“Avropa Oyunlarının Bakıda keçirilməsi Azərbaycanın yüksək nüfuzunun təzahürüdür”
Tarix: 23.05.2015 | Saat: 00:42:00 | E-mail | Çapa göndər


“I Avropa Oyunlarının Bakıda keçirilməsi Azərbaycanın dünyada əldə etdiyi yüksək nüfuzun və beynəlxalq arenada Prezident İlham Əliyevin liderlik qabiliyyətinə göstərilən inamın əyani təzahürüdür”.
“Trend”in məlumatına görə, bunu Ukraynanın Sumı Vilayətinin qubernatoru Nikolay Kloçko Azərbaycanın Xarkov şəhərindəki fəxri konsulu Əfqan Salmanovla görüşündə bildirib. Görüş zamanı Azərbaycanla Sumı vilayəti arasında iqtisadi, mədəni, elmi-texniki, idman, turizm və kənd təsərrüfatı sahəsində regional əməkdaşlığın qurulması məsələləri əsas müzakirə obyekti olub. Sumı vilayətinin iş adamları Azərbaycanla işbirliyinə xüsusi maraq göstərir. Görüşdə çıxışına bu sözlərlə başlayan Qubernator N.Kloçko son illər dünyanın aparıcı dövlətlərin Azərbaycana güclü investisiya ayırmalarını, Azərbaycanın isə bir sıra xarici ölkələrə sərmayə qoymasını gələcəyə hesablanmış uğurlu siyasətin məntiqi nəticəsi kimi qiymətləndirib. Bu baxımdan Azərbaycanla Ukrayna arasında iqtisadi, ticari əlaqələrin daha da inkişaf etdirilməsinin vacibliyini vurğulayıb. Bu günlərdə Azərbaycana işgüzar səfər edəcəyini bildirən qubernator, səfərin təşkil olunmasında və son bir ildə ölkələrimiz arasında ikitərəfli regional iqtisadi, mədəni, elmi-texniki əlaqələrin inkişaf etdirilməsi istiqamətində səmərəli işlər görən Azərbaycanın Xarkovdakı fəxri konsulu Əfqan Salmanova minnətdarlığını bildirib. N.Kloçko müstəqil Azərbaycan dövlətinin Avroatlantik məkana inamlı inteqrasiya siyasətindən söz açaraq, Avropa Oyunlarının Bakıda keçirilməsini Azərbaycanın dünyada əldə etdiyi yüksək nüfuzun və beynəlxalq arenada Prezident İlham Əliyevin liderlik qabiliyyətinə göstərilən inamın əyani təzahürü kimi səciyyələndirib. Son illər ölkəmizdə həyata keçirilən qlobal sosial, iqtisadi islahatlar haqqında Sumı Vilayətinin qubernatoruna ətraflı məlumat verən Azərbaycanın Xarkov şəhərindəki fəxri konsulu Ə.Salmanov iqtisadi inkişaf tempinə görə cənubi Qafqazda lider dövlətə çevrilən ölkəmizdə yerli və xarici iş adamlarına yaradılan geniş imkanlardan və səmərəli investisiya mühitindən bəhs edib. Qeyd edib ki, Azərbaycanın Xarkovdakı fəxri Konsulluğu ölkələrimiz arasındakı regional əməkdaşlığın inkişafına, iş adamları arasında səmərəli əməkdaşlığın qurulmasına, müştərək işbirliyinin yaradılmasına hər tərəfli dəstək verməyə hazırdır. Bu baxımdan Sumı Vilayətinin qubernatoru N.Kloçkonun Bakıya edəcəyi işgüzar səfərin səmərəli fayda verəcəyinə əminliyini bildirib. Görüş zamanı işgüzar səfərin proqramı və keçiriləçək görüşlər haqqında fikir mübadiləsi aparılıb.




 
Bölməyə aid digər xəbərlər
21.01.2019
Bəzi parlamentarilər məsələnin məğzinə varmadan Azərbaycanın imicinə xələl gətirmək istəyirlər
21.01.2019
Müxalifət niyə ictimai asayişin pozulmasında maraqlıdır?
21.01.2019
Xaotik, zəif, sistemsiz aksiya: radikal qrupların sosial bazası yoxdur
21.01.2019
“Prezident məhkum Mehman Hüseynovun işinin obyektiv və ədalətli araşdırılması ilə bağlı tapşırıq verib”
21.01.2019
Hüquq müdafiəçiləri Mehman Hüseynovla bağlı Prezidentə müraciət edib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Dərslər təxirə salındı
3 Nikola Sarkozi: “Bakıda böyük quruculuq işlərinin şahidi oldum”
4 Yalçın Topçu: “Türkiyə və Azərbaycan arasında ticarət daha da artacaq”
5 Mədəniyyət Nazirliyinin tabeliyindəki kitabxanalar ləğv edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info