Ədliyyə Akademiyasında vəkillər beynəlxalq təcrübəni öyrənirlər
Tarix: 30.04.2015 | Saat: 20:10:00 | E-mail | Çapa göndər


Ədliyyə Akademiyası tərəfindən xarici dövlətlərin ixtisaslaşmış tədris qurumları və hüquqşünasların peşəkar birlikləri ilə əlaqələrə mühüm önəm verilərək tədris prosesində beynəlxalq təcrübənin öyrənilməsinə, qabaqcıl təlim modellərinin tətbiqinə xüsusi diqqət yetirilir.
Bu günlərdə Ədliyyə Akademiyası və Vəkillər Kollegiyası tərəfindən ölkəmizdə səfərdə olan Avropa Vəkillər Kollegiyaları və Hüquq Cəmiyyətləri Birliyi (CCBE) ilə birgə “Vəkillərin etik davranış qaydaları” mövzusunda beynəlxalq seminar keçirilib. Seminarda vəkillərin etik davranış məsələləri ilə bağlı müxtəlif ölkələrin təcrübəsinə diqqət yetirilib, CCBE tərəfindən qəbul olunmuş "Avropada vəkil peşəsinə dair əsas prinsiplər haqqında Xartiya" və "Avropa vəkillərinin davranış Kodeksi"nə dair təqdimatlar dinlənilib, faydalı fikir və təcrübə mübadiləsi aparılıb.
Səfər zamanı CCBE-nin prezidenti xanım Maria Slazakın başçılıq etdiyi nümayəndə heyəti ilə ədliyyə nazirinin müavini Azər Cəfərovun görüşü olub.
Qonaqları səmimi salamlayan nazir müavini vəkillər üçün keçirilmiş beynəlxalq seminarın əhəmiyyətini qeyd edib, ölkəmizin məhkəmə-hüquq sistemi barədə ətraflı məlumat verib. Bildirib ki, ölkə Prezidenti cənab İlham Əliyevin rəhbərliyi ilə son illər aparılan genişmiqyaslı islahatlar nəticəsində məhkəmə sistemi Avropa standartlarına uyğun daha da təkmilləşdirilib, yeni məhkəmələr və məhkəmə təsisatları yaradılıb, hakimlərin sayı iki dəfə, məhkəmə aparatı işçilərinin sayı 75 faiz artırılıb. Həmçinin, vətəndaşların ədalət mühakiməsinə çatımlığının asanlaşdırılması, əhalinin müraciət imkanlarının genişləndirilməsi məqsədilə məhkəmə infrastrukturunun müasirləşdirilməsi, elektron məhkəmənin tətbiqi üzrə görülən işlər diqqətə çatdırılıb.
Respublikamızın dinamik inkişafının şahidi olduğunu söyləyən xanım M.Slazak səfərin yüksək səviyyədə təşkil olunmasına görə minnətdarlığını bildirib, təmsil etdiyi qurumun fəaliyyəti barədə məlumat verib, ölkəmizlə əməkdaşlığın genişləndirilməsində maraqlı olduğunu vurğulayıb. Qonaqlar məhkəmə-hüquq sisteminin inkişafından, səfər zamanı Ali Məhkəmənin və Bakı şəhəri Yasamal Rayon Məhkəməsinin müasir binası ilə tanışlıqdan, orada yaradılmış ən yüksək şəraitdən, qabaqcıl İKT-lərin tətbiqindən, eləcə də vətəndaşlara keyfiyyətli hüquqi xidmətlərin göstərilməsindən heyranlığını bildiriblər.
Görüşdə həmçinin, Ədliyyə Akademiyasının fəaliyyəti, vəkillərin və vəkilliyə namizədlərin tədrisi, qabaqcıl təcrübələrin öyrənilməsi və s. barədə səmərəli fikir mübadiləsi aparılıb.
Qonaqlar nazirlikdə Ədliyyə tarixi muzeyi ilə tanış olublar.
Səfər çərçivəsində CCBE-nin nümayəndə heyəti həmçinin, Milli Məclisdə, Ali Məhkəmədə və Ədliyyə Akademiyasında görüşlər keçiriblər.

Ədliyyə Nazirliyi Mətbuat xidmətinin məlumatı




 
Bölməyə aid digər xəbərlər
18.12.2018
30-dan çox müəssisə 270 vakant iş yeri təklif edib
18.12.2018
Bu il 41 rayondan olan 151 fermerə 10 milyon manat kredit verilib
17.12.2018
Səyyar “ASAN xidmət” davam edir
15.12.2018
Gələn ildən işlə bağlı müraciətlər elektron qaydada aparılacaq
14.12.2018
Tibbi-sosial ekspertiza və reabilitasiya sahəsində struktur islahatı aparılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10529

1 Anara Hacıbəyli Pirallahı rayonunda YAP ərazi təşkilatının sədri seçilib
2 “Tbilisi elə bir yerdir ki, burada zamanın necə keçdiyini hiss etmirsən”
3 Bill Klinton Heydər Əliyevlə görüntülərini paylaşdı
4 Gələn ildən işlə bağlı müraciətlər elektron qaydada aparılacaq
5 Azərbaycanlı gənc Misirdə fiziki qüsurlular üçün iki cihaz ixtira edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info