Səfirimiz Misirdə kimsəsiz uşaqlar üçün xeyriyyə aksiyası keçirib
Tarix: 15.04.2015 | Saat: 20:51:00 | E-mail | Çapa göndər


Azərbaycanın Misirdəki səfiri Şahin Abdullayev bu ölkənin Qalyubiyyə vilayətinin qubernatoru Məhəmməd Əbdüzzahirlə birgə Azərbaycanın Abşeron rayonu ilə Qalyubiyyə vilayəti arasında qardaşlaşma əlaqələri çərçivəsində Misirin Bənha şəhərində kimsəsiz uşaqlar üçün xeyriyyə aksiyası keçirib.
Səfirlikdən verilən məlumata görə, xeyriyyə aksiyası çərçivəsində müxtəlif yaş kateqoriyalarına aid olan 250 kimsəsiz uşaq üçün Azərbaycan səfirliyinin və Misirin Qalyubiyyə vilayətinin birgə iştirakı ilə xüsusi nahar süfrəsi və əyləncəli musiqi proqramı təşkil edilib.
Bundan başqa, Misirin Bənha şəhərində kimsəsizlərdən ibarət 15 cütlük üçün birgə toy mərasimi keçirilib. Toy mərasimi ilə əlaqədar yeni ailə quran kimsəsizlərə Azərbaycan səfirliyi və "EgAz" (Misir-Azərbaycan) şirkəti tərəfindən cehiz hədiyyələr təqdim edilib və musiqi proqramı təşkil edilib.
Ş.Abdullayev tədbir zamanı Misirin televiziya kanalına müsahibə verərək, ehtiyacı olanlara əl tutmaq və onların problemlərinə şərik çıxmağın Azərbaycan xalqının təfəkküründə dərin köklərə malik olduğunu qeyd edib, Azərbaycan hökumətinin və Heydər Əliyev Fondunun valideyn himayəsindən məhrum olmuş uşaqların problemlərinə xüsusi diqqət yetirdiyini bildirib.
Öz növbəsində, Qalyubiyyə vilayətinin qubernatoru M.Əbdüzzahir qardaşlaşma çərçivəsində belə bir xeyriyyə aksiyasının keçirilməsinə görə Azərbaycanın Misirdəki səfirliyinə təşəkkürünü bildirib və Azərbaycanın Abşeron rayonu ilə Misirin Qalyubiyyə vilayəti arasında əməkdaşlığın bundan sonra da inkişaf edəcəyini, yeni imkanların yaradılacağını qeyd edib və Azərbaycanın bu çətin bir vaxtda dost Misirin yanında olmasından məmnun olduğunu vurğulayıb.
Qeyd edək ki, Misirdə kimsəsiz uşaqlarla bağlı səfirlik tərəfindən keçirilən xeyriyyə aksiyaları dörd ildir davam edir.
Tədbir Misirin televiziya kanallarında və yerli mətbuatda geniş şəkildə işıqlandırılıb.
Tural




 
Bölməyə aid digər xəbərlər
21.07.2019
Sabah bəzi yerlərdə havanın temperaturu 41 dərəcəyə yüksələcək
20.07.2019
Universiadada ən yüksək nəticə göstərən idmançılar mükafatlandırılıb
20.07.2019
Artıq sarı zolaqlar qüvvədə - Bu yollarda diqqətli olun!
20.07.2019
Gürcüstan hökuməti Azərbaycan şirkətləri ilə əməkdaşlığa hazırlaşır
19.07.2019
Şəki və Oğuzda tikmə sənətinə maraq göstərən xanımlara ustad dərsləri verilib

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info