
Bölməyə aid digər xəbərlər
24.03.2019
Azərbaycan və BP Aral dənizində geoloji kəşfiyyat işlərinə başlaya bilərlər
24.03.2019
Türkiyədə ev alan azərbaycanlıların sayı artıb
23.03.2019
Rusiya aviaşirkəti Azərbaycana yeni reyslər açır
22.03.2019
Toxuculuq sənayesində məhsul istehsalı 50 faizə yaxın artıb
20.03.2019
Əhalinin banklardakı pulları 8 milyard manatı keçib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10704

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Paşinyan reytinqini küçə süpürməklə qaldırmaq istəyir?
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info