Ann Brassör: “Biz Türkiyənin bu hərəkətini mütləq dəstəkləməliyik”
Tarix: 20.04.2015 | Saat: 20:34:00 | E-mail | Çapa göndər


Avropa Şurası Parlament Assambleyasının (AŞPA) yaz sessiyasının birinci iş günündə qurumun sədri xanım Ann Brassör jurnalistlərə sessiya ərzində müzakirə ediləcək əsas məsələlər haqqında məlumat verib.
AŞPA rəhbəri son zamanlar Avropaya üz tutan qaçqınların vəziyyətinə və aprelin 19-da Aralıq dənizində 700 nəfərə yaxın insanın batmasına toxunub. A. Brassör bu yaxınlarda Türkiyədə səfərdə olduğunu söyləyib və bu ölkənin qaçqınlarla bağlı həyata keçirdiyi işləri yüksək qiymətləndirib: “Türkiyə-Suriya sərhədindəki qaçqınlar ordusu məni heyrətə gətirdi. Türkiyə dövləti bu qaçqınları qəbul edib, onlara ilkin şərait yaradaraq çox böyük işlər görüb. Biz Türkiyənin bu hərəkətini mütləq dəstəkləməliyik. Mən bəzi Avropa siyasətçilərinin Avropada qaçqınlar üçün xüsusi düşərgələrinin yaradılmasına qarşı çıxmalarına gördükdə utanc hissi keçirirəm”.
A. Brassör jurnalistlərin sualına cavab olaraq Azərbaycan qaçqınları və məcburi köçkünlərinin vəziyyəti haqqında da fikrini bildirib: “İstər qaçqın olsun, istərsə də bir ölkənin daxilində məcburi köçkün olsun, belə bir vəziyyət qəbuledilməzdir. Biz bütün üzv ölkələrimizdə baş verən bu cür münaqişələr səbəbi ilə bu qədər qaçqın və məcburi köçkünün olmasını və buna səbəb olan münaqişələri qətiyyətlə pisləməliyik. Zorakılıq əməlləri və ya siyasi səbəblər nəticəsində qaçqın düşmüş bütün insanlarla həmrəy olmalıyıq. Azərbaycanda Xocalı faciəsinə həsr edilmiş monumenti ziyarət edib-etmədiyimi soruşdunuz. Deməliyəm ki, mən ötən il iki dəfə Azərbaycana səfər etmişəm, amma yaxın zamanlarda belə bir səfərim planlaşdırılmayıb. Ancaq bir daha deyirəm ki, mən bütün zorakı əməllərin və təcavüzlərin qurbanlarının xatirəsini əziz tuturam. Çünki təcavüz heç bir zaman cavab ola bilməz. Bundan başqa, Ermənistana qarşı sanksiya məsələsini qaldırdınız. Bəli, hərdən sanksiyalar da tətbiq etmək lazımdır. Amma ən vacib olan məsələ dialoq və cavablar axtarıb tapmağımızdır. Mən münaqişə tərəfləri olan ölkələrə hər səfərimdə çalışmışam ki, tərəfləri barışdırım. Əlbəttə, bunun nə qədər çətin və mürəkkəb olduğunu çox gözəl başa düşürəm, amma buna yenə də inanıram və bir daha bildirirəm ki, çıxış yolu yalnız və yalnız tərəflər arasındakı dialoqdur”.
Tural




 
Bölməyə aid digər xəbərlər
20.09.2018
Bosniya və Herseqovina Nümayəndələr Palatasının sədrinin Azərbaycana səfəri başlayıb
20.09.2018
Pakistan Senatının sədri Azərbaycana səfərə gəlib
19.09.2018
Liberman Azərbaycanın İsrail üçün strateji əhəmiyyətini və geosiyasi zəruriliyini etiraf edib
19.09.2018
Çin xarici işlər naziri: “Azərbaycan dünyada ciddi nüfuzu ilə seçilən dövlətə çevrilib”
19.09.2018
Omanın Dövlət Şurası sədrinin Azərbaycana səfəri başlayıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info