Bakıda İtaliya-Azərbaycan Əməkdaşlıq və Dostluq Cəmiyyətinin təqdimatı olub
Tarix: 07.05.2015 | Saat: 22:38:00 | E-mail | Çapa göndər


Bakıda İtaliya-Azərbaycan Əməkdaşlıq və Dostluq Cəmiyyətinin təqdimatı olub.
Tədbirdə əvvəlcə Cəmiyyətin fəaliyyəti ilə bağlı videoçarx təqdim olunub.
Dostluq Cəmiyyətinin həmsədri Dündar Keşaplı İtaliya və Azərbaycan arasında mövcud olan dostluq münasibətlərindən danışaraq bildirib ki, cəmiyyətin əsas məqsədi öz fəaliyyəti ilə bu əlaqələrə töhfə verməkdir. O, cəmiyyətin əsasən mədəniyyət, moda, film, idman sahəsində fəaliyyət göstərəcəyini bildirib.
İki ölkə arasında əlaqələrin qarşılıqlı hörmət və ehtirama əsaslandığını söyləyən İtaliyanın Azərbaycandakı səfiri Ciampaolo Kutillo dərin və yüksək səviyyəli dostluq münasibətlərinin böyük perspektivləri olduğunu qeyd edib: “Siyasi əlaqələrdən əlavə bizim sürətlə inkişaf edən biznes və iqtisadi əlaqələrimiz də mövcuddur. Bundan əlavə dövlətlərimiz sıx strateji əməkdaşlıq edir. Bu əlaqələrdə idman və mədəniyyət sahələri tam əksini tapıb. Əminəm ki, bu cəmiyyət qeyd edilən istiqamətlərdə uğurla fəaliyyət göstərəcək".
Gələn ay Azərbaycanda keçiriləcək birinci Avropa Oyunlarında İtaliyanın 300-ə yaxın nümayəndə heyəti ilə təmsil olunacağını deyən səfir idmançıların bu yarışı səbirsizliklə gözlədiklərini söyləyib.
“Bildiyiniz kimi, bir neçə gün öncə “Milan-Expo” sərgisi açılıb. Hər il bu sərgiyə 20 milyona yaxın insan qatılır. Sərgiyə gələnlər burada ən gözəl və möhtəşəm pavilyonun məhz Azərbaycana məxsus olduğunu qeyd edirlər. Azərbaycan pavilyonunda İtalyan dizaynının çalarları var. Bu, bir daha bizim əlaqələrimizin nə dərəcədə dərin köklərə malik olduğunu göstərir”, - deyə diplomat bildirib.
Tədbirdə Miniatür Kitab Muzeyinin yaradıcısı və rəhbəri, əməkdar mədəniyyət işçisi Zərifə Salahova, Milli Məclisin deputatı Adil Əliyev, əməkdar incəsənət xadimi Fəxriyyə Xələfova Azərbaycan və İtaliyanın qədim mədəniyyətə malik ölkələr olduğunu qeyd edib, təşkilatın iki ölkə arasında mədəni əlaqələrin daha da inkişaf etdirilməsinə töhfə verəcəyinə əminliklərini vurğulayıblar.
İtaliya-Azərbaycan Əməkdaşlıq və Dostluq Cəmiyyətinin Azərbaycan tərəfdən həmsədri Rəşad Qurbanovdur.
Təhminə




 
Bölməyə aid digər xəbərlər
20.11.2018
“Cümhuriyyət 100 il” adlı rəsm müsabiqəsinə yekun vurulub
20.11.2018
İnzibati məsuliyyətə cəlb edilən piyadaların sayı 100 mini ötüb
20.11.2018
AMEA-da Cümhuriyyət tarixinə dair dəyərli elmi-tədqiqat işləri aparılır
20.11.2018
Qloballaşma şəraitində milli dəyərlərimizin konfiqurasiyasının dəyişdirilmə təhlükəsi
20.11.2018
Aysel Fərziyeva yeni vəzifəyə gətirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info