Məşəl estafeti qədim Qubaya ötürüldü
Tarix: 02.06.2015 | Saat: 16:30:00 | E-mail | Çapa göndər


İyunun 1-i qubalıların yaddaşında birinci Avropa Oyunlarının məşəlinin qarşılanma mərasimi və möhtəşəm Alov festivalı ilə yadda qalacaq.
Məşəl Quba şəhərində Heydər Əliyev adına Mədəniyyət və İstirahət Parkının qarşısında qurulan Oyunların rəmzi qapısında rayon ictimaiyyəti tərəfindən bayram əhval-ruhiyyəsi ilə qarşılandı.
Məşəli güləş üzrə veteranlar arasında dünya çempionu Musa Mirzəyev qəbul etdi. Bundan sonra 14 nəfər məşəlçinin yürüşünə start verildi. Onlar növbə ilə məşəli bir-birinə ötürərək Heydər Əliyev prospekti boyunca dörd kilometr məsafəni qət edərək Quba Meydanına gəldilər. Burada quraşdırılan səhnəyə qalxan kik-boksinq üzrə əməkdar məşqçi Telman Məhərrəmov məşəli alovlandırdı. Məşəlin alovlandırılmasını izləyən qubalılar bu tarixi hadisəni alqışlarla qeyd etdilər.
Sonra isə Avropa Oyunlarının çırağı yandırılaraq, yarışlar başa çatanadək saxlanılmaq üçün Heydər Əliyev Mərkəzinə təhvil verildi.
Mərasim iştirakçıları birinci Avropa Oyunları məşəlinin Atəşgah məbədində alovlandırılmasını əks etdirən videoçarxı maraqla izlədilər.
Bununla da Quba birinci Avropa Oyunlarının məşəlinin alovlandırıldığı 55-ci yaşayış məntəqəsi oldu.
Qarşılanma mərasiminin iştirakçısı, qubalı gənc Elmar Hacıyev AZƏRTAC-a müsahibəsində birinci Avropa Oyunlarının məşəlinin alovlandırılmasını doğma rayonu üçün ən əlamətdar hadisələrdən biri kimi qiymətləndirdi: “Bu kimi mötəbər yarışların keçirilməsi üçün yalnız infrastruktur, böyük idman qurğuları kifayət etmir. Bunlarla yanaşı, ölkənin beynəlxalq arenada böyük nüfuza sahib olması da vacibdir. Məhz bütün bu amillərə görə Azərbaycana etimad göstərildi. Əminəm ki, dövlətimizin başçısı İlham Əliyevin rəhbərliyi ilə birinci Avropa Oyunlarını uğurla başa vuraraq, respublikamızın adını daha da ucaldacağıq”.
Quba sakini Ələkbər Məmmədbəyov isə yarışların başlanmasını səbirsizliklə gözlədiyini bildirdi: “Birinci Avropa Oyunlarında güləşçilərimizin çıxışlarını maraqla izləyəcəm. Artıq güləş yarışlarına bilet də əldə etmişəm. Pəhləvanlarımızın yüksək əyarlı medallar qazanacağına əminəm. Özüm də güləşlə məşğul olmuşam. Birinci Avropa Oyunlarında tək güləş deyil, bütün idman növlərində güclü idmançılarımız mübarizə aparacaqlar. Hamısına uğurlar arzulayıram”.
Günün sonunda Qubada möhtəşəm Alov festivalı keçirildi. Respublikanın və rayonun tanınmış incəsənət ustalarının konsert proqramı sakinlərin sevincini ikiqat artırdı. Festivalın sonunda atəşfəşanlıq oldu.
Birinci Avropa Oyunlarının qədim Atəşgah məbədində alovlandırılan məşəlinin növbəti qarşılanma mərasimi iyunun 3-də Xaçmaz rayonunda olacaq.




 
Bölməyə aid digər xəbərlər
20.08.2019
Şəkidə arıçılara 160 min manatadək subsidiya ödənilib
20.08.2019
Masallı rayon ağsaqqallar Şurasının yığıncağında
20.08.2019
Muxtar respublikada operativ vergi nəzarəti tədbirləri davam etdirilir
20.08.2019
Culfa-Ordubad avtomobil yolu yenidən qurulur
20.08.2019
Bu gündən havanın temperaturu qalxır

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info