Erməni məsələsi ilə bağlı ingilis dilində nəşr olunmuş kitabların təqdimatı keçirilib
Tarix: 23.04.2015 | Saat: 18:10:00 | E-mail | Çapa göndər


Azərbaycan Dillər Universitetində tarixçi, rəssam Mir Mövsüm Nəvvabın “1905-1906-cı illərdə erməni-müsəlman davası” adlı və Milli Məclisin deputatı Musa Qasımlının “Erməni məsələsindən “erməni soyqırımı”na: gerçək tarix axtarışında (1724-1920)” adlı ingilis dilində nəşr olunmuş kitabların təqdimatı keçirilib.
Tədbirdə Milli Məclisin deputatları, universitet rektorları və professorlar iştirak ediblər.
ADU-nun ingilis dilinin tərcüməsi kafedrasının dosenti Fialə Abdullayeva ingilis dilinə tərcümə etdiyi “1905-1906-cı illərdə erməni-müsəlman davası” və Dünya Siyasəti İnstitutunun böyük elmi işçisi Rahil Nəcəfov “Erməni məsələsindən erməni soyqırımına: gerçək tarix axtarışında (1724-1920)” kitabları haqqında məlumat veriblər. R. Nəcəfov bildirib ki, kitabda erməni xalqının vahid vətəni olmadığı, əslində “erməni soyqırımı” yox, ermənilərin törətdiyi soyqırımların olduğu əksini tapıb.
Aprelin 24-də Türkiyədə Çanaqqala zəfərinin ildönümünün qeyd ediləcəyi, ermənilərin isə qondarma “soyqırım”ın 100 illiyi ilə bağlı tədbir keçirəcəyini xatırladan Milli Məclisin deputatı, əməkdar jurnalist Sahib Alıyev ermənilərin uydurma “soyqırım”la bağlı 3 min kitab nəşr etdirdiyini nəzərə çatdırıb: “Hətta inanmayan adam da inanmağa məcbur olur, çünki reklam effekti var. Hətta mütəxəssislər də olmayan soyqırıma özlərini inandırmağa çalışırlar. 1916-cı ildə Osmanlı “erməni soyqırımı”nın olmadığı barədə kitabça hazırladı. Ancaq qosqoca Türkiyənin fəaliyyətinə nəzər salsaq, bu sahədə böyük fəallıq görmürük. Biz də bu iddianın əsassızlığını sübut etmək üçün 3 mindən artıq kitab nəşr etdirməliyik”.
S. Alıyev bu gün təqdimatı keçirilən kitabların daha çox Asiya ölkələrində yayılmasını zəruri sayıb: “Çünki Qərb ölkələrində əslində nə baş verdiyi barədə məlumatlar var. Bu gün Ermənistanın heç bir dəyəri yoxdur, sadəcə, alətdir, silahdır. Bu alətdən Rusiya da, İngiltərə də istifadə edib, ancaq ehtiyatlı olublar ki, özlərinə çevrilməsin”.
Tədbirin bədii hissəsində Azərbaycan Yazıçılar Birliyinin üzvü Cəlal Qurbanovun hazırladığı “Çanaqqala 100: Qardaş köməyi” sənədli filminin və “Çanaqqala Türküsü” klipinin təqdimatı keçirilib. Film Çanaqqala savaşlarında həlak olmuş türk əsgərləri və azərbaycanlı könüllülərin xatirəsinə həsr olunub. Layihənin həyata keçirilməsinə “ASAN Xidmət” könüllüləri dəstək veriblər. Təqdimat mərasimində müğənni Sevda Ələkbərzadə “Çanaqqala” türküsünü ifa edib.
Tural




 
Bölməyə aid digər xəbərlər
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib
25.09.2018
“Bakcell“dən maraqlı aksiya və onlayn müsabiqə: DaimOnline
25.09.2018
AQTA-nın vətəndaşlara müraciəti
25.09.2018
Mübariz Qurbanlı Mingəçevirdə vətəndaşların müraciətlərini dinləyib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info