Səfir Efiopiya mətbuatına uğurlarımızdan danışıb
Tarix: 12.05.2015 | Saat: 16:05:00 | E-mail | Çapa göndər


Azərbaycanın Efiopiyadakı səfiri və Afrika İttifaqı yanındakı Daimi nümayəndəsi Elman Abdullayev Efiopiyanın aparıcı mətbuat orqanı “The Ethiopian Herald” qəzetinə Azərbaycanın uğurları, regionda aparıcı rolu və ölkəmizdə tolerantlıq ənənələri mövzuları ilə bağlı müsahibə verib.
Xarici İşlər Nazirliyinin mətbuat xidmətindən verilən məlumata görə, səfir E.Abdullayev müsahibədə Azərbaycanda əsrlərdən bəri tolerantlıq ənənələrinin inkişaf etdiyini qeyd edərək, dünyada multikulturalizmi təbliğ edən ölkələrdən biri olduğunu vurğulayıb.
O, Azərbaycanın tarix boyu ərazisində müxtəlif xalqlara və müxtəlif dini etiqadlara mənsub olan insanların birlikdə sülh şəraitində yaşadığını bildirib. Diplomat eyni zamanda, beynəlxalq ictimaiyyətdə tolerantlıq nümunəsi kimi tanınan Azərbaycanın dünyada mədəniyyətlərarası dialoqun təşviq edilməsi üçün müxtəlif beynəlxalq təşəbbüslərlə çıxış etdiyini və mötəbər tədbirlərə ev sahibliyi etdiyini oxucuların diqqətinə çatdırıb.
Səfir E.Abdullayev bu il mayın 18-19-da Bakıda III dünya “Mədəniyyətlərarası Dialoq” forumunun keçirilməsinin nəzərdə tutulduğunu qeyd edib. Beynəlxalq tədbirlərə gəldikdə diplomat cari ilin iyun ayında keçiriləcək “Baku 2015” İlk Avropa Oyunları barədə də məlumat verib.
Müsahibədə müstəqil Azərbaycanın qısa bir zamanda sürətli inkişafını qeyd edən səfir xalqımızın Ümummilli lideri və xilaskarı Heydər Əliyevin Azərbaycanda sabitliyin və inkişafın təmin edilməsində tarixi və misilsiz rolu barədə məlumat verib. Ulu Öndər Heydər Əliyevin liderliyi ilə Azərbaycan xalqının çətin imtahanlardan uğurla çıxdığını və bu gün Azərbaycan Prezidenti İlham Əliyevin rəhbərliyi altında ölkənin dünyanın inkişaf etmiş ölkələri ilə bir sırada addımladığı qeyd edilib.
Müsahibədə həmçinin Azərbaycan-Efiopiya münasibətləri, iki ölkə arasında əməkdaşlığın inkişafı perspektivləri barədə də fikir mübadiləsi aparılıb.
Tural




 
Bölməyə aid digər xəbərlər
26.09.2018
Qeyri-sabit hava şəraiti sentyabrın 28-dək davam edəcək
26.09.2018
Aİİ Heydər Əliyev İrsini Araşdırma Mərkəzi ilə silsilə tədbirlərini davam etdirir
26.09.2018
BMT Əhali Fondunun nümayəndə heyəti ilə görüş keçirilib
25.09.2018
Müdafiə Sənayesi Nazirliyi ilə “ASELSAN” şirkəti arasında memorandum imzalanıb
25.09.2018
“Şahdağ” rusiyalı turistlər üçün ən yaxşı dağ-xizək kurortlarının ilk üçlüyünə daxil edilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10147

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info