“Şadıq ki, tarixdəki ilk Avropa Oyunları Bakıya həvalə olundu”
Tarix: 01.06.2015 | Saat: 22:04:00 | E-mail | Çapa göndər


Nikolay Juravski: “Yeni yüksəldilən idman qurğuları isə sadəcə adamı valeh edir”

Moldova Milli Olimpiya Komitəsinin prezidenti, kanoe üzrə 2 qat Olimpiya və 8 qat dünya çempionu Nikolay Juravskinin “apasport.az” saytına müsahibəsi


- Avropa Oyunlarının başlamasına 11 gün qalır. Moldova yığmasını qitədə ilk dəfə keçiriləcək yarışa tam hazır saymaq olarmı?

- Digər ölkələrin milli komandalarında olduğu kimi, Moldova yığmasına da müxtəlif idman növləri üzrə atletlər daxildir. Düşünürəm ki, hamı yarışların startına ən yaxşı formada çatmaq istəyir. Buna isə idman tarixində heç vaxt və heç kim nail olmayıb, olmayacaq da. Bu gün əlimizdə olan imkanlar bütün idmançılara lazımı səviyyədə hazırlığını təmin etməyə imkan vermir. Buna baxmayaraq, bizim şərtlərdə mümkün olan hər şeyi etdik.

- Əksər ölkələr heyətini açıqlasa da, Moldova bu məsələyə tam aydınlıq gətirməyib. “Bakı-2015”-ə neçə idmançı ilə gələcəksiz?

- Burada hansısa sirr yoxdur. Bütün komandalarda iştirakçılarla bağlı yekun məlumat Təşkilat Komitəsinə verilib. Bakıdakı I Avropa Oyunlarında 12 idman növündə 86 idmançı ilə təmsil olunacağıq.

- London Yay Olimpiya Oyunlarında cəmi 22 idmançı ilə təmsil olunmuşdunuz. Avropa Oyunları ərəfəsində heyətinizin belə geniş olmasını nə izah edərdiniz?

- Təbii ki, Olimpiada ilə müqayisə etsək, Avropa Oyunlarının təsnifat mərhələsi o qədər də çətin olmayıb. Bakıda bir sıra qeyri-olimpiya növləri üzrə də yarışlar keçiriləcək. Bundan başqa, atletikada fərdi növlərdə deyil, komanda yarışında mübarizə gedəcək. Bu da yığmada idmançı sayında təxminən 40 nəfərin artması ilə nəticələnir.

- "London-2012"də 2 medal qazanmışdınız. "Bakı-2015"dən gözləntiləriniz nədir?

- Böyük Britaniya paytaxtında hər 2 medala ağır atletika növündə sahib olmuşduq. Təəssüf ki, bu idman növü I Avropa Oyunlarının proqramına daxil deyil. Həmçinin, Kristina Yovunu qeyd etməyə bilmərəm. Londonda bürünc qazanan gənc ağırlıqqaldıranımız da karyerasını Azərbaycan bayrağı altında davam etdirməyə qərar verib.

- Avropa Oyunlarında 20 idman növündə 253 dəst medal öz sahibini tapacaq. Bunlardan 12-də təmsil olunacaq Moldova hansı növlərə bel bağlayacaq?

- Biz müxtəlif döyüş növlərində və avarçəkmədə yaxşı çıxış edəcəyimizə ümidliyik.

- 86 idmançıdan ibarət heyətinizdə tanınmış simalar varmı?

- Moldova yığmasının ən titullu idmançısı taekvondoçu Aaron Kukdur. Dəfələrlə Avropa çempionu olan həmyerlimiz bu yaxınlarda Çelyabinskdə dünya çempionatında bürünc medal qazanıb. Ümumiyyətlə isə Moldova komandasında çox sayda gənc və perspektivli atletlər olacaq. Onların uğurları qarşıdadır.

- 2012-ci ildə Avropa Oyunlarının keçirilməsi və ilk yarışın Bakıya verilməsi barədə qərar qəbul olundu. Həmin vaxt bunu necə qarşılamışdınız?

- Buna çox müsbət yanaşdıq. İlk növbədə ona görə ki, Avropa Oyunları ideyası uzun illər müzakirə olunurdu və vaxtı çoxdan yetişmişdi. Asiya, Panamerika, Birlik Oyunları onilliklərdir keçirilir. Bu yarışlar vacib regional komanda turnirləridir. Biz çox şadıq ki, tarixdəki ilk Avropa Oyunları Bakıya həvalə olundu. Xalqlarımızı uzun illərdir dostluq əlaqələri bağlayır.

- Siz Avropa Oyunlarına hazırlıqla bağlı Bakıda olmusunuz. Paytaxtımızdan hansı təəssüratla ayrıldınız?

- Möhtəşəm! Mən Bakıda 30 il öncə olmuşdum. Hələ o vaxt şəhər çox xoşuma gəlmişdi. Xüsusilə də İçərişəhəri vurğulamaq istərdim. İndi paytaxtınızda çoxsaylı müasir arxitektura şedevrləri də peyda olub. Yeni yüksəldilən idman qurğuları isə sadəcə adamı valeh edir.




 
Bölməyə aid digər xəbərlər
14.11.2018
“London-2018”: Maqnus Karlsen və Fabiano Karuanadan növbəti heç-heçə
13.11.2018
Aşihara karateçilərimiz dünya çempionatında 8 medal qazanıblar
13.11.2018
Karateçilərimiz dünya çempionatını üç medalla başa vurublar
13.11.2018
KİV: Santyaqo Solari “Real Madrid“in baş məşqçisi olacaq
13.11.2018
Messi mövsümün ən yaxşı oyunçusu mükafatını aldı

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10467

1 “Universitetlərdə rəhbər şəxslərin qapıları tələbələr üçün daim açıq olur”
2 Polşalı şagirdlər Azərbaycan nağıllarına illüsturasiyalar çəkiblər
3 “Xaricdə təhsilimi davam etdirsəm, psixologiya sahəsini seçəcəyəm”
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info