“The Japan Times”: “Azərbaycan dünyanın idman mərkəzinə çevriləcək”
Tarix: 02.06.2015 | Saat: 16:43:00 | E-mail | Çapa göndər


Yaponiyanın yerli və əcnəbi elitası arasında populyarlığı ilə seçilən nüfuzlu “The Japan Times” qəzetində Azərbaycanın cənclər və idman naziri Azad Rəhimovun iyunun 12-dən 28-dək Bakıda keçiriləcək ilk Avropa Oyunları barədə məqaləsi dərc olunub.
“Bakı 2015: Avropa Oyunlarının keçiriləcəyi şəhər” adlı məqalədə bildirilir ki, cari ilin iyununda Azərbaycan dünyanın idman mərkəzinə çevriləcək. Avropa Oyunları böyük idman bayramı olmaqla yanaşı, Azərbaycan paytaxtının inkişafına da mühüm təsir göstərəcək. Bu oyunlar dinamik inkişaf edən qonaqpərvər Azərbaycanı, eyni zamanda bir işgüzar mərkəz kimi tanıdacaq.
Avropa Olimpiya Komitəsinin ilk Avropa Oyunlarının Azərbaycanda keçirilməsi barədə qərarı 2012-ci ilin dekabrında qəbul etdiyini xatırladan nazir vurğulayır ki, bu, ölkəmizin sosial, mədəni və iqtisadi inkişafını bütün dünyaya göstərmək üçün bir imkan olmaqla yanaşı, xalqımızın yüksək bacarığını nümayiş etdirmək baxımından da əhəmiyyətlidir.
Yarışların keçirilməsi üçün Bakıda çoxsaylı yeni idman obyektlərinin tikildiyini və əvvəlkilərin bərpa olunduğunu bildirən A.Rəhimov qeyd edir ki, qitənin ilk ən böyük idman bayramının açılış mərasimi yeni Olimpiya Stadionunda keçiriləcək. İyunun 12-dən başlayaraq, 17 gün davam edəcək yarışlarda 6 mindən çox idmançı iştirak edəcək. İyunun 28-də təntənəli bağlanış mərasimi ilə yekun vurulacaq yarışlarda idmançılar 20 idman növü üzrə 253 medal dəsti uğrunda mübarizə aparacaqlar.
Diqqətə çatdırılır ki, yarışlar 18 idman obyektində keçiriləcək. Onların sırasında 65 min yerlik Olimpiya Stadionu ilə yanaşı, Milli Gimnastika Arenası, Su İdman Sarayı, Atıcılıq Mərkəzi və digər böyük idman obyektləri var. Bakıya gələn qonaqlar bu idman obyektləri ilə yanaşı, möhtəşəmıliyi ilə seçilən Heydər Əliyev Beynəlxalq Hava Limanının yeni terminalı, Heydər Əliyev Mərkəzi, Alov Qüllələri kimi nadir memarlıq nümunələrindən də zövq ala biləcəklər. Yarışlara qatılacaq idman mütəxəssislərinin, jurnalistlərin və tamaşaçıların rahatlığı üçün Azərbaycan paytaxtında hər cür şərait yaradılacaq.
Məqalədə Azərbaycanın idman yarışlarına həmişə böyük maraq göstərdiyi, gələn il Formula-1 yarışlarının, 2017-ci ildə isə İslam Həmrəyliyi Oyunlarının, Avro-2020 futbol yarışlarının dörd görüşünün Bakıda təşkil ediləcəyi qeyd olunur.
Bakının möhtəşəm Oyunları yüksək səviyyədə qarşılamağa və keçirməyə hazır olduğunu vurğulayan nazir bu yarışların dünyanın 57 ölkəsinə, o cümlədən Yaponiyaya translyasiya ediləcəyini bildirir.
Yarışların mühüm əhəmiyyətini vurğulayan A.Rəhimov onun yalnız davam edəcəyi iki həftə ərzində deyil, Bakıda nümayiş olunacaq idman təntənəsi, sülh və dostluq kimi ülvi duyğuları ilə insanların yaddaşında həmişəlik qalacağına əminliyini ifadə edir.
Tural




 
Bölməyə aid digər xəbərlər
01.04.2020
Misirdə yeni növ koronavirusdan daha 5 nəfər ölüb
01.04.2020
ABŞ-da son bir sutkada 865 nəfər koronavirusun qurbanı olub
01.04.2020
Meksikada koronavirusa yoluxanların sayı 1215-ə çatdı
01.04.2020
Nyu-Yorkda koronavirus qurbanlarının sayı 1000-i ötüb
01.04.2020
ÜST dünyada COVID-19 infeksiyasına yoluxanların sayını açıqlayıb

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11490

1 “Bütün vətəndaşlar xüsusi karantin rejiminə əməl etməlidirlər”
2 Evdə qalmaq niyə vacibdir? – Rəşad Mahmudov səbəbləri açıqladı- VİDEO
3 Biləsuvar Rayon İcra Hakimiyyətinin rəsmi təkzibi
4 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”
5 Tural İsmayılov: “İndiki halda cəmiyyətdə milli birlik və məsuliyyət bir nömrəli amildir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info