“Ayntraxt”ın futbolçusu “Qarabağ”ın transfer siyahısında
Tarix: 09.05.2015 | Saat: 01:29:00 | E-mail | Çapa göndər


Ağdamın “Qarabağ” klubunun transfer siyahısında olan daha bir futbolçunun adı məlum olub. Topaz Premyer Liqasının lideri yay "transfer pəncərə”sində yığmamızın futbolçusu Taşkın İlteri heyətinə qatmaq istəyir.
21 yaşadək futbolçulardan ibarət Azərbaycan millisinin Bakı “İnter”ində çıxış edən müdafiəçisi Azər Salahlı ilə anlaşan Ağdam klubu U-21-in daha bir oyunçusunu heyətinə qatmaqda maraqlıdı. Belə ki, gənclər arasında AVRO-2015-in seçmə mərhələsində İlterlə Azər millimizin formasını geyiniblər. Salahlının cəmi 3 matça çıxdığı tsikldə Taşkın 7 qarşılaşmanın iştirakçısı olub. 1994-cü il iyulun 5-də Almaniyada anadan olan milliləşən legioner ölkəmizin digər yığmalarının da formasını geyinib. U-21-ə qədər U-19-da da çıxış edən yarımmüdafiəçi Berti Foqtsun baş məşqçi olduğu vaxtda əsas yığmaya da cəlb olunub. Taşkın 2013-cü il noyabrın 19-da Bişkekdə Qırğızıstan yığması ilə qarşılaşmanın start heyətində yer alıb. O, həmin görüşdə 64 dəqiqə forma geyinib. Berlində anadan olan futbolçunun klub karyerası Almaniya ilə bağlıdı. “Rasmaniya”, “Herta” və “Türkiyemspor”un yeniyetmə komandalarında çıxış edən futbolçu peşəkar karyerasına Braunşveyq “Ayntraxt”ında başlayıb. Bu klubun 2-ci komandasının formasını geyinən yarımmüdafiəçi artıq 2-ci mövsümdür ki Şimal Regional liqasında çıxış edir. 2013/14 mövsümündə bu komandada 13 oyun keçirən yarımmüdafiəçi cari mövsüm 15 matçda 1 qol vurub. O, bu qolu I turun “Luneburger”lə görüşündə rəqib qapısından keçirib. Qeyd edək ki, İlter 2014-cü ilin oktyabrında Azərbaycan millisinin AVRO-2016-nın seçmə mərhələsinin İtaliya və Xorvatiya ilə oyunlarına da çağırılmışdı. Lakin Foqts yığmamızın baş məşqçisi postunda keçirdiyi son qarşılaşmalarda ona şans verməyib.




 
Bölməyə aid digər xəbərlər
23.02.2019
“Mançester Siti” Emerik Laport ilə yeni müqavilə imzalayıb
22.02.2019
Rusiya Futbol İttifaqının yeni prezidenti məlum oldu
22.02.2019
Pauerliftinq üzrə Paralimpiya yığmamızın üzvləri ilə görüş keçirilib
22.02.2019
“Barcelona arzularımın komandasıdır”
22.02.2019
UEFA Avropa Liqası: “Fənərbaxça“ turnirdə mübarizəni dayandırıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info