“2017-ci ildə Azərbaycan növbəti peykini orbitə çıxaracaq”
Tarix: 16.04.2015 | Saat: 23:57:00 | E-mail | Çapa göndər


Rabitə və yüksək texnologiyalar nazirinin müşaviri Müşfiq Əmirov: “Son beş ildə informasiya-kommunikasiya texnologiyaları sektoru təxminən 3,5 dəfə böyüyüb”
Nazirlər Kabinetinin 2014-cü ilin sosial-iqtisadi inkişafının yekunlarına və 2015-ci ildə qarşıda duran vəzifələrə həsr olunan iclasında çıxışı zamanı bir sıra məsələlərə toxunan Prezident İlham Əliyev bu gün ölkə iqtisadiyyatının uğurla inkişaf etdiyini bildirib. Ölkə başçısı onu da qeyd edib ki, qeyri-neft sektorumuz 7 faiz artıb ki, bu da son illər ərzində görülən işlərin bariz nümunəsidir, aparılan siyasətimizin təzahürüdür: “Qeyri-neft sektoru gələcəkdə Azərbaycanın iqtisadi inkişafını daha da böyük həcmdə təmin edəcək.
Qeyri-neft sektorunun inkişafı bizə imkan verir ki, ölkə iqtisadiyyatı çoxşaxəli şəkildə inkişaf etsin və iqtisadiyyatımızın dayanıqlı inkişafı təmin edilsin”. Bu istiqamətdə həyata keçirilən tədbirlərə toxunan ölkə başçısı onu da vurğulayıb ki, ötən il ikinci peykimiz orbitə buraxılıb ki, bu da çox gözəl hadisədir: “Bu da nəhəng layihələr arasında özünəməxsus yer tutan bir layihədir. Artıq bizim iki peykimiz var. Biri telekommunikasiya peyki, ikincisi Yer səthini müşahidə edən peyk. Bunun çox böyük əhəmiyyəti var və Azərbaycanda kosmik sənayenin inkişafı sürətlə gedir. Biz yeni texnologiyalara, innovasiya layihələrinə sərmayə qoyuruq və bu layihələr həm elmin inkişafına xidmət göstərir, idarəetmə məsələlərini təkmilləşdirir, eyni zamanda, cəmiyyətdə hələ də mövcud olan xoşagəlməz halların qarşısını alır”.
Ölkəmizdə son illər ərzində Prezident İlham Əliyev tərəfindən həyata keçirilən uğurlu iqtisadi siyasət və qeyri-neft sektorunun hərtərəfli inkişafına yönələn dövlət proqramları, həyata keçirilən islahatlar, dövlət dəstəyi və qayğısı qeyri-neft sektorunun aparıcı sahəsi olan informasiya-kommunikasiya texnologiyaları (İKT) sektorunun da ölkə iqtisadiyyatımızın inkişafına öz töhfəsini verdiyini deyən Rabitə və yüksək texnologiyalar nazirinin müşaviri Müşfiq Əmirov ölkəmizdə bu istiqamətdə həyata keçirilən tədbirlərlə bağlı bir sıra məsələlərə aydınlıq gətirərək bildirdi ki, nazirliyin fəaliyyətinin əsas istiqamətlərindən biri məhz Azərbaycanın ixrac potensialının daha da gücləndirilməsindən ibarətdir: “Bu məqsədlə biz müasir biznes şəraiti yaratmaq üçün lazım olan qanun və qaydaları qəbul etmişik. Azərbaycanda yüksək texnologiya, innovativ tutumlu məhsulların istehsalı və xarici bazarlara çıxarılması üçün xeyli güzəşt və təşviq var. Rabitə və Yüksək Texnologiyalar Nazirliyinin əsas məqsədi telekommunikasiya şəbəkələrində ən son texnologiyaların tətbiqi, həmçinin geniş zolaqlı internetin bütün Azərbaycana çatdırılmasıdır. Qarşıda duran əsas hədəflər arasında ölkədə rəqəmsal televiziya, peyk texnologiyalarının inkişafı məsələləri yer alır. Nazir Əli Abbasov da qeyd edib ki, 2017-ci ildə Azərbaycan növbəti peykini orbitə çıxaracaq ki, bununla da ölkəmiz kosmik fəzada öz yerini möhkəmləndirmiş olacaq. Bu sahəyə həm dövlət, həm də özəl sektor və xarici şirkətlər tərəfindən investisiya qoyulması üçün şəraitin yaradılması nəzərdə tutulub”. Bu gün Azərbaycanın yüksək texnologiyalar sahəsində əsas inkişafı informasiya texnologiyaları istiqamətində getdiyini və inkişaf tempi orta ümumdünya səviyyəsindən yüksək olduğunu deyən müşavirin sözlərinə görə, son beş ildə informasiya-kommunikasiya texnologiyaları sektoru təxminən 3,5 dəfə böyüyüb və sektora beş ildə təxminən 2 milyard dollar civarında investisiya qoyulub. Təxminən 20 göstəriciyə görə, ölkəmiz MDB ölkələri arasında liderdir: “Məsələn, internetin istifadə sıxlığına görə Azərbaycan təkcə MDB-də yox, ümumiyyətlə, Mərkəzi Asiyada lider mövqe tutur. Qeyd edim ki, ölkəmizdə internetin istifadə sıxlığı 73-75 faizdir. Ümumiyyətlə, bu sahədə bizim mövqeyimiz təxminən inkişaf etməkdə olan ölkələrlə inkişaf etmiş ölkələr arasındadır. Lakin “Azərbaycan 2020: gələcəyə baxış” İnkişaf Konsepsiyasında qarşıda qoyduğumuz məqsədlərə çatmaq üçün biz yeni templərlə inkişaf etməliyik. Hədəf budur ki, 2018-ci ilə Azərbaycanda 85 faiz əhali yüksəksürətli genişzolaqlı internetdən yararlana bilsin. Məqsədimiz kənd yerlərində 30, şəhər yerlərində 100 meqabit saniyə səviyyəsində internetə çıxış təmin etməkdir. Əgər qeyd olunan vaxta biz bu məqsədə çata bilsək, demək olar ki, bu, inkişaf etmiş ölkələrin göstəriciləri ilə təxminən eyni olacaq. Əsas hədəflərimizdən biri “Elektron hökumət”in elektron xidmətlərini demək olar ki, 100 faiz avtomatlaşdırmaq və Azərbaycan əhalisinin 85 faizinin bu xidmətlərə çıxışını təmin etməkdir. Digər istiqamət isə texnoloji və elm tutumlu yeni istehsal sahələrinin yaradılmasıdır”.
Ümumiyyətlə, əldə edilən nəticələrə gəldikdə isə qeyd edildi ki, bu ilin birinci rübündə informasiya və rabitə xidmətlərindən 380 milyon manat gəlir əldə edilib. Müşavirin sözlərinə görə, Azərbaycanda bu ilin birinci rübü ərzində informasiya və rabitə müəssisələrinin göstərdiyi xidmətlərin həcmi 9,3 faiz artıb. İnformasiya və rabitə müəssisələrinin göstərdikləri xidmətlərin ümumi həcmində əhalinin payına 72,4 faiz düşüb. Rüb ərzində xidmətlərdən əldə olunmuş gəlirin 54,3 faizi mobil rabitə xidmətlərinin göstərilməsindən əldə edilib. Ötən ilin müvafiq dövrü ilə müqayisədə bu xidmətlərin həcmi 0,5 faiz artaraq 206,2 milyon manat təşkil edib.
O da vurğulandı ki, 2015-ci ilin birinci rübündə ümumi daxili məhsulun 2,2 faizi informasiya və rabitə xidmətlərində yaradılıb.
Nigar Abdullayeva




 
Bölməyə aid digər xəbərlər
23.09.2018
Prezident Həsən Ruhani: Cavabımız ağır olacaq
22.09.2018
Azərbaycanın sürətli inkişafının bir daha şahidi oldum
22.09.2018
Ermənistan hökuməti boş xəyallara qapılmamalı və gerçəkliyi qəbul etməlidir
22.09.2018
Pambığın alış qiymətinin artırılması fermerlərə göstərilən diqqət və qayğının növbəti təzahürüdür
21.09.2018
Yalnızlıq qorxusu

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10133

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info