Aleksandr Jukov: “Bakı yarışlara çox ciddi hazırlaşıb”
Tarix: 04.06.2015 | Saat: 17:33:00 | E-mail | Çapa göndər


Rusiya Olimpiya Komitəsi I Avropa Oyunlarında iştirak edəcək idmançılar üçün təntənəli yolasalma mərasimi keçirib.
Mərasim Moskva vilayətinin "Ozero Kruqloe" adlı kəndində yerləşən Olimpiya bazasında baş tutub. Mərasimdə Rusiya Olimpiya Komitəsinin (ROK) prezidenti Aleksandr Jukov, Rusiya prezidentinin köməkçisi İqor Levitin, Rusiya idman nazirinin müavini Yuri Naqornıx, Avropa Oyunlarında iştirak edəcək 61 idmançı və 36 məşqçi iştirak ediblər.
Mərasimdə çıxış edən ROK prezidenti Aleksandr Jukov Rusiya yığmasının Bakıda keçiriləcək I Avropa oyunlarında qeyri-rəsmi hesabda birinci yer uğrunda rəqabət aparacağını söyləyib: "Rusiya yığması Avropa oyunlarında ən güclü komandalardan biridir. Bu komanda üçün bütün şərait yaradılıb. Əminəm ki, bizim komanda qeyri-rəsmi hesabda birinci yer uğrunda mübarizə apara biləcək. Çünki Bakıya bütün idman növləri üzrə ən güclü idmançılar gedir. Qeyd edim ki, Bakıda bir sıra idman növlərində olimpiya lisenziyası uğrunda oyunlar da keçiriləcək. Əminəm ki, komandanı təntənəli şəkildə yolasalma mərasimini keçirmək ənənəsi də yığmanın döyüş ruhuna mühüm start verəcək".
Aleksandr Jukov tarixdə ilk Avropa oyunlarında iştirak etməyin onlar üçün böyük şərəf olduğunu vurğulayıb: "Belə oyunlar Asiya, Afrika və Amerikada keçirilirdi. Avropada isə yox idi. Çoxları hələ bunun nə olduğunu soruşurlar. Lakin tezliklə, Bakıda Avropa oyunları keçiriləndən sonra bu suallar bir daha verilməyəcək. Avropa oyunları Avropa yarışlarının ən başlıcası olacaq. Bakı yarışlara çox ciddi hazırlaşıb. I Avropa oyunları hər kəs üçün böyük bayram olacaq. Mən öz adımdan sizə Avropa oyunlarında uğurlu çıxış və Avropanın idman tarixinə öz adınızı yazmağı arzu edirəm".
Rusiya prezidentinin köməkçisi İqor Levitin isə çıxışında Azərbaycanda Avropa oyunlarına hazırlıqlarla bağlı görülən işlərlə tanış olduğunu söyləyib: "Demək istəyirəm ki, bu ölkədə 2 il yarım ərzində oyunlar üçün bütün infrastruktur qurulub. Nəqliyyat, logistika yüksək səviyyədədir. İdmançıların yaşayacaqları məkan isə bu cür yarışların keçirildiyi şəhərciklərin ən yaxşısıdır. Bakıdakı idman şəhərciyini ancaq Soçi ilə müqayisə etmək olar".
İqor Levitin Olimpiyaçılara Dəstək Fondu tərəfindən Bakıya 50 nəfər olimpiya və dünya çempionları olan veteran idmançıların göndəriləcəyini də söyləyib: "Həmin veteran idmançılar sizə azarkeşlik edəcəklər. Biz sizin hamınızı Bakıda Olimpiya kəndində qurulan "Rus Evi"ndə gözləyəcəyik."
Mərasimdə çıxış edən Rusiya idman nazirinin müavini Yuri Naqornıx Bakıda keçiriləcək Avropa oyunlarının tarixi əhəmiyyət daşıdığını bildirib: "Bu oyunlarda iştirak edəcək idmançıların üzərinə də tarixi məsuliyyət düşür. Bu oyunlarda qələbə qazanan idmançılar daha sonra olimpiya oyunlarında iştirak edəcəklər. Sizin içinizdə artıq olimpiya mükafatını qazanmış idmançılar var. Ümid edirik ki, Bakıdakı Avropa oyunlarında da qələbələr qazanacağıq".
Mərasimin sonunda Aleksandr Jukov Rusiyanın olimpiya bayrağını olimpiya çempionu Aliya Mustafinaya təqdim edib və xatirə şəkli çəkdirilib.
Qeyd edək ki, I Avropa Oyunlarında iştirak edəcək Rusiya komandasının tərkibinə 360 idmançı daxildir. İdmançılardan əlavə Rusiyadan oyunları izləmək üçün 700 nəfərdən ibarət böyük nümayəndə heyəti Azərbaycana gələcək. Nümayəndə heyətinə Rusiya prezidenti Vladimir Putin başçılıq edəcək.
Tural




 
Bölməyə aid digər xəbərlər
21.11.2018
Ukrayna NATO və Avropa İttifaqına üzvlüyə hər an yaxınlaşır
20.11.2018
Yeni Azərbaycan Partiyası: iqtisadi və siyasi müstəqilliyi möhkəmləndirən ideyalar məktəbi
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir
18.11.2018
Sanya meri: Azərbaycan qədim tarixə və özünəməxsus mədəniyyətə malik ölkədir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info