Ermənilərin böyük yalanı Qafqaz Universitetində müzakirə olunub
Tarix: 22.04.2015 | Saat: 20:29:00 | E-mail | Çapa göndər


Heydər Əliyev İrsini Araşdırmalar Mərkəzi, Qafqaz Universiteti və “1905.az” Diskusiya Klubu birlikdə “Böyük yalanın 100 illiyi”nə həsr olunmuş dəyirmi masa keçirilib. Qafqaz Universitetində baş tutan tədbirdə təşkilatçılarla yanaşı görkəmli tarixçi alimlər, elmi-tədqiqat mərkəzlərinin rəhbərləri iştirak ediblər. Dəyirmi masanın aparıcısı Qafqaz Universiteti “Qarabağ araşdırmaları mərkəzinin“ rəhbəri dosent Bilal Dədəyev tədbirin önəmindən danışaraq qeyd edib ki, dəyirmi masada Böyük yalan tarixinin arxa planı və bu yalanın 100 ildir ayaq tutub yeriməsi səbəbləri mövzusunda müzakirələr aparılacaq.
Müzakirələrə başlamazdan əvvəl o, Azərbaycan hökumətinin bu sahədə apardığı uğurlu siyasətdən və ümummilli lider Heydər Əliyevin “Azərbaycanlıların soyqırımı haqqında “ 26 mart 1998-cı il fərmanının əhəmiyyətindən danışıb. Dəyirmi masa iştirakçıları da qeyd edib ki, bu fərmandan sonra xarici ölkələrdə diaspora fəaliyyətimzin də əsas istiqamətlərindən biri elə bu yalanın ifşa olunması və həqiqətin dünya ictimaiyyətinə çatdırılması olub.
“Azərbaycan və Şərqi Anadolunun türk – müsəlman əhalisinin soyqırımı” mövzusunda keçirilən 2-ci Beynəlxalq elmi konfransın iştirakşılarına Prezident İlham Əliyevin məruzəsinə də nəzər salınıb: “Azərbaycan xalqı son 100 ildə dəfələrlə amansız təcavüzün qurbanı olub, qırğınlara, deportasiya və etnik təmizləmələrə məruz qalıb. Hər bir humanitar faciənin elmi cəhətdən araşdırılması və tarixi faktların dünya ictimaiyyətinə dolğun şəkildə çatdırılması həmin hadisəyə obyektiv siyasi-hüquqi qiymətin verilməsinə, günahkarların layiqli cəzasına çatmasına və gələcəkdə belə halların qarşısının alınmasına həlledici təsir göstərə bilər. Qloballaşma proseslərinin geniş vüsət aldığı müasir dövrdə xalqlar arasında əlaqələrin güclənməsi universal bəşəri dəyərlərə hörmətlə yanaşmağı tələb edir. Belə şəraitdə Azərbaycanda olduğu kimi humanitar əməkdaşlığın, sivilizasiyalararası dialoqun və multikulturalizm ənənələrinin təşviq edilməsi, milli və dini tolerantlıq mühitinin möhkəmləndirilməsi istiqamətində ardıcıl tədbirlərin görülməsi zəruridir “.
Alimlər vurğulayıblar ki, türk xalqları humanist, yüksək insani keyfiyyətə malikdir. Prezidentin çıxışlarından gətirilən sitatlardan da aydın görmək olur ki, biz sülh sevər xalqıq. Biz soyqırım törədən yox, soyqırıma məruz qalan xalq olmuşuq.
“1905.az” saytının baş redaktoru Fuad Babayev də rəhbərlik etdiyi saytın bu mövzuda gördüyü işlər haqda məlumat verib. Görkəmli tarixçi alim Vidadi Umudlu son illər arxiv sənədlərinin üzə çıxmasının da bu yalanı ifşa etdiyini bildirib. Sumqayıt Dövlət Universitetinin professoru Şirxan Səlimov müzakirələrdə Böyük yalanda göstərilən soyqırıma məruz qalan erməni sayının heç bir hesaba uyğun gəlmədiyini deyib, demoqrafik baxımdan da göstərilən rəqəmlərin nə qədər saxta olduğunu qeyd edib.
Aktiv keçən müzakirədə alimlər o nəticəyə gəliblər ki, bu məsələlərin aydınlığa çıxması üçün arxivlər açılmalı, tarixçilər bu işlə məşğul olmalıdırlar.

Qorqud




 
Bölməyə aid digər xəbərlər
21.02.2019
Fondun təşkilatçılığı ilə KİV rəhbərləri Dövlət Miqrasiya Xidmətinin fəaliyyəti ilə yaxından tanış olublar
21.02.2019
DİN polis orqanlarında 150 vəzifəyə qəbulla əlaqədar müsabiqə elan edib
21.02.2019
Rusiyalı bloqqerlər Azərbaycanda qış mövsümü haqqında film çəkiblər
21.02.2019
Azərbaycanın İstanbuldakı baş konsulu azərbaycanlı tələbələrlə görüşüb
21.02.2019
Dini liderlər Xocalı ilə əlaqədar beynəlxalq təşkilatlara müraciət ediblər

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10610

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info