Birinci Avropa Oyunları Azərbaycana yalnız uğur gətirəcək
Tarix: 14.05.2015 | Saat: 19:15:00 | E-mail | Çapa göndər


Nicat Müslümov: “Bu oyunların keçirilməsi həm Azərbaycanın piarıdır, həm də Dağlıq Qarabağ probleminin ədalətli həllinə dəstək üçün yaxşı imkandır”

Birinci Avropa Oyunlarına qarşı aparılan qara piar kampaniyasına adekvat olaraq yaradılan koalisiya və qurumlar da öz uğurlu fəaliyyətləri ilə antiAzərbaycan şəbəkəsinin yalanlarını ifşa edir, oyunların Azərbaycan dövləti və xalqına gətirəcəyi dividentləri cəmiyyətə çatdırırlar. Bu istiqamətdə yaradılan qurumlardan biri də "Bakı 2015" Avropa Oyunlarına Dəstək Dostluq Qrupudur. Qrupun koordinatoru Nicat Müslümovla söhbətimizdə onun yaranma zərurəti, bu günə qədər gördüyü işlər və qarşıda duran vəzifələr barədə danışdıq. Nicat Müslümov Birinci Avropa Oyunlarının Azərbaycan verəcəyi faydalardan da söhbət açıb.
- "Bakı 2015" Avropa Oyunlarına Dəstək Dostluq Qrupunun yaradılması hansı zərurətdən meydana gəldi?
-Ana Vətən Partiyasının sədri, millət vəkili Fəzail Ağamalının ideyası ilə bu ilin iyununda keçiriləcək Birinci Avropa Oyunlarına dəstək məqsədilə sosial şəbəkələrdə dostluq qrupu yaratdıq. Niyyətimiz Azərbaycanda və Azərbaycandan kənarda ölkəmizi və idmansevərləri Avropa Oyunlarına dəstək üçün bir araya gətirmək, sülhə, əməkdaşlığa, dostluğa xidmət edən bu möhtəşəm idman yarışına tövhə vermək, ona mane olmağa çalışanlara qarşı öz iradəmizi ortaya qoymaqdır.
-Qrupda təxminən nə qədər gənc birləşib?
-Bizim qrupda təxminən 15.000-dən yuxarı üzvümüz var. İstər ölkəmizdə, bölgələrdən olan gənclər, istər Avropada təhsil alan gənclər qrupun fəaliyyətini izləyə bilirlər və onlar da öz çevrələrini, Avropada yaşayan insanları qrupa üzv olmağa dəvət edirlər. Hazırda 15 mindən artıq izləyicisi olan qrup üzvlərinin sayı gündən-günə artır. Böyük Britaniya, İspaniya, Fransa, Almaniya və digər ölkələrin vətəndaşları da dostluq qrupunun izləyiciləri sırasındadırlar. Bütün soydaşlarımızı qrupda aktiv fəaliyyətə çağırıram. Müxtəlif dillərdə statuslar yazaraq, Avropa Oyunlarını, Azərbaycanı təbliğ edirik. Hesab edirəm ki, biz gənclər prezident İlham Əliyevin ətrafında daha da sıx birləşməliyik. Düşünürəm ki, bu oyunların keçirilməsi həm Azərbaycanın piarıdır, həm də Dağlıq Qarabağ probleminin ədalətli həllinə dəstək üçün yaxşı imkandır.
-Qrupun əsas fəaliyyət istiqamətləri nədən ibarətdir və indiyə qədər hansı tədbirlər həyata keçirib?
-Qrupun daxilində tez- tez görüşlər edirik, konfranslar keçiririk. Demək olar ki, hər gəncin fikrini öyrənirik. Misal üçün gənclərimiz Birinci Avropa Oyunları, Bakı -2015-lə bağlı tədbirlər ediblər. Belə ki, qrupun üzvü Könül Quliyeva Gürcüstanın paytaxtı Tiflisdə Avropa təhsil üniversetinin rəhbərliyinə layihə haqqında məlumat verib. Bundan başqa müəllim və tələbələrin iştirakı ilə tədbir keçirilib. Onu da qeyd edim ki, Avropa təhsil universetinin müxtəlif millətlərdən olan tələbələrində Azərbaycanda keçiriləcək Avropa Oyunları çox böyük rəğbət doğurub. Eyni zamanda dostluq qrupunun fəal gənci Kamil Məhəmmədlinin Bolqarıstan səfərində Bakı Avropa Oyunları ilə bağlı sərgi təşkil olunub. Qonaqlara bukletlər, idman geyim formaları, suvenirlər, qələmlər, təqvimlər paylanılıb. Daha sonra qrupun fəal üzvü Moskva şəhərində yaşayan İradə Məmmədova Moskva şəhərindəki məktəblərdən birində flaşmob təşkil edib. Toplantıda qrupun fəallığı önə çəkilib və onun yaxın günlərdə görəcəyi işlər müzakirə edilib. Görüləcək işlər arasında regionlarda "Bakı 2015" Avropa Oyunlarına dəstək dostluq qrupunun auditoriyasının genişləndirilməsi ilə bağlı faliyyətin gücləndirilməsi, universitetlərdə tələbələrlə görüşlərin keçirilməsi, "instagram" və "twitter" səhifələrinin açılması kimi vacib məsələlər də var.
-Birinci Avropa Oyunları Azərbaycana nə vəd edir?
-Birinci Avropa Oyunları Azərbaycana yalnız uğur gətirəcək. Birinci Avropa Oyunlarının yüksək səviyyədə həyata keçirilməsi üçün biz qrup olaraq əlimizdən gələni edəcəyik. Qrupun koordinatoru olaraq bu işdə tam ciddiyəm və öz komandamızla nə lazımdırsa edəcəyik. Ölkəmizin adına daha bir uğurun yazılması üçün cənab prezident İlham Əliyevin ətrafinda sıx birləşib dəstək olacağıq.




 
Bölməyə aid digər xəbərlər
22.01.2019
Paytaxtın bəzi rayonlarının təbii qaz təchizatında məhdudiyyət olacaq
22.01.2019
Gələcəkdə “BakıKart”ların balansının onlayn artırılması mümkün olacaq
22.01.2019
“Bakcell”dən 6 bölgənin sakinlərinə 5 GB PULSUZ İnternet!
22.01.2019
Azərbaycanda tolerantlıq mühitinin qorunub saxlanılması üçün hüquqi baza formalaşdırılıb
22.01.2019
Mübariz Qurbanlı şimal bölgəsindən olan sakinlərin müraciətlərini dinləyib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info