Rusiya və Azərbaycan XİN-i arasında məsləhətləşmələr planı imzalanıb
Tarix: 25.05.2015 | Saat: 20:39:00 | E-mail | Çapa göndər


Rusiya və Azərbaycan Xarici İşlər nazirlikləri arasında 2015-2016-cı illər üçün məsləhətləşmələr planı imzalanıb.
Plana xarici işlər nazirləri Sergey Lavrov və Elmar Məmmədyarov imza atıblar. Daha sonra nazirlər birgə mətbuat konfransı keçiriblər.
S. Lavrov Azərbaycanın Cənubi Qafqaz və Xəzər regionunda Rusiyanın strateji tərəfdaşı olduğunu söyləyib: “İki ölkə arasında ticarət dövriyyəsi bizim apardığımız statistikasına görə, keçən il 16 faiz artaraq tarixi maksimumuna çatıb. Azərbaycanla Rusiyanın regionları arasında da əlaqələr inkişaf edir. Artıq Yekaterinburqda keçiriləcək IV regionlararası foruma hazırlıq gedir”.
Rusiya XİN başçısı Dağlıq Qarabağ münaqişəsi ətrafında Elmar Məmmədyarovla uzun müzakirələr apardığını söyləyib: "Dağlıq Qarabağ münaqişəsinin sülh yolu ilə tənzimlənməsi Rusiya üçün prioritet məsələdir. Biz bu münaqişənin həm ikitərəfli münasibətlər çərçivəsində, həm də ATƏT-in Minsk Qrupu çərçivəsində aparılan danışıqlar vasitəsilə həllin olunması üçün səylərimizi davam etdirəcəyik”.
S. Lavrov Ukrayna münaqişəsində Azərbaycanın tutduğu təmkinli mövqeyi yüksək qiymətləndirdiyini bildirib. “Üç həftə sonra Azərbaycanda tarixdə ilk dəfə Avropa Oyunları keçiriləcək. Bu oyunlarda Rusiyanı geniş tərkibdə həm rəsmi nümayəndə heyəti, həm də idmançılardan ibarət nümayəndə heyəti təmsil edəcək. Azərbaycana Avropa Oyunlarının keçirilməsində uğurlar arzulayırıq”, - deyə o, söyləyib.

Elmar Məmmədyarov isə çıxışında rusiyalı həmkarının Azərbaycan-Rusiya münasibətlərinin inkişaf tempi ilə bağlı fikirlərini bölüşdüyünü bildirib. Dağlıq Qarabağ münaqişəsinin nizamlanmasına toxunan azərbaycanlı nazir deyib ki, münaqişənin həlli çoxdan yetişib: “Sergey Lavrovun da dediyi kimi, münaqişənin həlli çoxdan yetişib. Mən onun nikbinliyini bölüşürəm. Biz dünən və bu gün Dağlıq Qarabağ münaqişəsinin nizamlanması ilə bağlı geniş müzakirələr apardıq. Xəzər dənizinin hüquqi statusu ilə bağlı da müzakirələrimiz oldu. Azərbaycanın Xəzərinin hüquqi statusu ilə bağlı mövqeyi bir çox məqamlarda Rusiya ilə üst-üstə düşür”.
Tural




 
Bölməyə aid digər xəbərlər
24.05.2019
ABŞ-ın Türkiyəyə C-400 və sanksiya hədəsində FETO izi
24.05.2019
“Daşnaksütyun“ Paşinyanın istefasını tələb edəcək
24.05.2019
Çinin xarici işlər naziri ilk dəfə Gürcüstana səfərə gəlib
23.05.2019
Ermənilərin 45 faizi işsizliyi əsas problem hesab edirlər
23.05.2019
Baş nazir: Gürcüstan-Azərbaycan sərhədi ilə bağlı məsələ dostluq münasibətlərimizin ruhuna uyğun həll olunacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10787

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 …Hər sözdə vətən axtaran soydaşımız
5 Özbəkistan Respublikasının Prezidenti Şavkat Mirziyoyevdən


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info