Respublika Günü Təbrizdə qeyd olunub
Tarix: 27.05.2015 | Saat: 16:15:00 | E-mail | Çapa göndər


Təbrizdə Azərbaycanın 28 May - Respublika Günü təntənəli qeyd olunub. Bu barədə Azərbaycanın Təbrizdəki Baş Konsulluğundan verilən məlumatda bildirilir.
Qeyd olunur ki, Azərbaycanın Təbrizdəki Baş Konsulluğu tərəfindən Azərbaycan Xalq Cümhuriyyətinin yaradılmasının 97-ci ildönümü, 28 May-Respublika Günü münasibətilə Təbrizin Elgölü Pars Hotelinin “Ziyafət” salonunda rəsmi qəbul keçirilib.
Azərbaycan və İranın dövlət himnlərinin səsləndirilməsindən sonra Azərbaycanın Təbrizdəki baş konsulu Əli Əlizadə çıxış edərək Azərbaycan Xalq Cümhuriyyətinin yaranması, fəaliyyəti və nailiyyətləri haqqında iştirakçılara məlumat verib. Baş konsul 23 ay ərzində yaradılan tarixin xalqımızın varlığına hopduğunu və Azərbaycan xalqının 70 illik əsarətdən sonra yenidən müstəqilliyə qovuşduğunu, bu müstəqilliyin ümummilli lider Heydər Əliyevin sayəsində qorunub saxlanıldığını bildirib. Ulu öndər H.Əliyev tərəfindən əsası qoyulan hüquqi və dünyəvi dövlət quruculuğu siyasətinin ölkə Prezidentimiz tərəfindən davam etdirildiyini, ölkənin ictimai-siyasi, sosial-iqtisadi, elmi-mədəni həyatında, beynəlxalq əlaqələrində böyük uğurlar əldə edildiyini qeyd edib. Baş konsul son 11 ildə Azərbaycanın bütün sahələrdə əldə etdiyi bir çox nailiyyətləri, iqtisadi göstəriciləri sadalayaraq, Azərbaycan-Ermənistan Dağlıq Qarabağ münaqişəsinin həlli ilə bağlı aparılan danışıqlar haqqında da məlumat verib, Ermənistanın sərgilədiyi qeyri-konstruktiv mövqeyin, münaqişənin həllində beynəlxalq vasitəçilərin ikili standartlardan çıxış etməsinin təəsüfverici hal olduğunu vurğulayıb, Azərbaycan nəyin bahasına olursa-olsun öz ərazi bütövlüyünü gec-tez bərpa edəcəyini diqqətə çatdırıb.
Baş konsul son dövrlərdə hər iki ölkə rəhbərlərinin yüksək əzmi ilə daha da inkişaf edən Azərbaycan-İran münasibətlərindən də danışaraq, bunun Baş Konsulluğun əhatə etdiyi vilayətlərə də sirayət etdiyini, qarşılıqlı səfərlərin, sərgilərin, müştərək layihələrin, iqtisadi, elmi-mədəni tədbirlərin artdığını qeyd edib.
Rəsmi qəbulda İranın Şərqi Azərbaycan Vilayətinin valisi İsmayıl Cabbarzadə də çıxış edərək, İran-Azərbaycan əlaqələrinin inkişafından, əhəmiyyətindən, ortaq bağlılıqlardan, ötən dövrdə həyata keçirilmiş və keçiriləcək işlərdən danışıb, İran tərəfinin təbriklərini Azərbaycan dövlətinə və xalqına çatdırıb.
Çıxışlardan sonra Azərbaycanın sosial-iqtisadi inkişafını, turizm potensialını, mədəniyyətini, İranla münasibətlərini əks etdirən film nümayiş olunub, Azərbaycan xalq mahnılarının sədaları altında ziyafət verilmiş, “Azərbaycan-97” rəmzi yubiley tortu kəsilib.
Rəsmi qəbul çərçivəsində eyni zamanda Azərbaycanda keçiriləcək “1-ci Bakı 2015 Avropa Oyunlarını”nın rəsmi təqdimat mərasimi də keçirilib, oyunlara dair videorolik nümayiş olunub, Baş konsulluğun əməkdaşı N.Orucəliyev bu oyunlar haqqında iştirakçılara məlumat verərək İran vətəndaşlarını da bu oyunları izləməyə dəvət edib.
Rəsmi qəbulda İranın Şərqi Azərbaycan Vilayətinin valisi, valinin müavini, İran Xarici İşlər Nazirliyinin Şimal-Qərb Nümayəndəliyinin rəhbəri, İranın Şərqi Azərbaycan Vilayətinin Mədəniyyət və İslami İrşad İdarəsinin, Mədəni İrs, Əl İşləri və Turizm İdarəsinin, Təbriz Ticarət Palatasının rəhbərləri, eləcə də vilayətin digər dövlət rəsmiləri, Türkiyənin Təbrizdəki baş konsulu və Baş Konsulluğun əməkdaşları, kütləvi informasiya vasitələrinin və şəhər ictimaiyyətin nümayəndələri, Təbrizdə yaşayan Azərbaycan vətəndaşları iştirak ediblər. 28 May-Respublika Günü ilə əlaqədar İranın Qərbi Azərbaycan Vilayəti valisinin də təbrik məktubu Baş Konsulluğa ünvanlanıb.
Tural Tağıyev




 
Bölməyə aid digər xəbərlər
01.04.2020
İran prokurorluğu “Telegram”la bağlı istintaqa başlayır
01.04.2020
Keçmiş prezident korona virusundan öldü
01.04.2020
Misirdə yeni növ koronavirusdan daha 5 nəfər ölüb
01.04.2020
ABŞ-da son bir sutkada 865 nəfər koronavirusun qurbanı olub
01.04.2020
Meksikada koronavirusa yoluxanların sayı 1215-ə çatdı

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11490

1 “Bütün vətəndaşlar xüsusi karantin rejiminə əməl etməlidirlər”
2 Evdə qalmaq niyə vacibdir? – Rəşad Mahmudov səbəbləri açıqladı- VİDEO
3 Biləsuvar Rayon İcra Hakimiyyətinin rəsmi təkzibi
4 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”
5 Tural İsmayılov: “İndiki halda cəmiyyətdə milli birlik və məsuliyyət bir nömrəli amildir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info