Əli Həsənov: “Avropa Parlamentinin qondarma “erməni soyqırımı” ilə bağlı qərarı ikili standartların nəticəsidir”
Tarix: 16.04.2015 | Saat: 16:57:00 | E-mail | Çapa göndər


”Avropa Parlamentinin qondarma “erməni soyqırımı” ilə bağlı qəbul etdiyi qərar Avropa qanunvericilik tarixinin ən mənfi təzahürlərindən birini nümayiş etdirdi”. Bu sözləri Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov jurnalistlərə müsahibəsində deyib. Əli Həsənov bunun faktiki olaraq hazırda Avropanın mühüm qurumlarında, o cümlədən Avropa Parlamentində və Avropanın təşəbbüsü ilə yaradılan digər beynəlxalq qurumlarda ikili standartların hökm sürdüyünün göstərici olduğunu bildirib. Prezidentin köməkçisi vurğulayıb ki, neçə illərdir biz yarası hələ sağalmamış Xocalı soyqırımı ilə bağlı dünya, o cümlədən Avropa ölkələrinə real həqiqətləri, ermənilərin son 200 ildə Azərbaycan xalqına qarşı törətdiyi soyqırımını konkret faktlarla çatdırırıq. Amma buna baxmayaraq Avropa ölkələrindən, o cümlədən bu ölkələrin təmsil olunduqları Avropa Parlamenti, Avropa Şurası kimi qurumlardan lazımi, effektli bir qərar ala bilmirik. Əli Həsənov deyib: “1915-ci ildə isə Türkiyə ərazisində heç bir soyqırımı olmayıb. Sadəcə, müharibə şəraitində orada yaşayan ermənilər türk ordusunun arxasında üsyan qaldırıb, bir sıra şəhər və qəsəbələrdə türklərə qarşı qeyri-insani aksiyalar həyata keçirib. Türk ordusu öz əhalisini müdafiə etmək üçün lazımi tədbirlər görüb”. Prezidentin köməkçisi vurğulayıb ki, ermənilərin bu və ya digər ərazilərə köçürülməsi də heç bir soyqırımı hadisəsi ilə müşahidə edilməyib. Sadəcə, müharibə dövrünün tələblərinə uyğun həyata keçirilən aksiyalar olub. Bu gün isə həmin reallığı, gerçəkliyi təhrif edərək, heç bir tarixi fakta istinad etmədən, o dövrün arxiv materiallarını araşdırmadan bir qrup siyasətçinin, deputatın bu hadisəyə qiymət verməsi subyektiv mülahizələrə söykənir, anti-müsəlman, anti-türk ovqatından qaynaqlanır. Eyni zamanda, bu, müasir dünyada, xüsusən Avropa məkanında hökm sürən ikili standartların nəticəsidir.
Əli Həsənov bu cür addımların pislənilməli olduğunu bildirərək deyib: Tərəqqipərvər bəşəriyyət bilir ki, belə hadisə olmayıb və bu qərar yalnız ayrı-ayrı dairələrin yürütdüyü siyasətin nəticəsi olaraq meydana çıxıb”.

Nigar




 
Bölməyə aid digər xəbərlər
24.09.2018
“Milliyet.com.tr”: “Müdafiə sənayesi gücünü Azərbaycanda göstərəcək”
24.09.2018
Monqolustan Prezidenti Azərbaycana işgüzar səfərə gəlib
24.09.2018
Mühacirətdəki müxaliflərin dini təbliğat aparmalarının səbəbi nədir?
24.09.2018
Azərbaycan və Ermənistan xarici işlər nazirlərinin görüşünün vaxtı məlum olub
22.09.2018
Azərbaycanda gördüklərim məndə xoş təəssüratlar yaratdı

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info