Türk ölkələrindən olan yazarlar Mətbuat Şurasında
Tarix: 04.06.2015 | Saat: 17:46:00 | E-mail | Çapa göndər


Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası və Dünya Gənc Türk Yazarlar Birliyinin təşkilatçılığı ilə reallaşdırılan “Şeiri, sənəti, geyimi, mətbəxi və tarixi ilə can Azərbaycan” adlı layihə çərçivəsində Bakıda səfərdə olan türkdilli dövlətlərin və topluluqların yazıçı və şairləri Mətbuat Şurasında olublar.
Görüşdə Mətbuat Şurasının sədri Əflatun Amaşov qonaqlara rəhbərlik etdiyi qurumun fəaliyyəti haqqında məlumat verib, Azərbaycan mediasının keçdiyi şanlı tarixi yoldan danışıb. Bu yaxınlarda Kazan şəhərində keçirilən türk ölkə və topluluqlarının jurnalistlərinin görüşünə toxunan Mətbuat Şurasının sədri türksoylu ölkə və topluluqlarının mediası arasında əməkdaşlıq və əlaqələrin əhəmiyyətini vurğulayıb. Natiq bu il Azərbaycan milli mətbuatının yaradılmasının 140 illik yubileyinin təntənəli şəkildə qeyd ediləcəyini də vurğulayıb. O, qeyd edib ki, Həsən bəy Zərdabi, İsmayıl bəy Qaspıralı, Əli bəy Hüseynzadə və s. kimi ziyalılar türk xalqlarının maariflənməsi, mütərəqqi istiqamətdə irəliləməsi yolunda bir çox işlər görmüşlər və bu gün həmin maarifçilik ideyalarının daşıyıcıları ehtiramla yad edilir.
Mətbuat Şurasının İdarə heyətinin üzvü, Azərbaycanlıların və Digər Türkdilli Xalqların Əməkdaşlıq Mərkəzinin rəhbəri İlham İsmayılov belə görüşlərin və səfərlərin türk xalqları arasında dostluq və qardaşlıq əlaqələrinə ən gözəl töhfə olduğunu bildirib.
Görüşdə ədəbiyyatı, əxlaqı, mənəviyyatı eyni olan türk xalqlarının müvafiq istiqamətlərdə əlaqələrini yüksək qiymətləndirilib. Qeyd edilib ki, çağdaş dünyada türk xalqlarının zəngin mədəni irsinin, tarixi şəxsiyyətlərinin, eləcə də müasir həyat tərzi və uğurlarının beynəlxalq aləmə duyurulmasında mətbuatın, informasiya resurslarının rolu böyükdür.

Şimali Kipr Türk Respublikasının Mətbuat Şurasının sədri Züleyha Karaman, Türk Hərəkət Partiyasının və Makedoniya parlamentinin üzvü Enes İbrahim, Tatar Gəncləri Birliyinin üzvü Fanil Gilyazov, Kocaeli Yazarlar Birliyinin üzvü Alptekin Cevherli, Özbəkistanın “Şöhrət” medallı tanınmış şairi Xosiyat Rüstəmova, Özbəkistanın Qaraqalpaq muxtar qurumunun təmsilçisi, araşdırmaçı, tarixçi alim Oygül Suymənova və başqaları belə layihələrin türkdilli xalqların mədəniyyətinin inkişafına dəyərli töhfələr verəcəyini bildiriblər.
Qonaqlar təmsil etdikləri təşkilatların fəxri diplomlarını Mətbuat Şurasının sədri Əflatun Amaşova və Şuranın İdarə heyətinin üzvü İlham İsmayılova təqdim ediblər.




 
Bölməyə aid digər xəbərlər
19.03.2019
Azərbaycan beynəlxalq statuslu turist bələdçiləri hazırlayacaq
18.03.2019
“Bakcell” gənc developerlər üçün məzun gecəsi keçirib
18.03.2019
“Sağlamlıq-2018” Respublika Spartakiadasının qalibləri mükafatlandırılıb
18.03.2019
Novruz bayramı türkdilli xalqlarda etno-mədəni hadisədir
18.03.2019
Bakı şəhəri ilə Dərbənd və Maqas şəhərləri arasında Memorandum imzalanıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info