JuHİ jurnalistlər üçün hazırlanmış təhlükəsizlik vəsaitinin təqdimatına başlayıb
Tarix: 26.01.2013 | Saat: 15:45:00 | E-mail | Çapa göndər


Azərbaycan Jurnalistlərinin Həmkarlar İttifaqı (JuHİ) 2012-ci ildə hazırlanmış “Risklərlə davranış, Media professionalları üçün vəsait” kitabının təqdimatına başlayıb. Vəsait 500 nüsxə ilə çap edilib və jurnalistlər arasında pulsuz paylanacaq. Kitabın elektron versiyası təşkilatın saytında- “www.juhi.az” ünvanında yerləşdirilib və istənilən jurnalist onunla tanış ola bilər. Bununla yanaşı, kitabın çap variantı da hazırlanıb və çap variant daha çox sərhəd rayonlarında, həmçinin, münaqişə bölgələrində fəaliyyət göstərən jurnalistlər arasında pulsuz paylanacaq.
10 rayonda keçiriləcək təqdimat tədbirlərinə ölkənin cənub bölgəsinə daxil olan rayonlardan başlanılıb. JuHİ əməkdaşları cənub bölgəsinə daxil olan Cəlilabad və Masallı rayonlarında fəaliyyət göstərən jurnalistlərlə görüşərək vəsaiti onlara təqdim ediblər. Növbəti tədbirlər cəbhə bölgəsində - Tərtər, Bərdə rayonlarında, həmçinin Quba və digər rayonlarda olacaq.
JuHİ sədri Müşfiq Ələsgərli bildirib ki, vəsait beynəlxalq ekspertlərin köməyi ilə hazırlanıb.Vəsaitdə jurnalistlərin hər gün qarşılaşdıqları risklərin təsnifatı verilib və bu risklərdən yayınmaq üçün ən müasir texnologiyalar barədə bilgilər yerləşdirilib. Ekstremal situasiyalarda jurnalistlərə yardım edə biləcək milli və beynəlxalq jurnalist təşkilatlarının koordinatları, fəaliyyət istiqamətləri haqqında bilgilər də vəsaitdə yer alıb. “Jurnalistika dünyada təhlükəli, riskli peşələr sırasına daxil olur. Ayrı-ayrı ölkələrdə hər il peşə fəaliyyətini həyata keçirən onlarla jurnalist həyatını itirir. Bütün dünya dövlətləri kimi, Azərbaycanda da sadalanan problemlərin təzahürləri görünməkdədir.
Təhlükələrdən yayınmaq yönündə məsuliyyət isə ilk növbədə jurnalistlərin öz üzərlərinə düşür. Jurnalistlər hansı şəraitdə fəaliyyət göstərdiklərini qiymətləndirməyi bacarmalı, ən əsası isə, müasir təhlükəsizlik qaydalarını öyrənməlidirlər. Hazırladığımız vəsait jurnalistlərə istənilən ekstremal situasiyadan çıxmaq üçün yollar göstərir. Təqibə, təzyiqə, təhdidə məruz qalan, qaynar nöqtələrdən, münaqişə bölgələrində reportaj hazırlayan jurnalistlər bu vəsaitdə əks olunan bilgiləri öyrənməklə, vəziyyətdən çıxış yolları tapa bilərlər”-deyə Ələsgərli qeyd edib.
Vəsait Avropa Komissiyasının maliyyə yardımı ilə Azərbaycan Jurnalistlərinin Həmkarlar İttifaqı (JuHİ) və Beynəlxalq Jurnalistlər Federasiyası (BJF) tərəfindən icra edilən “Keçmiş Sovet İttifaqı ölkələrində jurnalistlər üçün təhlükəsizlik, hüquq və müstəqil standartlar mədəniyyətinin yaradılması” layihəsi çərçivəsində hazırlanıb.

İlkin AĞAYEV




 
Bölməyə aid digər xəbərlər
15.11.2018
Mətbuat Şurası ilə AMEA Mərkəzi Elmi Kitabxanası memorandum imzalayıb
15.11.2018
Bakıda Dünya Diabet Gününə həsr olunmuş tədbir keçirilib
14.11.2018
“Bakcell”in baş icraçı direktoru Londonda rəqəmsal transformasiya haqqında danışıb
14.11.2018
“Dini maarifləndirmə işinin təşkili: gerçəkliklər və perspektivlər”
14.11.2018
Slovakiyalı qonaqlar Qobustan qoruğundan xoş təəssüratla ayrılıblar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10473

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info