Səlim Müslümov: “Azərbaycanda doğulanda gözlənilən ömür uzunluğu 4,6 il artaraq 74,2 yaşa çatıb”
Tarix: 16.04.2015 | Saat: 16:36:00 | E-mail | Çapa göndər


ƏƏSMN-də Dünya Bankı tərəfindən ölkəmizdə demoqrafik vəziyyətlə bağlı
aparılmış araşdırmanın nəticələri təqdim olunub


Əmək və Əhalinin Sosial Müdafiəsi Nazirliyində (ƏƏSMN) Dünya Bankının müvafiq layihəsi çərçivəsində Azərbaycanda demoqrafik vəziyyətlə əlaqədar aparılmış araşdırmanın nəticələri təqdim olunub.
Tədbiri giriş sözü ilə açan əmək və əhalinin sosial müdafiəsi naziri Səlim Müslümov respublikamızın davamlı iqtisadi tərəqqisindən bəhs edərək, Prezident İlham Əliyevin sosialyönümlü siyasəti nəticəsində sosial rifah göstəricilərinin da mütəmadi olaraq yüksəldiyini vurğulayıb: “Bu gün dünyada sabitlik və inkişaf adası kimi xarakterizə olunan, yoxsulluq səviyyəsinin kəskin şəkildə azalaraq 5 faizə, işsizliyin 4,9 faizə endiyi Azərbaycan eyni zamanda demoqrafik sabitliyin hökm sürdüyü bir ölkədir. 1994-cü ildən sonra ötən dövrdə Azərbaycan əhalisinin sayı sabit qaydada artaraq cari il martın əvvəlinə 9,6 milyonu ötüb. Əhalinin illik artım tempinin 1,3 faiz təşkil etdiyi Azərbaycan bu göstərici ilə Avropada ilk yeri tutur. Respublikada həmçinin körpə və uşaq ölümü halları müvafiq olaraq 2,3 dəfə və 3,5 dəfə azalıb. Təkcə cari ilin yanvar-fevral ayları ərzində doğulanların sayı ölənlərin sayından 18,5 min nəfər çox olub. Cari ilin ilk iki ayı ərzində ölkədə 27,9 min, yaxud hər gün orta hesabla 473 körpə doğulub və əhalinin hər 1000 nəfərinə hesabı ilə bu göstərici 18,2 təşkil edib”.
Eyni zamanda ölkədə doğulanda gözlənilən ömür uzunluğunun da 4,6 il artaraq 74,2 yaşa çatdığını qeyd edən nazir ölkədə əhali sakinliyi və demoqrafiya sahəsində siyasətin BMT-nin “Əhali və İnkişaf” üzrə Fəaliyyət Proqramının prinsiplərinə uyğun şəkildə uğurla davam etdirildiyini diqqətə çatdırıb. S.Müslümov bildirib ki, dövlət başçısının 1999-cu il 9 dekabr tarixli 290 nömrəli Sərəncamı ilə təsdiq edilmiş «Demoqrafik İnkişaf Konsepsiyası» və digər normativ-hüquqi sənədlər əsasında «Azərbaycan Respublikasının demoqrafiya və əhali sakinliyinin inkişafı sahəsində Dövlət Proqramı» (2014-2025-ci illər) layihəsi hazırlanıb: “Bu Proqram layihəsində respublikada mövcud demoqrafik proseslərin təhlili əsasında bu sahənin gələcək on il ərzində inkişaf istiqamətləri, həyata keçiriləcək zəruri tədbirlər əksini tapıb. Proqram layihəsi ictimai müzakirəyə çıxarılmaqla, ayrı-ayrı hökümət və qeyri-hökümət qurumlarının təklifləri əsasında təkmilləşdirilib”.
Nazir Dünya Bankı ilə uğurlu əməkdaşlıq təcrübəsini vurğulayaraq, Azərbaycanda demoqrafik amillərlə əlaqədar aparılmış araşdırmanın nəticələrinin, aparılacaq təhlillərin, veriləcək təkliflərin bu sahədə siyasətin daha da inkişaf etdirilməsi baxımından səmərəli olacağına əminliyini ifadə edib. Daha sonra Dünya Bankının baş iqtisadçısı Nistha Sinha tərəfindən qeyd olunan araşdırmanın nəticələri, əhalinin cins tərkibinin pozulması halları müşahidə olunan ölkələrdə (məsələn, Çin, Cənubi Koreya, Hindistan və s.) bu problemə qarşı görülən tədbirlərin səmərəsi, bu tədbirlərin Azərbaycanda tətbiqi imkanları, demoqrafik siyasətlə bağlı təkliflər səslənib. Səslənən məlumat və təkliflər ətrafında fikir mübadiləsi aparılıb.

İlkin




 
Bölməyə aid digər xəbərlər
19.08.2019
Ölkəmizdə vahid məktəbli forması 2020-2021-ci tədris ilindən tətbiq ediləcək
19.08.2019
Cəbrayıl filialı “Azərxalça”nın nümunəvi emalatxanalarından biridir
19.08.2019
Tofiq Hüseynzadə haqqında “Vikipediya”da üç dildə məqalə yaradılıb
19.08.2019
Qəzaya uğrayan MiQ-29 təyyarəsinin “qara qutusu” tapıldı
18.08.2019
Azərbaycan Sərhəd Mühafizəsinin yaranmasından 100 il ötür

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10860

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info