“Baltimor hadisələri ABŞ-dan kənarda baş versəydi, Qərb mətbuatı onu necə işıqlandırardı?”
Tarix: 04.05.2015 | Saat: 17:55:00 | E-mail | Çapa göndər


ABŞ-ın nüfuzlu "Washington Post" nəşrinin redaktorlarından biri Karen Attiah Baltimor hadisələri ABŞ-dan kənarda baş versəydi, Qərb KİV-lərinin onu necə işıqlandıracağı barədə məqalə yazıb.
Müəllif yazır: “Beynəlxalq liderlər Amerikada, xüsusilə, etnik azlıqlara qarşı irqçilik və dövlət zorakılığının artması, eləcə də polis zorakılığı ilə əlaqədar müraciət zamanı hüquq-mühafizə orqanlarında korrupsiya barədə narahatlıqlarını bildirərdilər”.
Məqalədə deyilir ki, dövlətin təhlükəsizlik qüvvələrinin nümayəndələri ağdərili əhalinin nümayəndələri ilə müqayisədə etnik azlıq olan qaradərili amerikalıları daha çox öldürürlər: “Polis ağdərili amerikalı kişilərlə müqayisədə 21 dəfə artıq ehtimalla gənc qaradərili amerikalı kişiləri daha çox güllələyəcək”.
K.Attiah qeyd edir ki, Böyük Britaniya son bir neçə ayda Amerikada hadisələrin təhlükəli tərəfə istiqamət alması ilə bağlı narahatlığını bildirib: “Böyük Britaniya Xarici İşlər Nazirliyinin bəyanatında deyilir ki, “biz Amerika rejimini yerli etnik qrupların üzvləri ilə kobud rəftar edən dövlət təhlükəsizlik agentlərinin "ipini çəkməyə" çağırırıq. Bütün vətəndaşlara, qaradərili və ağdərililərə qarşı qanunun aliliyi və insan haqlarına hörmət prinsiplərinin bərabər tətbiqi sağlam demokratiya üçün böyük önəm kəsb edir. Böyük Britaniya keçmiş koloniyadakı kimi Amerikada maraqlarını həmişə dəstəkləyib”.
O yazır ki, Fələstin Amerikanın müxtəlif şəhərlərində polis zorakılığına etiraz edənlərə gözyaşardıcı qaz əleyhinə xüsusi komplektlər göndərməklə amerikalı demokratik fəallara köməyini təklif edib: “Misirin demokratik qrupları da bəyan ediblər ki, ABŞ etirazçıları ilə təcrübələrini bölüşmək niyyətindədirlər”.
Məqalədə bildirilir: “BMT-nin bəyanatında deyilir ki, “təşkilat Amerikada son aylar müşahidə edilən polisin hərbiləşməsini və zorakılığını qınayır və ABŞ-ın dövlət təhlükəsizlik qüvvələrini Baltimorda Freddi Qreyin ölüm faktı üzrə dəqiq araşdırma aparmağa təkidlə çağırır”.
Müəllifin sözlərinə görə, beynəlxalq analitiklər müəyyən texnologiya üzrə qızışdırılan “Amerika baharı”nın başlanmasını proqnozlaşdırır: “Beynəlxalq hüquq-mühafizə qrupları Amerikanın qaradərili etnik azlıqları üçün sığınacağın verilməsi prosesini asanlaşdırmaq məqsədilə dünya ictimaiyyətinə müraciət ediblər. Avropa İttifaqının insan haqları üzrə mətbuat katibi “Avropa İttifaqı ABŞ-da həyatları ilə risk edən və dövlətin zorakılığından qaçan qaradərili qaçqınları öz ərazisində yerləşdirməyə hazırdırmı” sualına cavabında deyib: “Daha çox qaradərili qaçqın?” Bizim başımız öz böhranımıza qarışıb, ona görə də bunun üçün heç də uğurlu vaxt deyil. Bundan başqa, inanırıq ki, amerikalılar problemi öz gücləri hesabına həll edəcəklər. Amerikalı məmurlar dövlət KİV-lərinə təzyiq göstərərək etirazçıları quldurlar adlandırırlar”.
Trend




 
Bölməyə aid digər xəbərlər
22.09.2018
İspan qadınlar həm alim, həm də ana olmaq hüququ uğrunda mübarizə aparırlar
21.09.2018
Türkiyə İdlibdəki hərbi qüvvələrinin sayını artıracaq
21.09.2018
Vyetnam Prezidentinin ölüm səbəbi açıqlanıb
21.09.2018
Hindistan İran neftini rupi ilə alacaq
21.09.2018
ABŞ-ın Merilend ştatında silahlı insident nəticəsində azı üç nəfər ölüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 “Mübariz İbrahimov təkbaşına bir çox işğalçını məhv edərək şəhidlik zirvəsinə ucalıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info