“Azərbaycanın Avropa Oyunlarını yüksək səviyyədə keçirəcəyinə şübhə etmirəm”
Tarix: 19.05.2015 | Saat: 01:16:00 | E-mail | Çapa göndər


“Bundan sonra bu yarışa ev sahibliyi edəcək şəhərlər üçün
təşkilatçılığın səviyyəsində Bakıya çatmaq asan olmayacaq”

Litva Olimpiya Komitəsinin prezidenti, stend atıcılığı üzrə Olimpiya və ikiqat Avropa çempionu, qitə və dünya çempionatlarının mükafatçısı Dayna Qudzineviçyute “apasport.az” saytına müsahibəsində bildirib ki, digər qitələr çoxdan belə Oyunlara malik idi: “Əlbəttə, Avropada belə oyunlar çatışmırdı. Təbii ki, biz bu cür kompleks yarışların keçirilməsinə çox sevinirik və dəstəkləyirik.
Olimpiya komitələrinin belə bir qərar verməsinə şadıq. Bakı da belə qısa müddətdə yarışı qəbul etməyə hazır olduğunu üzərinə götürdü. Azərbaycan təşkilatçılığı öz üzərinə götürüb, belə qısa zamanda hazırlaşa bilib. Ölkənizin Avropa Oyunlarını yüksək səviyyədə keçirəcəyinə şübhə etmirik. Bundan sonra bu yarışa ev sahibliyi edəcək şəhərlər üçün təşkilatçılığın səviyyəsində Bakıya çatmaq asan olmayacaq”. Litva Olimpiya Komitəsinin prezidenti qeyd edib ki, ilk dəfə bir neçə il əvvəl Bakıda olub: “Bakının gözəlliyi məni çox heyran etdi. Həmin vaxtadək paytaxtınızda olmasam da, Bakı mənə heç də yad şəhər deyil. Çünki sizin Olimpiya çempionunuz Zemfira Meftahətdinova çox yaxın rəfiqəmdi. Bu səbəbdən çox sevindim. Yaxşı hava, yaxşı şəhər, yaxşı insanlar, yaxşı yarış olacaq. Azərbaycanın Avropa Oyunlarını yüksək səviyyədə keçirəcəyinə şübhə etmirəm”. O, qeyd edib ki, ölkəsi yarışda 72 idmançı ilə təmsil olunacaq: “Biz daha çox idman növünün olduğu Olimpiya Oyunlarına da təxminən bu sayda gedirik. Təbii ki, biz idmançıların sayının daha çox olması üçün çalışırıq. Amma bizim üçün 72 nəfərin olması da pis deyil. Medalların olacağına inanırıq. Amma planımızda neçə medal olmasını, eyni zamanda favoritlərimizin adlarını deməyəcəm. Çünki bu idmançılar üçün əlavə gərginlik, əlavə stressdir. Bu üzdən heç vaxt idmançının adını çəkmirəm. Lakin favoritlərimiz var və onların medal qazanacaqlarına əminəm. Biz - rəhbərlik, dəstək qrupu, idman mütəxəssisləri və əsas yığma Avropa Oyunlarının açılışından 1 gün öncə Bakıya gələcəyik”.




 
Bölməyə aid digər xəbərlər
20.01.2019
20 yanvar tarixini yeni Azərbaycan tarixinin başlanğıcı kimi qəbul etmək olar
20.01.2019
Biz rusiyalılar dərdinizə şərik çıxır və bu dəhşətli faciəni xatırlayırıq
20.01.2019
Azərbaycan xalqının 20 Yanvar qəhrəmanlığı türk dünyası üçün nümunə oldu
20.01.2019
Azərbaycanda şəhid ailələrinə dövlətimiz tərəfindən yüksək diqqət və qayğı göstərilir
20.01.2019
Hicran Sadıqzadə: Biz şəhidlərin xatirəsini yad etməyə mənəvi cəhətdən borcluyuq

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Hüseyn Babayev AAF-ın vitse-prezidenti təyin edilib
4 Dərslər təxirə salındı
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info