Tələbəmiz ölkəmizi İndoneziyada beynəlxalq konfransda təmsil edib
Tarix: 23.04.2015 | Saat: 17:58:00 | E-mail | Çapa göndər


Azərbaycan Yeni Asiya və Afrika Gənclər Təşkilatının Məsləhətçi Şurasına daxil edilib
20-22 Aprel tarixlərində İndoneziyanın Qərbi Yava əyalətinin paytaxtı Bandunq şəhərində Asiya-Afrika Konfransının 60 illiyinə həsr olunmuş “Yeni Asiya-Afrika Gənclər Konfransı 2015” Beynəlxalq Konfransı uğurla keçirilib. Konfransın əsas mövzusu “Dünya Gənclərinin Qlobal Çağırışlara və Təhdidlərə qarşı Mütəşəkkil Əməkdaşlığını Gücləndirmək” olub. İlk dəfə 1955-ci ildə İndoneziya Respublikasında keçirilmiş Bandunq konfransı dünya tarix dərsliklərinə müstəmləkəçilik siyasəti əleyhinə Asiya və Afrika ölkələrinin birliyə gəlməsi və neytrallıq, o cümlədən peyda olan yeni güclər məfhumlarını irəli sürmələri ilə yadda qalmışdı. Konfransın 60 illiyinə həsr edilmiş Asiya və Afrika Gənclərinin Beynəlxalq Forumunda Azərbaycanı İndoneziyanın dövlət təqaüdü ilə Beynəlxalq münasibətlər və siyasi elmlər üzrə magistr təhsili alan tələbəmiz və o cümlədən İndoneziyada diaspor fəalımız Elmar İskəndərov təmsil edib. Konfransda 50-yə yaxın ölkədən gənc diaspor fəalları iştirak ediblər. Elmar İskəndərov konfransla bağlı təəssüratlarını bizimlə bölüşüb: “Beynəlxalq konfransda İndoneziyanın yüksək vəzifəli dövlət məmurları, İndoneziya Respublikasının Gənclər və İdman naziri cənab İmam Nahravi, Bandunq şəhərinin icra başçısı cənab Ridvan Kamil, Qərbi Yava əyalətinin qubernatoru və digər nazirlik və dövlət qurumlarından nümayəndələr iştirak ediblər. Konfrans zamanı İndoneziya Respublikasının Gənclər və İdman naziri İmam Nahravi ilə görüşümdə İndoneziya dilində Azərbaycan və İndoneziya gənclərinin əməkdaşlığının yüksək səviyyədə olmasını və bundan sonra daha da inkişaf edəcəyinə əmin olduğunu vurğuladım və bu cənab nazir və digər dövlət qurumlarının nümayəndələri tərəfindən fərəhlə qarşılandı”. Bundan başqa təmsilçimiz İslam Əməkdaşlıq Konfransı Gənclər Təşkilatının İndoneziya üzrə prezidenti Tan Taufiq Lubis ilə Azərbaycan və İndoneziya Gəncləri arasında əməkdaşlığın daha yüksək səviyyəyə çatdırılması üçün birgə səylərini daha da gücləndirməli olduqlarını vurğulayıblar.
Qeyd edək ki, konfrans zamanı bütün nümayəndələr tərəfindən qətnamə qəbul edilərək yeni təşkilatın əsası qoyulub. Təşkilata “Asia-Africa Youth Government”- Asiya və Afrika Gənclərinin Dövlət Qurumu Təşkilatı adı verilib. Qeyd olunan beynəlxalq konfransda təmsilçimiz Elmar İskəndərov da iştirak etdiyi üçün Azərbaycan da əsası yeni qoyulmuş təşkilatın məsləhətçi şurasına daxil edilib. Onu da bildirək ki, Asiya və Afrika Gənclərinin Dövlət Qurumu təşkilatının İcraedici Şurasında İndoneziya, Sinqapur, Malayziya, Banqladeş və Filippin yer alıb. Təşkilatın Məsləhətçi Şurasında isə Azərbaycanla yanaşı Tailand, Pakistan, Özbəkistan, Qətər, Misir, Bruney, Vyetnam, Əlcəzair, İordaniya, Sudan, Qvineya da yer alıb. Yeni təşkilatın gündəliyinə təmsil olunan ölkələrdə mövcud münaqişələrin həlli üçün də birgə müzakirələr aparıb, fəaliyyət planı hazırlamaq və digər fəaliyyətlər daxil edilib. Təşkilatın yeni konfranslarının hər il İndoneziyada və ya təmsilçi ölkələrdən birində keçirilməsi nəzərdə tutulub.

Tural Tağıyev




 
Bölməyə aid digər xəbərlər
18.02.2019
Baş Prokurorluq işə qəbulla bağlı müsabiqə elan edir
18.02.2019
Qətərdə Azərbaycan dilinin tədrisi üzrə “Bazar günü” məktəbinin açılışı olub
18.02.2019
Əfqanıstan müharibəsinin azərbaycanlı iştirakçısı “Döyüş əməliyyatı veteranı” medalı ilə təltif olunub
18.02.2019
DGKA-nın tələbələri müxtəlif dövlət qurumlarında təcrübə keçəcəklər
18.02.2019
“ABAD“ “Uğur-2018“ Milli mükafatına layiq görülüb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info