“Cənub” qaz dəhlizinin Avropa üçün alternativsiz olduğu bir daha üzə çıxır
Tarix: 12.05.2015 | Saat: 22:54:00 | E-mail | Çapa göndər


"Bloomberg": “Rusiya haqlı idi: Avopada şist qaz məsələsi yalan imiş”

"Bloomberg Avopada şist qaz hasil edilməsi və bununla qitənin qaz ehtiyacının ödənilməsinin boşa çıxması barəsində maraqlı faktlara və şərhlərə əsaslanan yazı yazıb. Yazıda qeyd edilir ki, “Cuadrilla Resources Ltd” 2009-cu ildə Polşada ofis açanda, onun optimizm üçün əsası vardı: “Şist qaz bumu Birləşmiş Ştatları dünyada ən böyük qaz tədarükçüsünə çevirib. Bu uğuru Avropada təkrarlamaq istəyən şirkətlər üçün isə Polşa yeni Texasa çevrilmişdi. O vaxtdan 6 il keçib, amma Britaniyanın geoloji kəşfiyyat müəssisələri hələ də Polşada özlərinin ilk buruq quyularını qazmayıblar. Bu ölkə isə Avropada hər ölkədən daha çox hidroparçalayıcı təbəqə texnologiyasını tətbiq etməyə hazırdır. “Exxon Mobil Corp.”, “Chevron Corp.” və “Royal Dutch Shell Plc” kimi böyük neft şirkətləri əşyalarını qablaşdıraraq, başqa yerlərə köçüblər. “Cuadrilla”nın Polşada buruq qazma üzrə direktoru deyib: “Bu sadə iş deyil. Buruqların Avropada qiyməti yüksəkdir, bu, ABŞ-dan daha yüksək sayılır. Hər addımda isə çoxlu norma və qaydalar mövcuddur”.
Avropa özünün Rusiyadan qaz asılılığını azaltmaq istəməsinə baxmayaraq, orada şist “inqilabı” boş çıxıb. Çətin geoloji şərait, ətraf mühiti mühafizə tərəfdarlarının hiddətli müqaviməti, Ukraynada qanlı müharibə və onun əziyyətli tənzimlənməsi investorların entuziazmını söndürərək, onların səbirlərini daşırıblar. Martda neftin qiymətlərinin 50 dollardan aşağı düşməsi, Rusiyadan gələn qaz da daxil olmaqla, Avropa qazının böyük hissəsinin qiymətini neftin qiymətinə bağladı”.
Yazıda qeyd edilir ki, şist qaz məsələsinin boş çıxması, xüsusilə, Ukrayna üçün çox kədərli haldır. Çünki Ukrayna neçə vaxtdır, Rusiyadan qaz asılılığını azaltmağa çalışırdı: “Polşadan başqa, Böyük Britaniyada da bu məsələ boşa çıxıb. Ölkədə sözügedən sahə Kemeron hökuməti tərəfindən dəstəklənməsinə baxmayaraq, ona yerli icmalar, ciddi müqavimət göstərir. Onlar qorxurlar ki, şist qaz texnologiyalarının tətbiqi ətraf mühiti çirkləndirər və zəlzələyə səbəb olar”.
O da qeyd edilir ki, Avropada əhali daha sıx yaşayır, ona görə də insanlar iş gedən yerlərə ABŞ-dakına nisbətən daha yaxın yaşayacaqlar. Bundan başqa, əhalinin bu işə güclü müqaviməti var.

Avropanı neft və qaz asılılığından xilas etmək cəhdləri boşa çıxmaqdadır. O cümlədən, qitənin şist qazla təmin edilməsi ideyası da reallaşmaq gücündə deyil. Qoca qitə üçün belə bir dar məqamda əsas mənbəyi Azərbaycan olan “Cənub” qaz dəhlizinin alternativsiz enerji layihəsi olduğu bir daha üzə çıxır. Bu isə Azərbaycanın Avropa və dünya üçün vacib və güclü mövqedə duran enerji oyunçusu olmasını bir daha sübut etmiş olur

Həmçinin, Fransada, İspaniyada da bu məsələyə qarşı ciddi müqavimət var. “Bloomberg Intelligence”in analitiki Filip Çladekin fikrincə, Rusiyadan və digər ölkələrdən Avropaya idxal edilən adi qaz ən ucuz variantdır: “Şist qaz hasilatı isə Avropa üçün necə reallaşacağı müzakirə edilməyən arzu imiş. Mən deməzdim ki, Avropada şist qaz ideyası ölüb, amma hər şey bizim fikirləşdiyimizdən daha çətin imiş”.
Göründüyü kimi, Avropanı neft və qaz asılılığından xilas etmək cəhdləri boşa çıxmaqdadır. O cümlədən, qitənin şist qazla təmin edilməsi ideyası da reallaşmaq gücündə deyil. Qoca qitə üçün belə bir dar məqamda əsas mənbəyi Azərbaycan olan “Cənub” qaz dəhlizinin alternativsiz enerji layihəsi olduğu bir daha üzə çıxır. Bu isə Azərbaycanın Avropa və dünya üçün vacib və güclü mövqedə duran enerji oyunçusu olmasını bir daha sübut etmiş olur...

İlkin AĞAYEV





 
Bölməyə aid digər xəbərlər
22.01.2019
Niderlandda Miqrasiya və İnteqrasiya Departamentinin nümayəndəsi ilə görüş keçirilib
22.01.2019
Azərbaycanlı deputat AŞPA-da gender bərabərliyinin vacibliyindən danışıb
21.01.2019
Bəzi parlamentarilər məsələnin məğzinə varmadan Azərbaycanın imicinə xələl gətirmək istəyirlər
21.01.2019
Müxalifət niyə ictimai asayişin pozulmasında maraqlıdır?
21.01.2019
Xaotik, zəif, sistemsiz aksiya: radikal qrupların sosial bazası yoxdur

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 Nikola Sarkozi: “Bakıda böyük quruculuq işlərinin şahidi oldum”
3 “Mənim güc mənbəyim Bakıdadır”
4 Mehman Hüseynov Prezident İlham Əliyevə müraciət ünvanlayıb
5 Yalçın Topçu: “Türkiyə və Azərbaycan arasında ticarət daha da artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info