“Rusiya və Azərbaycan arasında münasibətlərin dinamik inkişafı bizi çox sevindirir”
Tarix: 02.06.2015 | Saat: 20:33:00 | E-mail | Çapa göndər


Biz beynəlxalq arenada müstəqil, aktiv xarici siyasət kursu həyata keçirməyə çalışırıq və Azərbaycanın son 10 ildə siyasi, iqtisadi, sosial sahələrdə əldə etdiyi uğurlar bu işdə bizə kömək edir”. Bu sözləri Azərbaycan xarici işlər naziri Elmar Məmmədyarov Rusiyaya səfəri zamanı yerli “Nezavisimaya qazeta”ya müsahibəsində deyib.
Nazir bildirib ki, Azərbaycan öz siyasətini beynəlxalq hüququn norma və prinsiplərinə, BMT Nizamnaməsinə əsasən həyata keçirir: "Dövlətlərarası münasibətlərdə Azərbaycan qanunun aliliyi və dövlətlərin öz öhdəliklərini yerinə yetirməsi prinsiplərinə sadiqdir. Azərbaycan dünyada daha çox dövlətin sıx əməkdaşlıq etmək istədiyi etibarlı tərəfdaş hesab edilir. Azərbaycanın 2011-ci ildə BMT TŞ-yə üzv seçilməsi zamanı göstərilən dəstək sözlərimin sübutudur. Bu gün Azərbaycanın xarici siyasəti qarşısında duran əsas məsələ Dağlıq Qarabağ münaqişəsinin həlli, torpaqların Ermənistan tərəfindən işğalına son qoyulması və ölkəmizin beynəlxalq ictimaiyyət tərəfindən tanınmış sərhədləri çərçivəsində suverenliyinin bərqərar olmasıdır. Bizim xarici siyasətimizin prioritetləri həmçinin dost ölkələrlə əməkdaşlığın genişlənməsi və dərinləşməsi, iqtisadi maraqlarımızın, enerji və nəqliyyat strategiyamızın təşviqi, ölkəmiz barədə həqiqətlərin dünya ictimaiyyətinə çatdırılması, mədəni və humanitar diplomatiyanın inkişafı, Azərbaycan vətəndaşlarının xaricdə hüquqlarının müdafiəsidir”.
E. Məmmədyarov qeyd edib ki, Azərbaycan ikitərəfli münasibətlərini mehriban qonşuluq, bir-birinin daxili işinə qarışmamaq, bərabərhüquqluluq, qarşılıqlı hörmət və faydalı əməkdaşlıq çərçivəsində qurmağa çalışır: “Rusiya və Azərbaycan arasında münasibətlərin dinamik inkişafı bizi çox sevindirir. Bu gün münasibətlərin möhkəmliyinin sınaqdan keçdiyi bir vaxtda Azərbaycanla Rusiya arasında münasibətlər intensiv şəkildə inkişaf edir və bütün sahələri əhatə edir. Bizim münasibətlər qarşılıqlı fayda və hörmət prinsiplərinə əsaslanır. Rusiya Azərbaycanın əsas ticarət tərəfdaşlarından biridir. Rusiya və Azərbaycanın terrorizm və mütəşəkkil cinayətkarlıqla mübarizə sahəsindəki əməkdaşlığı regionda stabillik və təhlükəsizliyin təmin olunmasına vacib töhfə verir. Turizm sahəsində də inkişaf üçün yaxşı perspektiv var. İlbəil Rusiyadan gələn turistlərin sayı artır. Bizdə rusiyalıların istirahəti üçün yaxşı şərait var. Yaxın məsafədədir və dil baryeri yoxdur”.
Tural




 
Bölməyə aid digər xəbərlər
18.05.2019
İtaliyalı senator Azərbaycanın diaspor siyasəti barədə məlumatlandırılıb
18.05.2019
Dövlət Komitəsində Laçın rayonunun işğalının 27-ci ildönümü ilə bağlı tədbir keçirilib
18.05.2019
Sevinc Fətəliyeva: Azərbaycanla əməkdaşlığın inkişaf etdirilməsi Avropa İttifaqı üçün xüsusi əhəmiyyət daşıyır
18.05.2019
YAP rayon və şəhər təşkilatlarının ümumrespublika müşavirəsi keçirilib
18.05.2019
Azərbaycan-Fransa parlamentlərarası əlaqələri müzakirə olunub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10782

1 “Ukraynanın ictimai-siyasi həyatında fəal iştirak edirik”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 “İş yerlərində təhlükəsiz əmək şəraiti yaratmaq lazımdır”
4 Dünya rəssamları arasında yer alan azərbaycanlı
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info