Prosineçki “Beşiktaş“ın hədəfində
Tarix: 20.05.2015 | Saat: 23:06:00 | E-mail | Çapa göndər


Bu mövsüm çempionluq şanslarını itirən "Beşiktaş" baş məşqçisi Slaven Biliçlə yolları ayırmağa hazırlaşır. Türkiyənin "Fanatik" qəzetinin yaydığı xəbərə görə, klub rəhbərliyi xorvatiyalı mütəxəssisin əvəzinə 5 namizəd müəyyənləşdirib.
Namizədlər arasında millimizin baş məşqçisi Robert Prosineçkinin də adı olduğu iddia edilib. O, Şenol Günəş, Mustafa Dənizli, Mirça Luçeskudan sonra 4-cü namizəd olaraq siyahıda yer alıb. "Beşiktaş" 2013-cü ildə Slaven Biliçlə anlaşmamışdan öncə də Prosineçki ilə danışıqlara başlamışdı. Ancaq həmin vaxt xorvatiyalı mütəxəssis “Kayserispor”da qalmağı üstün tutaraq “Beşiktaş”ın təklifini qəbul etməmişdi. Bu dəfə menecerlər vasitəsi ilə Prosineçki ilə danışığa başlayan İstanbul klubu digər namizədlərdən gələcək cavaba uyğun hərəkət edəcək. "Beşiktaş" yeni baş məşqçi vəzifəsinə sonuncu namizədin isə Braziliya millisinin sabiq çalışdırıcı Luis Felipe Skolari olduğu iddia edilir. Dünən işlədiyi "Qremio"da istefa verən portuqaliyalı mütəxəssis də "qara qartallar"ın yeni baş məşqçisi ola bilər. Lakin Robert Prosineçki bu xəbəri təkzib edib: “Nə “Beşiktaş”dan, nə də başqa bir komandadan təklif almışam. Bu xəbəri ilk dəfə indi eşidirəm. Qısaca onu deyə bilərəm ki, yalan məlumatdır. “Beşiktaş”dan mənimlə əlaqə saxlayan olmayıb. Mənim Azərbaycan yığması ilə müqaviləm var. Hazırda yalnız bu komandanın uğurları barədə düşünürəm”. Qeyd edək ki, ötən ildən millimizi çalışdıran Prosineçki məşqçilik karyerası ərzində “Srvena Zvezda” və “Kayserispor” klublarına da başçılıq edib. İlk iş yeri olan Xorvatiya millisində isə o, Slaven Biliçin köməkçisi funksiyasını yerinə yetirib.




 
Bölməyə aid digər xəbərlər
21.09.2018
Makqreqor Nurmaqomedovu qorxaq adlandırıb
21.09.2018
Azərbaycanda həndbolun inkişafına kömək göstərməyə hazırıq
21.09.2018
UEFA Avropa Liqası: “Sportinq“ - “Qarabağ“ 2-0
20.09.2018
FİFA-nın növbəti reytinq cədvəli açıqlanıb
20.09.2018
Ukrayna cüdoçusu Daria Bilodid “Bakı-2018“in ilk qalibi olub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info