İsrail səfiri Naxçıvanda
Tarix: 14.05.2015 | Saat: 17:02:00 | E-mail | Çapa göndər


İsrailin Azərbaycandakı səfiri Rafael Harpaz muxtar respublikaya səfəri çərçivəsində mayın 13-də Naxçıvanın görməli yerləri, tarixi abidələri, mədəniyyət və səhiyyə müəssisələri, regionda istehsal olunan məhsulların sərgiləndiyi Naxçıvan Biznes Mərkəzi və Naxçıvan Şəhər Su Anbarı və Sutəmizləyici Qurğular Kompleksi ilə tanış olub.
Səfir əvvəlcə ulu öndər Heydər Əliyevin Naxçıvan şəhərinin mərkəzi meydanında ucaldılan abidəsi önünə gül dəstəsi qoyub, Heydər Əliyev Muzeyini ziyarət edib.
Naxçıvan Biznes Mərkəzi ilə tanışlıq zamanı bildirilib ki, mərkəzdə muxtar respublikada istehsal olunan məhsullar sərgilənir. Hazırda burada 90 müəssisənin 129 növdə və 652 çeşiddə məhsulu nümayiş olunur.
Qeyd edilib ki, 1995-ci illə müqayisədə muxtar respublikada ümumi daxili məhsul istehsalı 54,7 dəfə, sənaye məhsulunun həcmi 97,6 dəfə, əsas kapitala yönəldilən investisiyalar 303,3 dəfə, kənd təsərrüfatının ümumi məhsulu 9,2 dəfə, xarici ticarət dövriyyəsi 27,2 dəfə, əhalinin gəlirləri 56,3 dəfə artıb. Təkcə 2014-cü ildə 47 yeni istehsal və xidmət sahəsi fəaliyyətə başlayıb. İndi muxtar respublikada bir çox sahələrdə istehsal olunan məhsullara nəinki Cənubi Qafqaz və MDB məkanında, eləcə də dünya bazarında böyük tələbat var. İstehsal sahələrinin çoxşaxəli olması blokada şəraitində yaşayan muxtar respublikanın idxaldan asılılığını minimuma endirir. Bu isə ölkəmizdə aparılan uğurlu iqtisadi siyasətlə bağlıdır.
Naxçıvan Şəhər Su Anbarı və Sutəmizləyici Qurğular Kompleksi ilə tanışlıq zamanı səfirə məlumat verilib ki, ötən ilin aprelində istifadəyə verilmiş kompleksdə ən müasir avadanlıqlar quraşdırılıb. Təmizləmə prosesində xammal kimi ozon və duzdan istifadə olunması suyun insan sağlamlığı üçün yararlılığına tam zəmanət verir. Sutəmizləyici qurğuda bütün iş prosesinin avtomatik olaraq tənzimlənməsi sistemin etibarlılığını və davamlılığını təmin edir. İqtisadi cəhətdən səmərəli olan yeni nanosüzgəcli qurğu ənənəvi qum süzgəclərindən fərqli olaraq, sudakı bütün zərərli maddələri tutaraq saxlayır. Bununla da, su təbii mineral tərkibi saxlanılmaqla təmizlənir. Nanosüzgəcdən keçən su içməyə tam yararlı olduğundan emal zamanı xlordan istifadəyə ehtiyac qalmır. Suyun sərfinə, təzyiqinə, elektrik keçiriciliyinə və tərkibinə idarəetmə mərkəzində quraşdırılan kompüterlə nəzarət olunur, iş prosesi avtomatik idarə edilir. Kompleksdə ümumi tutumu 25 min kubmetr olan 3 su anbarı tikilib. Su anbarlarının inşası zamanı hündürlük fərqinin nəzərə alınması şəhərin su təchizatının özüaxımlı rejimdə təmin olunmasına imkan verir.
Ordubad şəhərində Tarix-Diyarşünaslıq Muzeyinin fəaliyyət göstərdiyi Qeysəriyyə binası, akademik Yusif Məmmədəliyevin ev-muzeyi, şəhərin qədim tarixi abidələri və küçələri, Naxçıvan şəhəri yaxınlığındakı Duzdağ Fizioterapiya Mərkəzi ilə tanışlıq da İsrailin Azərbaycandakı səfiri Rafael Harpazda xoş təəssüratlar yaradıb.
Tural




 
Bölməyə aid digər xəbərlər
20.04.2019
Salyanda Nəsiminin 650 illik yubileyi qeyd edilib
20.04.2019
Ölkə ərazisində müşahidə olunan faktiki hava şəraiti açıqlanıb
20.04.2019
Bu günün havası - Yağış hələ yağacaq...
20.04.2019
Lerik və Yardımlı rayonlarına qar yağıb
19.04.2019
Aprelin 22-dən problemli krediti olan şəxslərə kompensasiya ödənişlərinin verilməsinə başlanacaq

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Ramiz Mehdiyevin sərəncamı ilə tədbirlər planı təsdiqləndi
4 Azərbaycanlı həkim-yazıçı Rusiya Yazıçılar İttifaqına üzv olub
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info