“Artıq Ermənistan Rusiya tərəfindən tərəfdaş kimi görülmür”
Tarix: 09.05.2015 | Saat: 01:51:00 | E-mail | Çapa göndər


Əgər Rusiya Ermənistandan NATO ilə münasibətləri kəskin məhdudlaşdırmağı tələb edərsə, Ermənistan hakimiyyəti çətin ki, bunun əleyhinə getsin. Yumşaq desək, o da ağlabatan deyil ki, Ermənistanda bu tələbin əleyhinə çıxan hansısa aparıcı siyasi qüvvələrin təşkilatçılığı ilə siyasi müqavimət baş tutsun

NATO-Rusiya münasibətləri hərbi dərəcədə olmasa da, münaqişə prinsipinə uyğun inkişaf edir.
Bundan isə ermənilər olduqca narahatdırlar. Erməni KİV-i təşvişlə hadisələrin inkişaf prosesini izləyir və şərh edir. Ermənistanın “1in” saytı bu barədə belə yazır: “Rusiya fürsət düşən kimi, bir neçə istiqamətdə yeni hərbi müdaxilə imkanlarını əldən buraxmaq istəmir. Bu müdaxilələr nəticəsində əldə ediləcək ərazilər isə ya yaşayış məkanı, ya da təhlükəsizlik üçün bufer zona olacaq”. O da qeyd edilir ki, Rusiyanın hərbi tribunası üçün İrəvan da istifadə edilə bilər: “Vacib regionlardan biri Qafqaz hesab edilir və burda, əlbəttə, ciddi çağırışlar var. Rusiyada Gürcüstan məsələsi və Qafqazla bağlı ambisiyalar var, o, burada hərbi mövcudluğunu bərqərar etməklə Qafqaz mövzusunu tamamilə qapatmaq istəyir. Bu, Ermənistan üçün ciddi siqnaldır. Amma yeganə siqnal deyil.

“Əgər NATO üçün də Ermənistan bir dövlət yox, sadəcə ərazi kimi dəyər kəsb edərsə, NATO da onu tərəfdaş saymazsa, onda o, daha çox təhlükə altında qalmış olar. Əgər Rusiya Ermənistandan NATO ilə münasibətləri kəskin məhdudlaşdırmağı tələb edərsə, Ermənistan hakimiyyəti çətin ki, bunun əleyhinə getsin”

Problem ondadır ki, Rusyanın bu cür taktikası, bənzər oyun qaydaları özündə Ermənistan üçün NATO-ya münasibət kontekstində təhlükə törədir. Halbuki NATO ilə münasibətlər təhlükəsizlik baxılmından Ermənistan üçün olduqca vacibdir. Eyni zamanda, bu planda Ermənistan üçün ciddi problemlər meydana çıxır. Əgər Rusiya NATO ilə münaqişəyə davam edərsə, Ermənistan ciddi zərər görə bilər”. Daha sonra yazıda qeyd edilir ki, NATO Qafqazı Rusiyaya da verə bilər və ya Qafqaz subyektlərinin Rusiyaya bağlı qalmaq qərarları ilə barışa bilər. Belə bir anda, Rusiyanın taktikası bu subyektlər qarşısında problemi kəskinləşdirə bilər. Məsələn, Ermənistan hazırda Kollektiv Təhlükəsizlik Müqaviləsi Təşkilatının üzvü olmaqla, NATO ilə əməkdaşlıq edə bilər, amma NATO-Rusiya qarşıdurması dərinləşərsə, Moskva Ermənistana NATO ilə hər hansı əlaqəni qadağan edə bilər. Bu isə artıq Ermənistan üçün fəlakətə bərabərdir. Bu o demək deyil ki, NATO onunla münasibət qurmayan Ermənistanı cəzalandıracaq. Cəza Ermənistana münasibətdə etinasızlıq, onun NATO hesab-kitablarından və strategiyalarından çıxarılması olacaq. Bu isə o deməkdir ki, Ermənistan vacib tarazlayıcı təhlükəsizlik faktorundan məhrum olacaq. Bu isə geopolitik mənada da fəlakətdir.

“Rusiyaya yalnız Ermənistanın ərazisi ladımdır”

Artıq Rusiya tərəfindən tərəfdaş kimi görülməyən Ermənistan, mahiyyətcə, Rusiya üçün yalnız ərazi və arsenal baxımından bir məkana çevrilib. Əgər NATO üçün də Ermənistan bir dövlət yox, sadəcə ərazi kimi dəyər kəsb edərsə, NATO da onu tərəfdaş saymazsa, onda o, daha çox təhlükə altında qalmış olar. Əgər Rusiya Ermənistandan NATO ilə münasibətləri kəskin məhdudlaşdırmağı tələb edərsə, Ermənistan hakimiyyəti çətin ki, bunun əleyhinə getsin. Yumşaq desək, o da ağlabatan deyil ki, Ermənistanda bu tələbin əleyhinə çıxan hansısa aparıcı siyasi qüvvələrin təşkilatçılığı ilə siyasi müqavimət baş tutsun”.
Yazıda o da qeyd edilir ki, Ermənistan üçün NATO ilə münasibətlərin məhdudlaşdırılması, onun ötən sentyabrın 3-də Avropa Birliyi ilə münasibətləri məhdudlaşdırmasından daha ağır nəticələrlə yadda qala bilər.
İlkin AĞAYEV




 
Bölməyə aid digər xəbərlər
19.11.2018
Avropa İttifaqı vahid kəşfiyyat mərkəzi yaradır
19.11.2018
İranda bahalaşma davam edir
19.11.2018
Ermənistanda bir qrup şəxs istefa tələbi ilə katolikos II Qareginin ofisinə hücum edib
19.11.2018
“Bu gün Ermənistan-Belarus münasibətlərinin böhran həddinə çatdığı göz önündədir”
18.11.2018
Ermənistanda cinayətlərin sayı artır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 “Gedir dayanmadan zamanın köçü”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info