Üç dövlətin birliyi
Tarix: 05.05.2015 | Saat: 00:55:00 | E-mail | Çapa göndər


Pepe Eskobar: “Rusiya, Çin və
İran ABŞ-ın hərbi təcavüz siyasətinə qarşı birgə mübarzə apara bilərlər”
“ABŞ-ın siyasəti Rusiya, Çin və İran arasında hərbi əməkdaşlığın daha da genişlənməsinə səbəb olub. Bu əməkdaşlıq artıq elə səviyyəyə çatıb ki, hər hansı bir münaqişə zamanı Rusiya, Çin və İran ABŞ-ın hərbi təcavüzünə qarçı birgə mübarzı apara bilərlər”. Bu fikirlər jurnalist və siyasətçi Pepe Eskobara aiddir. O, bildirir ki, ABŞ Rusiyanın İrana satdığı “C-300” zenit raket sistemlərinə görə narahat olmadığını açıqlayıb. ABŞ iddia edir ki, İrana verilən “C-300”lər regionda geosiyası vəziyyəti dəyişmir. Amma reallıqda ABŞ-ın “müharibə qızışdırıcıları”
dəhşətə düşüblər. Ekspert qeyd edib ki, Rusiyanın İrana “C-300”, Çinə “C-400” müasir raket sistemlərini satmaqla bağlı planı “Avrasiyanın raket sipərini” dağıdacaq. Məsələ ondadır ki, bu sistemlər həmin dövlətləri ABŞ və NATO-nun mümkün hücumlarından qoruyacaq. Beləliklə, hər üç ölkənin hərbi sahədəki sıx əməkdaşlıq istəyi aydın hiss edilməkdədir. İranın müdafiə naziri Hosseyn Dehkan açıq şəkildə bəyan edib ki, BRİKS-ə üzv olan ölkələr - Çin, Rusiya və Hindistan NATO-nun Şərqə doğru genişlənməsinə, nəzarətsiz hərbi işğalına və Avropada yeni raket müdafiə sistemləri yerləşdirməsinə qarşı birgə aktiv müqavimət göstərəcəklər. Rusiya və Çinin müdafiə nazirləri daimi olaraq vurğulayırlar ki, onların hərbi sahədəki əməkdaşlıqları prioritet istiqamətlərdən biridir. Rusiya tərəfi isə daha da irəli gedərək bəyan edir ki, hər iki dövlət çoxqütblü dünyanın formalaşmasını müdafiə edir. Məlumdur ki, Vaşinqton Asiya-Sakit okean regionunda Çinə, Rusiyaya Şərqi Avropada, İrana isə Yaxın Şərqdə təzyiq etməyə başlayıb. Ona görə də Moskva, Pekin və Tehranın "Yeni İpək Yolu" layihəsini inkişaf etdirməklə "yeni böyük oyun"a başlamasında təəccüblü heç nə yoxdur. Rusiya, Çin və İranın çoxvektorlu strateji alyansı bu dövlətlər üçün real bir uğurdur. Xatırladaq ki, 2010-cu il iyunun 9-da Rusiyanın BMT Təhlükəsizlik Şurasında İrana hərbi texnika satılmasını qadağan edən qətnaməyə səs verməsi ilə Tehrana “C-300” sistemlərinin satılması prosesi dayandırılmışdı. Bu məhdudiyyət Rusiya prezidenti Vladimir Putinin bu ilin aprelində imzaladığı sərəncamla aradan götürülüb.
Ağasəf Babayev




 
Bölməyə aid digər xəbərlər
19.09.2018
Liberman Azərbaycanın İsrail üçün strateji əhəmiyyətini və geosiyasi zəruriliyini etiraf edib
19.09.2018
Çin xarici işlər naziri: “Azərbaycan dünyada ciddi nüfuzu ilə seçilən dövlətə çevrilib”
19.09.2018
Omanın Dövlət Şurası sədrinin Azərbaycana səfəri başlayıb
19.09.2018
“Mübariz İbrahimov təkbaşına bir çox işğalçını məhv edərək şəhidlik zirvəsinə ucalıb”
19.09.2018
Nazirlər Kabinetinin rəsmi internet saytı yeni tərtibatda fəaliyyətə başlayıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10122

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info