Səfir: “Azərbaycanda gözəl fauna və flora növləri var”
Tarix: 05.06.2015 | Saat: 19:22:00 | E-mail | Çapa göndər


ADA Universitetində “İqlim dəyişikliyinin səbəbləri və həlli yolları: hökumət tərəfindən görüləcək işlər, vətəndaş cəmiyyətinin öhdəlikləri və texnoloji həll yolları” adlı beynəlxalq konfrans keçirilir.
Tədbiri giriş sözü ilə ADA Universitetinin rektoru Hafiz Paşayev açıb.
H. Paşayev çıxışında bildirib ki, Fransa dövləti bu məsələdə aktiv rol oynayır: “Fransa 2015-ci il noyabrın 30-dan dekabrın 11-nə kimi Parisdə keçirilən BMT Çərçivə Konvensiyası tərəflərinin iqlim dəyişiklikləri üzrə 21-ci konfransına sədrlik edək. Bu məsələ müxtəlif dövlətlər arasında geniş müzakirə olunacaq. Bu gün ADA Universitetindəki görüş dekabrdakı konfransa hazırlıq kimi də qəbul edilə bilər. Biz universiteti layihələndirəndə ətraf mühit məsələlərinə çox diqqətli yanaşdıq. Çalışdıq ki, bizim kampus ətraf mühitin qorunmasını təmin edən bir kampus olsun. Universitetin qızdırılması və soyudulmasının 50 faizi yerin altından təmin olunur. Biz geotermal maddələrdən istifadə edirik. Biz eyni zamanda, enerji və ətraf mühit mərkəzi yaratmışıq. Biz daim bu məsələləri tələbələrimizə təşviq edirik”.

Fransanın Azərbaycandakı səfiri Paskal Mönye çıxışında qeyd edib ki, Rusiya havaya istixana effektli qaz buraxılışını 2030-cu ilə qədər 25-30 faiz, Avropa İttifaqı 2025-ci ilə qədər 35 faiz, ABŞ isə 2025-ci ilə qədər 26-28 faiz azaltmağı öz üzərinə götürüblər: “ADA mənim üçün yaşıl binanın bariz nümunəsidir. Siz tikinti və layihələndirmədə ətraf mühitə ziyan vermirsiniz. Bu, hər birimizin məsuliyyətidir. Hüseyn Bağırova təşəkkürümü bildirirəm. Bu tədbirin təşkilində nazirliyin əməkdaşları fəal rol oynayıblar. Azərbaycanda gözəl fauna və flora növləri var. Təəssüf ki, onların bir çoxu yer üzündən silinmək təhlükəsi ilə üz-üzə qalıb. 2010-cu ildə Honkonqda Yaşıl Fond yaradılıb. Bu fonda iqlim dəyişikliyinə qarşı mübarizə üçün yaradılıb. Hazırda 33 ölkənin ianəsi hesabına fonda 10 milyard vəsait toplanıb. 1 milyard Fransa tərəfindən verilib. Biz iddialı və ümidliyik”.

Ekologiya və təbii sərvətlər naziri Hüseyn Bağırov çıxışında 2009-cu ildə Kopenhagendə BMT Çərçivə Konvensiyası tərəflərinin iqlim dəyişiklikləri üzrə 15-ci konfransı fiasko adlandırıb: “Fransa səfirinin təşəbbüsünü anlamaq olar. Kopenhagendəki fiaskonun səbəbi Rusiya, Çin, Hindistan kimi ölkələr deyildi. Bu ölkələr Qərb ölkələrinə xitabən deyirdilər ki, bazanı siz yaratmısınız, biz sizin çatdığınız məqama çatmamış bu öhdəlikləri öz üzərimizə götürə bilmərik. Burada hardasa bir məntiq var idi. Problem birtərəfli deyil. Problem hamının payına düşür. Dohada haradasa vəziyyətdən çıxış yolu tapıldı. Azərbaycan Doha protokolunu ratifikasiyadan keçirib. Düşünürəm ki, Parisdə buna yeni bir cəhd olacaq. Azərbaycan havaya istixana qaz buraxılışının 2030-cu ilə qədər 35 faiz azaltmağı öz üzərinə götürmək üçün iş aparır”.
Daha sonra BMT İnkişaf Proqramının rezident nümayəndəsi Antonius Brok, Milli Məclisin vitse-spikeri Valeh Ələsgərov, Dövlət İdarəçilik Akademiyasının rektoru Urxan Ələkbərov çıxış ediblər.
Tural




 
Bölməyə aid digər xəbərlər
26.05.2019
Azərbaycan Amerikan Tibb Assosiasiyası Vaşinqtonda konfrans keçirib
26.05.2019
Erməni işğalı Şuşada xalçaçılıq ənənələrini məhv edib
25.05.2019
İspaniyanın Sevilya şəhərində ilk dəfə məscid inşa olunacaq
25.05.2019
Avropa Liqasının final oyunu ilə bağlı azarkeşlər üçün nəqliyyat pulsuz olacaq
25.05.2019
Region gənclərinin dövlət qulluğuna maraq və imkanları artırılacaq

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 Vahid Rzayev:”Səhər gördük ki, ermənilər arxiv sənədində özlərinə sərf etməyən hissəni qayçı ilə kəsiblər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info