“Sanksiyalar İtaliya iqtisadiyyatına böyük zərbə vurub”
Tarix: 06.05.2015 | Saat: 00:56:00 | E-mail | Çapa göndər


Frans Vize: “Merkelin Rusiyaya
qarşı boykot siyasəti Brandenburqla yanaşı ölkənin bir çox əyalətlərində kiçik və orta sahibkarlığı məhv olmaq dərəcəsinə çatdırıb”

İtaliyanın baş naziri Matteo Renzi Avropa Birliyi ilə Rusiya arasında bir zamanlar yaşanmış “soyuq müharibə” münasibətlərinin yenidən təkrarlanması ehtimalını inkar edib: “İlk əvvəl Rusiya Ukraynaya, onun ərazi bütövlüyünə hörmətlə yanaşmalıdır.
Digər tərəfdən, Avropa da əsas qonşusu ilə münasibətlərdə “söyuq müharibə” dövründə olduğu qarşudurmaya getməməlidir”. Baş nazir bu sözləri Milanın Fond Birjasında iş adamları ilə görüşü zamanı deyib. Renzi etiraf edib ki, Rusiyaya tətbiq edilən sanksiyalar İtaliya iqtisadiyyatına böyük zərbə vurub: “Bizim Rusiya ilə təxminən 25 milyard dollar həcmində əmtəə dövriyyəmiz var idi. Biz Rusiyadan 16 milyard dollarlıq mal alıb, 9 milyard dollarlıq ixrac həyata keçirirdik. Lakin bu ölkəyə qarşı tətbiq edilən qadağalar bizim ticarət dövriyyəmizin ən əhəmiyyətli hissəsinə böyük təsir edib, ölkəmizdəki bəzi sənaye rayonlarını çətin vəziyyətə salıb. Müqayisə üçün bildirim ki, bu vəziyyət ayaqqabı istehsalına ciddi şəkildə təsir edib”. Matteo Renzi hesab edir ki, Avropa Birliyi Rusiya ilə münasibətlərdə yaranmış problemləri barədə, ilk növbədə sanksiyalar, orta və uzun müddət üçün nəzərdə tutulan strateji əlaqələrin inkişaf etdirilməsi barədə yenidən düşünməlidir. Baş nazir İtaliyanın bu məsələdə “strateji rol” oynaya biləcəyini də dilə gətirib: “Tətbiq edilmiş qadağalardan asılı olmayaraq bizim əsas müzakirə obyektimiz “hansı Avropanı qurmaq istəyimiz”lə bağlı olmalıdır və ya biz Rusiya ilə münasibətləri hansı strateji plan üzərində qurmaq niyyətindəyik?”. Qeyd edək ki, Rusiyaya tətbiq edilmiş qadağalar Almaniya dövlətinə də təsirsiz ötüşməyib. Belə ki, kansler Merkelin siyasətinə qarşı çıxış edən brandenburqlu millət vəkili, “Almaniya üçün alternativ” partiyasının üzvü Frans Vize bəyan edib ki, Rusiya ilə münasibətlərdəki uğursuzluq ölkəni 90 faizə qədər iflasa gətirib çıxa bilər. O, bildirib ki, Rusiyaya qarşı sanksiyalar siyasəti Almaniyada kiçik və orta sahibkarlığın məhvinə gətirib çıxarıb. Millət vəkili bunları “Sompakt” jurnalına verdiyi müsahibəsində bildirib: “Səlahiyyətli Avropa Birliyinin və kansler Merkelin Rusiyaya qarşı boykot siyasəti Brandenburqla yanaşı ölkənin bir çox əyalətlərində orta sinif sahibkarlığını məhv olmaq dərəcəsinə çatdırıb. Bildiyimə görə, Merkelin Rusiyaya qarşı siyasəti artıq ölkədə 90 faizlik iflasa gətirib çıxarıb. Meyvə istehsalında ixtisaslaşmış kəndlilər boykot siyasətinə görə öz meyvə bağlarındakı ağacları kəsmək məcburiyyətində qalıblar”.
Ağasəf Babayev




 
Bölməyə aid digər xəbərlər
18.01.2019
20 Yanvar faciəsi xalqımızın öz suverenliyi uğrunda apardığı mübarizənin şərəfli tarixidir
16.01.2019
Nikola Sturgeon: Brexitlə bağlı yeni referendumun keçirilməsi vacibdir
14.01.2019
“Azərbaycan hər ili əvvəlki ildən daha möhtəşəm uğurlara imza atır”
13.01.2019
Prezident Ermənistandakı böyük problemlərin məhz Sarkisyan rejiminin mahiyyətindən irəli gəldiyini təkzibolunmaz faktlarla sübut etdi
13.01.2019
2019-cu ilin “Nəsimi ili” elan edilməsi Nəsimi ideyaları əsasında azərbaycançılıq təfəkkürünün inkişaf etdirilməsi baxımından çox mühümdür

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info