Çernobıl AES-də əlil olanlar müharibə əlilləri ilə bərabər hüquq və imtiyazlara malikdirlər
Tarix: 24.04.2015 | Saat: 21:31:00 | E-mail | Çapa göndər


ƏƏSMN Çernobıl AES-da baş vermiş qəzanın nəticələrinin aradan qaldırılması zamanı əlil olmuş şəxslərə birdəfəlik maddi yardım ayırıb

Əmək və Əhalinin Sosial Müdafiəsi Nazirliyi (ƏƏSMN) Çernobıl AES-da baş vermiş qəzanın 29-cu ildönümü ilə bağlı olaraq, həmin qəzanın nəticələrinin aradan qaldırılması zamanı əlil olmuş şəxslərin birdəfəlik maddi yardımla təmin edilməsi üçün vəsait ayırıb. Maddi yardımlar gələn həftə qeyd olunan vətəndaşların bank hesablarına köçürüləcək.
Çernobıl əlillərinin sosial müdafiəsinin gücləndirilməsi Azərbaycanda aparılan sosial siyasətin mühüm istiqamətlərindən birini təşkil edir. Bu sahədə işlərə Ümummilli lider Heydər Əliyevin respublikamıza rəhbərliyə qayıdışından sonra başlanılıb. Ulu öndərimizin təşəbbüsü əsasında ölkə parlamenti tərəfindən qəbul edilən “Çernobıl qəzasının ləğvində iştirak etmiş və həmin qəza nəticəsində zərər çəkmiş vətəndaşların statusu və sosial müdafiəsi haqqında” 6 dekabr 1993-cü il tarixli, 762 nömrəli Azərbaycan Respublikası Qanunu ilə Azərbaycanda ilk dəfə olaraq Çernobıl əlillərinin statusu müəyyənləşdirilib, onlara bir sıra güzəşt və imtiyazlar verilib. Azərbaycan Prezidenti cənab İlham Əliyevin sosial cəhətdən həssas əhali qruplarına diqqət və qayğısı Çernobıl əlillərinin də sosial təminatının ilbəil güclənməsinə imkan yaradıb.
Hazırda sosial qanunvericilikdə Çernobıl əlilləri əlilliklərinin səbəbindən asılı olaraq “Çernobıl AES-də hərbi xidmətlə əlaqədar əlil olanlar” və “Çernobıl AES-də qəzanın ləğvi zamanı əlil olanlar” kateqoriyaları üzrə müəyyən olunublar. Çernobıl AES-də hərbi xidmətlə əlaqədar əlil olanlar ölkəmizdə müharibə əlillərinə bərabər tutulan şəxslər kateqoriyasına aid olmaqla, onlarla eyni hüquq və imtiyazlara malikdirlər. Onlar əlilliyə görə sosial müavinət və ya əmək pensiyası almaqla yanaşı, Azərbaycan Respublikası Prezidentinin aylıq təqaüdləri ilə də təmin edilirlər. Hazırda Çernobıl AES-də hərbi xidmətlə əlaqədar əlil olan I qrup əlillərə 150 manat, II qrup əlillərə 130 manat, III qrup əlillərə isə 100 manat məbləğində Prezident təqaüdü ödənilir. Azərbaycan Prezidentinin 17 mart 2014-cü il tarixli Fərmanına əsasən, Çernobıl AES-də qəzanın ləğvi ilə əlaqədar səbəblərdən baş verən I qrup əlilliyə görə sosial müavinət alanlara əlavə olaraq ayda 60 manat məbləğində Prezident təqaüdü də verilir.
Çernobıl əlillərinə müalicə üçün ildə bir dəfə olmaqla birdəfəlik müavinət, onların 16 yaşınadək (ümumtəhsil müəssisələrində təhsil alanlar 18 yaşınadək) uşaqlarının hər birinə görə isə aylıq sosial müavinət ödənilir. Qeyd olunanlarla yanaşı, ötən dövrdə Çernobıl əlillərinin mənzil-məişət şəraitlərinin yaxşılaşdırlması istiqamətində də tədbirlər görülüb, habelə 195 nəfər Çernobıl əlili dövlət büdcəsi hesabına minik avtomobili ilə təmin edilib. Digər əlillərlə bərabər, Çernobıl əlillərinin sanator-kurort putyovkaları, tibbi-sosial reabilitasiya xidməti və s. ilə təmin edilməsi sahəsində də məqsədyönlü işlər aparılır.

İlkin




 
Bölməyə aid digər xəbərlər
20.11.2018
“Cümhuriyyət 100 il” adlı rəsm müsabiqəsinə yekun vurulub
20.11.2018
İnzibati məsuliyyətə cəlb edilən piyadaların sayı 100 mini ötüb
20.11.2018
AMEA-da Cümhuriyyət tarixinə dair dəyərli elmi-tədqiqat işləri aparılır
20.11.2018
Qloballaşma şəraitində milli dəyərlərimizin konfiqurasiyasının dəyişdirilmə təhlükəsi
20.11.2018
Aysel Fərziyeva yeni vəzifəyə gətirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info