Noam Xomski: “ABŞ separatçıları gizli qidalandırır”
Tarix: 21.04.2015 | Saat: 00:44:00 | E-mail | Çapa göndər


“Jacobin”: “Sizcə, İraqda, Livanda xaos haradan meydana gəlib? Təbii ki, onları bu dövələtlərdə biz yaratdıq. Biz işğal və məhv etməyə çalışdığımız ölkələrdə bu siyasətimizi “sabitlik yaratmağa çalışırıq” kimi qələmə veririk”

Amerikalı siyasi publisist, Massaçusets Texnologiya İnstitutunun professoru Avram Noam Xomski “Jacobin” nəşrinə verdiyi müsahibədə ABŞ-ın dünyanın bir çox ölkələrində həyata keçirdiyi hərbi siyasətə necə haqq qazandırması, separatçıları “gizli qidalandırması” ilə bağlı məsələyə aydınlıq gətirib. O, müsahibəsində qeyd edib ki, ABŞ rusları Əfqanıstanda qırmaq istəyirdi. Bunu Mərkəzi Kəşfiyyat İdarəsinin İslamabadda nümayəndəliyinin rəhbəri açıq şəkildə də etiraf edib. Həmin ərəfədə o, “Əfqanıstanın azadlığı bizim üçün önəmli deyil, bizim üçün önəmli olan rusların öldürülməsidir.
Elə buna görə də, biz Pakistan diktatoru, nüvə silahı yaratmaq icazəsi verilən general Ziya ul-Həq rejiymini dəstəklədik”. Ekspert, amerikalıların öz oyununu oynadığını deyib: “Bündan əlavə, rusların Əfqanıstanı tərk etdikdən sonra yaşananlara baxın. Amerika bir çoxu dini ekstremist və fundamentalistlərdən təşkil edilmiş mücahidlərə dəstək verməyə davam etdi. Onlar özlərinə görə yanlış tərzdə geyinən yerli qadınların yaşam tərzinə müdaxilə edir, paytaxt Kabili tamamilə dağıdıb, Talibanın gəlişini “azadlıq” rəmzi kimi təbliğ edirdilər”. Amerikalı siyasətçinin fikrincə, Reyqan administrasiyasının bir çox üzvü bütün bunları məqsədli şəkildə həyata keçiriblər. Onların əksəriyyəti üçün bu təkəbbür cəhalətin nəticəsi idi. Onlar şəxsi düşmənin məhv edilməsi üçün cinayətkarları da dəstəkləyirdi. Müsahibəsində ABŞ-ın kənar cinayətlərə zəif reaksiya verməsi ilə bağlı verilən suala da Xomskinin cavabı maraqlıdır. O, bir növ suala sualla da cavab verir: “Sizcə, İraqda, Livanda xaos haradan meydana gəlib? Təbii ki, onları bu dövələtlərdə biz yaratdıq. Biz işğal və məhv etməyə çalışdığımız kənar ölkələrdə bu siyasətimizi “sabitlik yaratmağa çalışırıq” kimi qələmə veririk. Bizim bu niyyətimizə qarşı çıxmağa çalışanlar isə həmin ölkənin “qeyr-sabitliyə təşəbbüs qüvvələri” kimi təqdim edilir”. Amerikalı siyasətçi fikrini əsaslandırmaq üçün oxuculara “Amerikalı snayper” filminə baxmağı tövsiyə edir. Filmin qəhrəmanı həyata keçirdiyi ilk cinayəti ilə qürur duyur. Halbuki ölənlər amerikalı piyada qoşunları tərəfindən qətlə yetirilən qadın və uşaqlardır. Onlar vəhşi və canavarlar kimi təqdim edilir: “Biz onları görmək belə istəmirik. Ona görə də onlar ölməlidirlər və bu ölüm alqışlanmalıdır. Hətta “The New York Times” nəşri bu filmi “gözəl film” kimi təqdim edir. Məncə, bu əqli çatışmazlıqdır”. ABŞ-ın müasir həyatı ilə əlaqədar verilən sualı cavablandıran amerikalı siyasi publisist son illər adı daha çox hallanan “COINTELPRO” (Amerika siyasi təşkilatlarına qarşı FTB-nin qanunsuz əks-kəşfiyyat əməliyyatlar proqramı) proqramının adını çəkir. O, qeyd edir ki, son dövrlər bu proqrama az diqqət yetirilsə də, unutmaq lazım deyil ki, Fedaral Təhqiqatlar Bürosu məhz bu proqramın bazası üzərində yaradılıb. Bu proqram dörd prezidentin dövründə davam edib. Əsas məqsədlərdən biri siyasi qətllər törətmək olub. Bu gün onların hədəfində qaradərililər dayanır. Xomski xatırladır ki, bu proqram təxribat törətmək məqsədi ilə yaradılsa da, sonradan siyasi cinayətləri işinin əsas hədəflərindən birinə çevirib.
Ağasəf Babayev




 
Bölməyə aid digər xəbərlər
19.07.2019
Bakı-Şarm əl-Şeyx birbaşa aviareysi fəaliyyətə başlayıb
18.07.2019
Fermerlərə 23 milyondan çox subsidiya verilməsinə dair qərar qəbul edilib
18.07.2019
KOBİA-nın informasiya və məsləhət xidmətlərindən yüzlərlə sahibkar yararlanıb
18.07.2019
Abşeron rayonundakı 15 sahibkara 2,5 milyon manat güzəştli kredit verilib
18.07.2019
Pomidorun qiyməti bir həftəyə ucuzlaşacaq

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10831

1 “4-cü qrupa hazırlaşan hər bir abituriyentin arzusu həkim olmaqdır”
2 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
3 Dünya brendi olmağı hədəfləyən azərbaycanlı gənc
4 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”
5 “Ermənistana qarşı iqtisadi sanksiyalar tətbiq olunmalıdır”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info