Aleksandr Jukov: “Oyunlar həqiqətən Azərbaycan üçün ümummilli layihəyə çevrilib”
Tarix: 22.05.2015 | Saat: 17:29:00 | E-mail | Çapa göndər


“Azərbaycanda Oyunların keçirilməsinə çox həssaslıqla və məsuliyyətlə yanaşırlar”

TASS agentliyi xəbər verir ki, Rusiya Olimpiya Komitəsinin prezidenti Aleksandr Jukov Bakıda keçiriləcək birinci Avropa Oyunları barədə fikrini bölüşüb.
- Bu ilin iyununda Bakıda böyük idman forumu – birinci Avropa Oyunları keçiriləcək. Rusiya komandası Bakıya əsas yığmasını göndərəcək – nə üçün və biz hansı nəticəyə ümid edirik?
- İdmanın doqquz növündə 2016-cı ilin Olimpiya Oyunlarına seçim olacaq. Buna görə də biz Bakıya ən güclü idmançıları göndəririk. Ümumiyyətlə, zənnimcə, indi bizdə Oyunları yetərincə qiymətləndirmirlər. Gələcəkdə bu Oyunlar Avropa idmanında əsas hadisə olacaq. Düzdür, bu gün görürük ki, idmanın bəzi növləri üzrə Bakıya ən güclülər gəlməyəcək. Bu, ilk növbədə, yüngül atletikaya və su idmanı növlərinə aiddir. Bu idman növləri üzrə dünya çempionatları iyul və avqust aylarında keçiriləcək. Məsələn, güləş, bədii və idman gimnastikasında tamaşaçılar ən yaxşı idmançıları görəcəklər. Azarkeşləri yüksək səviyyəli və rəqabətli yarışlar gözləyir. Əminəm ki, Bakıda keçiriləcək Oyunlarda Rusiya idmançıları qeyri-rəsmi komanda hesabında birinci yer uğrunda mübarizə apara biləcəklər.
-Bakının Oyunlara hazırlığını qiymətləndirə bilərsinizmi?
-Bakı tam hazırdır. Son vaxtlar dəfələrlə Azərbaycanın paytaxtında olmuşam və inamla deyə bilərəm ki, təşkilatçılıq baxımından oyunların ev sahibləri çox böyük iş görüblər. Başa düşmək lazımdır ki, hazırlığa Bakının o qədər də çox vaxtı olmayıb, lakin qısa müddətdə də Təşkilat Komitəsi bütün idmançılar, rəsmi nümayəndə heyətləri, qonaqlar, pərəstişkarlar, jurnalistlər üçün maksimum rahatlıq təmin etmək məqsədilə əlindən gələni edib. Dövlət rəhbərliyi tərəfindən böyük kömək göstərilib. Bu yarışlar həqiqətən Azərbaycan üçün ümummilli layihəyə çevrilib. Orada oyunların keçirilməsinə çox həssaslıqla və məsuliyyətlə yanaşırlar. Əminliklə deyirəm ki, birinci Avropa Oyunları hamıda ən parlaq təəssürat yaradacaq.
-İri beynəlxalq yarışların keçirilməsində Rusiyanın zəngin təcrübəsi var. Hazırlıq zamanı Rusiya Azərbaycana kömək edibmi?
-Hər şeydən əvvəl qeyd etməliyəm ki, son vaxtlar Azərbaycan özü genişmiqyaslı tədbirlər keçirilməsi sahəsində sanballı təcrübə toplayıb və bu Oyunlara hazırlıq gedişində onu uğurla tətbiq edib. Yəqin ki, həmkarlarımız Soçi Olimpiya Oyunlarından faydalı nəsə götürüblər. Bundan başqa, Təşkilat Komitəsinin tərkibinə Londonda keçirilmiş Yay Olimpiya Oyunlarının Təşkilat Komitəsinin bir çox aparıcı nümayəndələri daxildir. Bunlar məhz qlobal idman layihələrinə tətbiq etmək üçün lazımi biliklərə malik ciddi mütəxəssislərdir.
-Rusiya Avropa Oyunlarının təşkili iddiasında olacaqmı?
-Potensial baxımından Rusiya belə bir idman hadisəsinin keçirilməsi iddiasında ola bilər. Müəyyən məqamda, məsələn, Kazan maraq göstərib. Lakin növbəti Oyunlardan söhbət gedirsə o, 2019-cu ildə keçiriləcək. Futbol üzrə dünya çempionatı bitəcək, Krasnoyarskda Universiada və daha bir iri tədbir – çox böyük həcmli tədbir keçiriləcək. Hər halda indi keçirilməsi artıq Rusiyada təsdiqlənmiş yarışlar üzərində diqqəti cəmləşdirmək lazımdır, yayınmaq olmaz. Buna görə də biz növbəti Avropa Oyunlarının təşkili iddiasında deyilik. Amma gələcəkdə Rusiya belə Oyunlar keçirə bilər: Kazan, Soçi, Moskva, Sankt-Peterburq – bu şəhərlərin hər biri bu rolu oynamağa hazırdır. 2019-cu ildə Avropa Oyunlarını Hollandiya keçirəcək.
Tural




 
Bölməyə aid digər xəbərlər
25.03.2019
Xorvatiya bu dəfə məğlub oldu
25.03.2019
Almaniya millisi səfərdə Hollandiyanı məğlub edib
25.03.2019
“Avro-2020”: Macarıstan və Uels qələbə qazanıb
25.03.2019
Rusiya Avro-2020 seçmə mərhələsində Qazaxıstana qalib gəlib
24.03.2019
Qaret Beyl öz ölkəsində ən yaxşı seçildi

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 İraqda bərə qəzaya uğrayıb: 71 ölü
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info