“Almaniya Bundestaqının üzvləri Avropa Oyunlarını izləmək üçün Bakıya gələcək”
Tarix: 15.05.2015 | Saat: 00:47:00 | E-mail | Çapa göndər


Milli Məclisin sədri Oqtay Əsədov Almaniya Bundestaqının Cənubi Qafqaz dostluq qrupunun üzvlərindən ibarət nümayəndə heyəti ilə görüşüb. Görüşdə Milli Məclisin sədri Oqtay Əsədov bu cür səfərlərin parlamentlərarası əlaqələrin inkişafına töhfə verəcəyini deyib.
O bildirib ki, Azərbaycan ilə Almaniya arasında dərin tarixi köklər mövcuddur.
İki ölkə arasında əlaqələrin inkişafında dövlət başçılarının mühüm rolu var. Azərbaycan Avropa İttifaqına üzv ölkələr, xüsusilə də Almaniya ilə əlaqələrin inkişafına böyük önəm verir. Oqtay Əsədov Azərbaycan ilə Almaniya arasında iqtisadi əməkdaşlığın daha da genişləndirilməsinin vacibliyini diqqətə çatdırıb. O qeyd edib ki, Cənubi Qafqaz iqtisadiyyatında ümumi daxili məhsulun 80 faizi Azərbaycanın payına düşür. Ölkəmiz regionda həyata keçirilən nəhəng layihələrin həm iştirakçısı, həm də təşəbbüskarıdır. Bakı-Tbilisi-Ceyhan, Bakı-Tbilisi-Ərzurum, TANAP və TAP layihələrinin Avropanın enerji təhlükəsizliyi üçün əhəmiyyətinə toxunan Milli Məclisin sədri Ermənistanın işğalçılıq siyasətinin həm Azərbaycan, həm də bütün region ölkələri üçün təhlükə törətdiyini vurğulayıb. Qeyd edib ki, BMT Təhlükəsizlik Şurası və digər nüfuzlu beynəlxalq təşkilatların müvafiq qətnamələrinə baxmayaraq, Ermənistan rəhbərliyi təcavüzkar mövqeyindən geri çəkilmir, münaqişənin dinc yolla həllinə maraq göstərmir. Gələn il ATƏT-ə Almaniyanın sədrlik edəcəyinə diqqəti cəlb edən Oqtay Əsədov bu münaqişənin həllinə Almaniyanın dəstək verəcəyinə inandığını söyləyib. Milli Məclisin sədri Azərbaycanda birinci Avropa Oyunlarının yüksək səviyyədə təşkil olunacağını, bunun üçün bütün zəruri tədbirlərin görüldüyünü qeyd edib. O, bəzi dairələr tərəfindən bu Oyunlar ərəfəsində ölkəmizə qarşı qərəzli çıxışlar edilməsinə toxunaraq deyib ki, Bakıya gələn hər kəs ölkəmizin bütün sahələrdə inkişafının şahidi olacaq və Azərbaycana qarşı aparılan kampaniyanın əsassız olduğunu görəcək. Nümayəndə heyətinin rəhbəri xanım Karin Ştrenz Bakıda keçiriləcək ilk Avropa Oyunlarının əhəmiyyətini vurğulayıb. O, Almaniya Bundestaqının üzvlərindən ibarət böyük nümayəndə heyətinin birinci Avropa Oyunlarına tamaşa etmək üçün Bakıya gələcəyini diqqətə çatdırıb. Əmin olduğunu bildirib ki, bu Oyunlarda iştirak edəcək şəxslərdə Azərbaycan haqqında yüksək təəssürat yaranacaq və onlar yenidən Bakıya gəlmək istəyəcəklər. Dağlıq Qarabağ münaqişəsi ilə bağlı ölkəsinin mövqeyinə toxunan Karin Ştrenz qeyd edib ki, Ermənistan işğalçı ölkədir. Ermənistan beynəlxalq hüquq normalarını pozaraq Azərbaycanın Dağlıq Qarabağ bölgəsini və ona bitişik 7 rayonunu işğal altında saxlayır. Görüşdə qarşılıqlı maraq doğuran məsələlərlə bağlı fikir mübadiləsi aparılıb.




 
Bölməyə aid digər xəbərlər
13.11.2018
“Ölkəmizdə elə bir sahə yoxdur ki, orada qadınlar təmsil olunmasınlar”
13.11.2018
Marko Alvera: TAP-ın inşası 2020-ci ildə başa çatacaq
13.11.2018
Tereza Mey: “Brexit” müzakirələri son mərhələyə çatıb
10.11.2018
ABŞ İrana qarşı hərbi əməliyyat planlaşdırmır
09.11.2018
Ermənistanın KTMT-dəki nümayəndəsinin geri çağırılması təbiidir, çünki rəsmi Yerevan yanlış siyasət yürüdür

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info