Əcnəbi diplomatlar Avropa Oyunları Əməliyyat Komitəsində
Tarix: 04.05.2015 | Saat: 19:25:00 | E-mail | Çapa göndər


İsveçrədə və Lixtenşteyndə fəaliyyət göstərən diplomatik nümayəndəliklərin başçılarından ibarət nümayəndə heyəti mayın 4-də “Bakı-2015” birinci Avropa Oyunları Əməliyyat Komitəsinin (BEGOC) baş ofisində yaradılan şəraitlə tanış olublar.
Qonaqlara ilk Avropa Oyunları, iştirakçı ölkələr, atletlər, baş ofisdə yaradılan şərait barədə ətraflı məlumat verildi.
Bildirildi ki, ilk Avropa Oyunları Asiya, Panamerika, Ümumafrika və Sakit Okean oyunlarından sonra keçiriləcək sonuncu qitə oyunlarıdır. Bu, qitənin 50 ölkəsindən 6 mindən çox atletin mübarizə aparacağı çoxşaxəli idman yarışıdır. İlk Avropa Oyunlarının keçirilməsi haqqında qərar 2012-ci il dekabrın 8-də Avropa Olimpiya komitələrinin 41-ci Baş Assambleyasında qəbul olunub. Məhz bu tədbirdə 2015-ci ildə tarixdə ilk Avropa Oyunlarına ev sahibliyi etmək hüququ Bakıya verilib. İlk Avropa Oyunlarında 16-sı Olimpiya, 4-ü isə qeyri-Olimpiya olmaqla idmanın 20 növü üzrə 253 dəst medal uğrunda mübarizə aparılacaq. Bundan başqa, idmanın 12 növü - kamandan oxatma, atletika, çimərlik voleybolu, boks, velosiped idmanı, cüdo, atıcılıq, üzgüçülük, stolüstü tennis, taekvondo, triatlon və güləş üzrə “Rio-2016” Yay Olimpiadasına təsnifat imkanları təqdim olunacaq.
Diqqətə çatdırıldı ki, Oyunlara hazırlıq üçün cəmi iki il yarım vaxt ayrılmasına baxmayaraq, Azərbaycanın birinci xanımı Mehriban Əliyevanın sədrlik etdiyi Təşkilat Komitəsinin, eləcə də Əməliyyat Komitəsinin fəaliyyəti nəticəsində yarışların yüksək səviyyədə keçirilməsi üçün görülən bütün işlər artıq başa çatmaq üzrədir.
Qeyd olundu ki, tarixdə ilk dəfə keçiriləcək Avropa Oyunlarına nəinki qitə, eləcə də dünya ictimaiyyəti böyük maraq göstərir. Təsadüfi deyil ki, Oyunların açılış mərasimində Avropanın 20-dən çox ölkəsinin dövlət və hökumət başçıları, eləcə də 40-a yaxın ölkədən nazirlər iştirak edəcəklər.
Qonaqlara, həmçinin “Bakı-2015”in idman və ulduz elçiləri barədə məlumat verildi. Bildirildi ki, Azərbaycanın və dünyanın idman, mədəniyyət, incəsənət, kino, televiziya və digər sahələrdə tanınmış xadimləri idman və ulduz elçiləri kimi Oyunların təbliğində fəal iştirak edirlər.
Daha sonra diplomatlar BEGOC-un əməliyyat mərkəzi ilə tanış oldular. Məlumat verildi ki, ilk Avropa Oyunları ilə əlaqədar bütün nəqliyyat, qeydiyyat, informasiya, təhlükəsizlik və digər əməliyyatlar bu mərkəzdən idarə olunur. Mərkəzdə yerli və xarici mütəxəssislərin yüksək səviyyədə xidmət göstərmələri üçün ən müasir şərait yaradılıb.
Qonaqlar Oyunlar haqqında ətraflı məlumata görə dərin minnətdarlıqlarını bildirib, BEGOC-un baş ofisi ilə tanışlıqdan xoş təəssüratla ayrılıblar.

Təhminə




 
Bölməyə aid digər xəbərlər
25.09.2018
Zeynab Kazımova yeni vəzifəyə təyinat alıb
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10142

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info