“Toy karvanı”nda avtomobillərin sayı məhdudlaşdırıla bilər
Tarix: 28.01.2013 | Saat: 15:28:00 | E-mail | Çapa göndər


"Azərbaycanda "toy karvanı" maksimum 3-4 avtomobildən ibarət ola bilər. Karvanda avtomobillərin sayı çox olanda həm özlərinə, həm də digər hərəkət iştirakçılarına problem yaradırlar". Bunu Daxili İşlər Nazirliyinin Respublika Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev bildirib.
Şöbə rəisinin sözlərinə görə, toyların başlaması əhalinin işdən çıxma vaxtına təsadüf edir və əsasən günün pik saatlarında olur.
Əliyev qeyd edib ki, onsuz da, Bakıda nəqliyyatın sayı həddən artıq çoxdur. Sürücülər nəqliyyatın sayının, sıxlığın daha çox olduğu bir vaxtda qaydalara xüsusilə riayət etməlidirlər. Ələlxüsus qarşı hərəkət zolağına çıxmamalı, işıqforun tələblərinə düzgün riayət etməlidirlər. Nəqliyyatın sayının çox olduğu bir vəziyyətdə tələskənliyə yol vermək sürücünün mənzil başına çatması üçün həm özünün, həm də digərlərinin daha artıq müddət sərf etməsinə gətirib çıxarır.

"Belə bir vəziyyət yaranan anda "gəlin korteji" və ya "toy karvanı"ında olan avtomobillərin sayının çoxluğu düzgün deyil. Düzdür, el adəti var, əvvəl çalışırdılar ki, avtomobillər çox olsun. İndi bəlkə də bu, rayon və kənd yerlərində mümkündür, amma şəhərdə artıq elə vəziyyət yaranıb ki, "toy karvanı" maksimum 3-4 maşından ibarət ola bilər", - Əliyev əlavə edib.
Onun fikrincə, burada ağsaqqalların diqqət göstərmələri yaxşı olardı. "Şəhərin müxtəlif yerlərində çoxlu sayda şadlıq evləri var, saraylar var. Artıq toylar da başlayıb. İndi, demək olar ki, bütün şadlıq evlərində toy olur. Fikirləşin ki, bu qədər şadlıq evinin olduğu yerdə bu qədər də toy karvanı olsa, şəhərdə nə vəziyyət yaranar? Ona görə də, belə işə polisin müdaxiləsindənsə, ağsaqqalların bu işə düşünülmüş formada yanaşması, cavanlara məsləhət vermələri, lazım gəlsə, tələb etmələri, məncə, daha məqsədəmüvafiqdir", - şöbə rəisi bildirib.
O əlavə edib ki, "toy karvanı"nın iştirakçısı olmaq sürücüləri məsuliyyətdən azad etmir.
"Bakının əksər hissələrində nəzarət kameraları var və o kameralar vasitəsilə də bir çox qayda pozuntuları qeydə alınır. Sürücülər fikirləşməsinlər ki, "toy karvanı"nda gedərkən 3-4 dəfə qaydanı pozsalar, məsuliyyət daşımayacaqlar. Hər bir qayda pozuntusuna yol verən şəxs, "toy karvanı"nda olmasından asılı olmayaraq, məsuliyyət daşıyacaq. Ola bilər ki, toy karvanında 1-2 avtomobil qaydanı pozubsa, onları saxlayarkən bütün karvanda iştirak edən nəqliyyat vasitələrini saxlamaq hərəkəti daha da gərginləşdirə bilər, yəni nəqliyyatın işi iflic olar. Bu səbəbdən, bəzi hallarda daha da sıxlıq yaratmamaq naminə polis əməkdaşları yerlərdə o avtomobilləri saxlamırlar. Digər sürücülər düşünə bilərlər ki, toy karvanı işıqforun qırmızı işığında keçir, amma onu heç kəs saxlamır. Lakin bu, o demək deyil ki, oradakı sürücülər məsuliyyətdən kənarda qalırlar", - Əliyev deyib.
Şöbə rəisi vurğulayıb ki, sürücü qaydanı pozursa, ümumi qaydada məsuliyyət daşıyır. Yol polisi heç kimi məcbur edə bilməz ki, dalbadal 5 və ya 10 maşın getməsin, 20 maşın getsin. "Məsələ burasındadır ki, rayonlararası yollarda 5-10 avtomobil ard-arda elə gedə bilər ki, digər nəqliyyat vasitələrinə maneə yarada bilər. Yəni ara məsafəsini düzgün saxlamadığına görə, digər hərəkət iştirakçılarına müəyyən problemlər yarada bilər. Şəhər daxilində isə bəzən karvanda 6-7 avtomobil gəlib qaydanı pozub keçir, arxadan 5-6 maşın da onlara qoşularaq düşünür ki, qarşı yola çıxıb tez getsələr, məsuliyyətdən kənarda qalacaqlar. Amma bu, belə deyil", - Əliyev vurğulayıb.
O bildirib ki, adətən Azərbaycan yollarında bir istiqamətdə sıxlıq varsa, qarşıdan gələn istiqamətdə sıxlıq yoxdursa, heç kim o yola çıxmır. Lakin bir sürücü qaydanı pozub qarşı yola çıxdısa, arxadakılar da ona qoşulur. Bununla da qaydalar kütləvi halda pozulur.




 
Bölməyə aid digər xəbərlər
21.03.2019
Abşeronlular Novruz bayramını əsgərlərlə bir yerdə qeyd ediblər
21.03.2019
Naxçıvanda yeni məscid inşa olunur
21.03.2019
Qarabağa şölə saçan Novruz tonqalları
20.03.2019
Əcnəbi tələbələr: Novruz bayramı Naxçıvanda daha möhtəşəm keçirilir
19.03.2019
Lənkəranda kimsəsiz uşaqlar üçün Novruz şənliyi təşkil edilib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 “Bahar“ Qadınlar İnkişaf Qrupuna müasir tikiş maşınları verilib
5 Fransız heykəltəraş Mauro Kordanın sərgisi


22.03 09:12 AFR bundestaqının büdcə komitəsi martın 20-də sabiq prezidentlərə və kanslerlərə xidmət göstərən heyətin ixtisar edilməsi, habelə sabiq prezidentlərin və kanslerlərin əlavə gəlirlərinin olması müəyyən edilsə, onların pensiyalarının məbləğinin azaldılması barədə qərar qəbul edib. AZƏRTAC xəbər verir ki, istefada olan dövlət başçısının sərəncamında yalnız bir sürücü, bir dəftərxana işçisi, iki yardımçı referent və bir katib qalacaq. Səfərləri zamanı sabiq dövlət başçısının komandasının deyil, yalnız özünün pulu büdcədən ödəniləcək. Pensiyalara əlavələr olanda “sabiqlərin“ əlavə gəlirləri nəzərə alınacaq. Bundestaqda gizlətmirlər ki, deputatları bu addımı atmağa ölkənin sabiq kansleri Gerhard Şröderin “Qazprom“la münasibətləri sövq edib.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info